Biblia Todo Logo
Bib sou entènèt

- Piblisite -




2 Timothy 4:8 - De Beebaa Dabu

8 Deenei ai, de hau o de heohi gu hagadabena mai donu gi de au, go de hau a Tagi Maolunga, de ia hagamodu muna heohi, e hagao mai ai au i de laangi laa, gai e dee go au donu huu, aagai se mee ange gi gilaadeu alodahi e malangilangi i dono hagasula mai.

Gade chapit la Kopi




2 Timothy 4:8
39 Referans Kwoze  

E manuuia tangada e lodo mmahi i dono masavaa e hagataalea ai, go hiidinga noo ia e duu ga makaga i lo te hagatale, gai ia e kave donu de hau o de mouli, go de mee a de Maadua gu hagatoo donu ange gi gilaadeu e aaloha i de ia.


Aude madagu i mee oou gu dai hagaduasala ina ai. Tilo, de ia hagabaubau laa gu dai hai naa gi dilia ange hanu goodou gi lo te hale pono e hagatale ai goodou, gai goodou e vaivai haia naa i e madaangahulu laangi. Gai goodou tuu gi makaga ga dae ai gi doodou maakau, gai au ga gaavadu gi de goe de hau o de mouli.


Gai de masavaa naa huu o Tagi o de gau hagaloosi e hagasula mai ai, gai goodou e kave donu de hau mahamaha e dee maua laa gi mmae.


gai gidaadeu ga tali ai e kave de boolonga e dee maua laa gi lilo, gai e dee maua gi bobo aabe e mmae, gai gu hagadabena adu gi goodou i de langi,


aanei ogu hiidinga gu hagaduasala ina ai nei. Aagai au e dee dogaa donu, go hiidinga au e iloo be goai aagu gu hagadonusia, gai au e iloo bolo ia e maua i de dagitilo mee alodahi gu gaamai gi de au ga dae gi de laangi laa.


Dangada alodahi e hagadau gaavange i denga hagadahao, e hagaduu ngae e hai gi aabo ange gilaadeu. Gilaadeu e hai mee nei e kave ai de hau e dee maua laa gi dagodo daulooloa, aagai gidaadeu e hai de mee nei e kave ai de hau e dagodo laa ga hano ai.


i hiidinga de tali hagalodolodo gu hagadabena adu laa gi goodou i de langi. Gai goodou gu langona dagodo o de tali nei i de agoago abodonu, go de longo danuaa,


Ga dae laa de laumalie doo abodonu, gu hagadabena ange gi gilaadeu e maatagu i de goe, ma de abodonu ange gi gilaadeu e haia goe go delaadeu buibui i madamada o dangada!


Tilo, ia e humai naa i honga denga giliiga. Gai dangada alodahi e gidee naa ia, ma gilaadeu donu hogi ne velosia laa ia; gai aamuli alodahi o henua i lalo e tangi naa i ono hiidinga. Gai mee nei e hai naa donu! Amen.


i de masavaa adaadeu e tali ai de mee adaadeu e tali hagalodolodo ange laa aagena, go de hagasula mai i de mahamaha taadeu Maadua maolunga, go taadeu Ia Hagaola go Iesu Klisdo.


Gai au ne gidee de langi gu mahuge, gai tilo, dahi hoosa tea gu sao mai. Gai de ia e gage i ono elunga e hagaingoo ange go de Mee Abodonu ma de Heohi. Gai ia e hagamodu muna ma de hebagi i de heohi.


Tangada e haia hagadaahao e dee kave dahi hagaoanga noo ia tee hagadaahao gi bei denga hainga.


Au e tala adu gi de goe i mada luu mada o de Maadua aama Klisdo Iesu, go de ia e hagamodu ina muna o dangada e mouli ma gilaadeu gu maakau, i de masavaa oona e hagasula mai ai, ga hagaduu age dono nohoanga hodooligi.


Deenei delaadeu hai e doange ai alaadeu mee ange gi de mouli e humai, gi maua ai e gilaadeu i de kave de mouli e dee ngado mai.


Gai gu sisi e hai ange, “Mee a dangada tigi gidee, gai tigi langona, gai tigi maanadu i olaadeu lodo — go mee a de Maadua gu hagadabena ange gi gilaadeu e aaloha i de ia”  —


“Gilaadeu nei ni dangada niiogu, go Tagi o denga hagabuulinga hebagi e hagadaba, i de laangi aagu e hai ai agu hegau. Gai au e hagaola naa gilaadeu, bei de hai a tamana e hagaola ai dana dama e hai hegau ange laa gi de ia.


Gai de ia e daalaa hagadonu mee nei ne hagadaba, “Ni muna abodonu, au gu dai humai donu.” Amen. Tagi Maolunga go Iesu, humai!


gai denga daane maatua e dinolua ma dogohaa laa ga hagabaakuu gi honga de gelegele ga daumaha ange gi de ia e noho laa i honga de nohoanga laa, go de ia e mouli laa ga hano ai e dee ngado mai. Gai gilaadeu ga dugu ange olaadeu hau goolo gi mada i mua o de nohoanga laa, ga hagataba,


Gai e madalua ma haa nohoanga e hagatau i luu baasi de nohoanga laa. Gai e dinolua ma dogohaa daane maatua e nnoho i honga denga nohoanga laa, gilaadeu e kahu i denga malo tea, ma de hagauda denga hau goolo i honga olaadeu biho.


gai e bei ai hogi dagodo o Klisdo: ia ne gaavange dono mouli e hai ai ssigidaumaha i e dahi donu huu hanonga, e kave gee ai haisala o dangada soa, gai ia e hagasula mai naa hogi i de lua hanonga, gai e dee se humai e hagauda haisala, aagai e hagamouli gilaadeu e daalia ia.


(Tagi Maolunga gi haia gi maua e ia tegi mai i daho Tagi Maolunga i de laangi laa!) Gai koe gu iloo dagodo o ana hegau lagolago ne bale mai ai au i Ephesus.


gai goodou e tali de humai o dana Dama Daane mai i de langi, go Iesu, de ia a de Maadua ne hagamouli age mai i de magau. Gai go Iesu donu hogi ne hagaola ina gidaadeu mai i de bole ⌊o de Maadua⌋ gu dai humai laa.


Aagai e dee go mee donu huu ne hai laa i taamada, gai e bei ai hogi, gidaadeu gu kave laa hua i taamada, go de Hagasaalunga ⌊Dabu⌋, e duasala donu odaadeu lodo i taadeu tali de masavaa odaadeu e hai ai gi ni dama daohi, go de hagaola o odaadeu angaanga.


Aagai de makaga o oo lodo ma tee dahuli oo lodo, ne hai gi laumalie de lili e hagadabena adu gi de goe i de laangi o de bole, go de masavaa a de Maadua e hagasula mai ai dana hagamodu heohi.


“E deai donu se dangada e iloo de laangi aabe go de aoaa laa; e deai hogi dangada de langi e iloo, Tama e dee iloo hogi e ia, aagai go Tamana donu huu e iloo.


De laangi laa gai e soa naa dangada e hai mai gi de au, ‘Tagi Maolunga, Tagi Maolunga, gimaadeu ne pasa pelaabisi i doo ingoo, ma de hai gi hulo denga hagasaalunga baubau, aama de hai denga mee hagalele mouli lagolago i doo ingoo!’


De heiangi e hagamahamaha naa goe, bei de hau i honga doo biho, gai e gaavadu gi de goe de hau mahamaha.”


De Maadua se ia hagamodu muna heohi, gai se Maadua e bole i hiidinga o de gau baubau i laangi alodahi.


Aagai goodou, denga daina, e dee nnoho i lo te gohu, gai goodou ga llele ai oodou mouli i de dae mai o de laangi laa, bei dagodo o de humai o tangada gaiaa.


Gidaadeu e duasala i taadeu nnoho i lo te hale nei, gai e kona mmao taadeu llodo e kahu i odaadeu mommee nnoho i de langi,


Au e hai adu gi goodou: Sodom e danuaa ange i de aduhale laa i de laangi hagamodu muna.


E dee aanei donu dagodo o au hegau e hai — koe e dee daa gi maakau de gau heohi madali de gau baubau, aabe e hai de gau heohi bei dagodo o de gau baubau. E dee aanei donu dagodo o au hegau e hai! E aha, de Ia Hagamodu o henua i lalo alodahi e dee hai naa de mee heohi?”


dagodo hegau a dahi ma dahi e ssula danuaa mai naa; i hiidinga e hagaago mai naa i de Laangi laa, de ahi e hai naa ga iloo ono dagodo. Gai de ahi e hagatale ange naa ga tilo be aahee dagodo hegau a dahi ma dahi.


gai noo e maua gai au e maua hogi gi mouli age mai i de magau.


De masavaa laa gai de ia e oohaa de hainga e hagasula mai naa donu, gai Tagi Maolunga go Iesu e daa naa ia ga magau i dana manava, ma de hagalilo ia i dono mahamaha i dono masavaa e ahe mai ai.


gai iainei gu hagaago mai i de humai o taadeu Ia Hagaola go Klisdo Iesu, go de ia ne haia gi deai se sauaa o de magau, gai ga gaamai de mouli aama de mouli e dee ngado mai i de longo danuaa.


E deai donu se haelenga e hagamalangilangi i de masavaa e hai ai, aagai e hagammae. Gai muli mai naa huu, gai gu ssula ai hua o de heohi i de nnoho paba, i daho dangada gu agoago ai.


Swiv nou:

Piblisite


Piblisite