2 Timothy 4:2 - De Beebaa Dabu

² Koe gi agoagona ana muna; koe gi baba ange aagena i de masavaa oou e saohia ai aama de masavaa oou e dee saohia ai; hagaheohi, ma de hagasee, aama de hagammahi ange olaadeu lodo — i de golomagi lodo i doo agoago ai.

2 Timothy 4:2 Referans Kwoze

1 Thessalonians 5:14

Denga daina, gimaadeu e dangidangi adu goodou gi agoagona ange gilaadeu e vaiduu, ma de hagaaneane ange gilaadeu e daemaha olaadeu lodo, aama de bale ange gilaadeu e baageaa, gai golomagi ina oodou lodo i dangada alodahi.

Titus 2:15

Agoagona mee nei; e hagammahi ai olaadeu lodo, ma de hagakana ange gilaadeu i ssauaa gu gaavadu naa gi de goe. Gai koe gi dee dugua ange dahi dangada gi hagangadi mee ina goe.

1 Timothy 4:13

Gai koe gi kana ange daulia muna o de Beebaa Dabu i madamada o dangada, ma de tala muna nei ga agoago ai, ga dae ai gi dogu dae adu.

Revelation 3:19

Au e hagasee donu ma de haele gilaadeu alodahi oogu e aloha ai. Deenei ai, koe gi hagammahi dahuli oo lodo.

Titus 1:13

Gai muna nei ni muna abodonu, deenei ai, koe gi hagaseegina gilaadeu gi maua ai gi hagadagadaga age danuaa olaadeu kai,

2 Timothy 2:21

Deenei ai, noo tangada e hagagilimalali ia mai i mee e dee hagadubu, gai ia e hai ga se goloa e hai ai hegau hagamogomogo, gai gu vvae gee e hai gi dabu, ma de haigamaiana ange gi tangada aamua o de hale gai gu baba ange e hai denga hegau danuaa alodahi.

Galatians 6:6

Gai tangada e agoagona muna a de Maadua i daho dahi dangada, gi balea ange hogi tangada laa i ana mee danuaa alodahi e hanu.

Romans 12:12

Goodou gi malangilangi i de tali hagalodolodo, ma de golomagi oodou lodo i doodou hagaduasala ina, gai dalodalo i masavaa alodahi.

2 Timothy 3:10

Gai koe gu iloo donu dagodo o agu agoago alodahi, ma dogu mouli, ma dagu hagatau, ma dogu gai, ma de golomagi ogu lodo, ma dogu aloha, ma dogu hagaduu ngae i de lodo mmahi,

1 Timothy 5:20

Gai koe hagaseegina gilaadeu e aheahe ange ma e haisala i madamada o dangada alodahi, gi maatagu ai de gau ange laa.

Colossians 1:25

Gai au ne hai go tangada hai hegau niio de nohoanga dabu, bei dagodo de hagadabu gu gaamai laa gi de au i daho de Maadua, gai au ga hai ai goodou gi iloo danuaa muna a de Maadua;

Romans 10:15

Gai dee hee de hai a dangada e agoago ai, noo teai ne hagasauaa ina gilaadeu gi hulo? Gai gu sisi e hai ange, “Ga dae laa de mahamaha vae o dangada e agoago ina de longo danuaa!”

Jonah 3:2

“Hidi age hannoo gi de aduhale laumalie go Nineveh ma gi daalaa ange ai agu muna e tala adu gi de goe.”

Acts 20:7

Aagai tahi laangi o de uvigi, gai gimaadeu ne hagabuni ga gaimee. Gai Paul ne agoago dangada ga dae ai gi lo te boo, go hiidinga ia ne maanadu bolo gimaadeu e malanga i de laangi i ono dua.

Acts 16:13

Gai de laangi huu o Sabbath, gai gimaadeu ga hulo gi tua de aduhale i gaogao dahi vai, gimaadeu ne maanadu bolo e dahi mommee e dalodalo ai i kilaa; gai gimaadeu ne nnoho ga madaangudu ange gi denga haahine gu hagabuni mai laa gi kilaa.

Luke 9:60

Iesu ne hai ange gi de ia, “Dugua ange denga maakau gi danumia alaadeu maakau, gai koe hannoo agoago ina dagodo o de nohoanga hodooligi o de Maadua.”

Luke 7:4

De masavaa olaadeu ne loomai ai gi daho Iesu, gai gilaadeu ne dangidangi hagammahi ange ga hai ange, “Ia se daane e heohi dau bale ange,

1 Thessalonians 5:20

gai goodou aude hagangadi mee ina agoago i de basa pelaabisi,

Luke 7:23

Gai e manuuia tangada e dee ahe dua i ogu hiidinga!”

Psalm 40:9

Au ne tala de longo danuaa o doo heohi ange gi de hagabuulinga soa; au e dee hagapuni donu dogu ngudu, Tagi Maolunga, koe e iloo donu mee nei!

2 Timothy 2:25

Gai ia gi hagaheohi ange tangada e hai baasi ange gi de ia i de lodo e daudonu, ga tali ange de Maadua gi balea ange gilaadeu gi daahuli olaadeu lodo, ma de dagi ange gilaadeu gi de muna abodonu,

Hebrews 13:22

Denga daina, au e dangidangi adu goodou gi golomagi ina oodou lodo i agu muna e bale adu ai goodou, go hiidinga e sogoisi donu huu agu muna e sisi adu.

Acts 28:16

Gai de masavaa huu omaadeu ne tae ai gi Rome, gai gu dugu ange a Paul gi noho donu huu i de ia, madali taane hebagi e hagaloosia ange laa ia.

Acts 13:5

Gai ga tae huu gilaau gi Salamis, gai gilaau ga agoago hogi muna a de Maadua i denga synagogue o de gau Ssuu i kilaa. Gai gilaau ne kave hogi a John Mark gi balea ange ai gilaau.

Colossians 4:3

Goodou dalodalo hogi i gimaadeu, gai de Maadua ga dugu mai ai de masavaa danuaa e tala ai dagodo o Klisdo e dee iloo laa, deenei de hiidinga oogu gu noho ai nei i lo te hale pono.

1 Thessalonians 1:6

Goodou ne ago mai i gimaadeu aama Tagi Maolunga, gai goodou ne malangilangi i de kave de longo danuaa e dee galemu de kona doodou duasala ai, ma de malangilangi mai i daho de Hagasaalunga Dabu.