2 Timothy 4:1 - De Beebaa Dabu

¹ Au e tala adu gi de goe i mada luu mada o de Maadua aama Klisdo Iesu, go de ia e hagamodu ina muna o dangada e mouli ma gilaadeu gu maakau, i de masavaa oona e hagasula mai ai, ga hagaduu age dono nohoanga hodooligi.

2 Timothy 4:1 Referans Kwoze

Acts 10:42

Ia ne hai mai gimaadeu gi agoagona ange dangada, ma de tala hagadonu bolo de Maadua gu hili ia gi hagamodu ina muna o dangada e mouli aama gilaadeu gu maakau.

2 Timothy 4:8

Deenei ai, de hau o de heohi gu hagadabena mai donu gi de au, go de hau a Tagi Maolunga, de ia hagamodu muna heohi, e hagao mai ai au i de laangi laa, gai e dee go au donu huu, aagai se mee ange gi gilaadeu alodahi e malangilangi i dono hagasula mai.

1 Timothy 5:21

Au e hai adu gi de goe i mada luu mada o de Maadua ma Klisdo Iesu aama de gau de langi gu hili laa, koe gi daohia muna nei, gai koe gi dee vae dangada, aabe gi hilihili dangada.

2 Timothy 2:14

Gai koe hagamanadua ina ange gi gilaadeu mee nei, ma de tala ange gi gilaadeu i mada luu mada o de Maadua gilaadeu gi dee hagadaumee i denga hagadoonunga o hanu muna; mee nei e deai donu olaadeu haigamaiana, aagai e oha donu lodo o dangada e langona mee laa.

Matthew 16:27

Gai Tama a Tangada e humai naa i de mahamaha o dono Damana, madali ono dangada de langi, gai ia ga hagao ange ai gi bei dagodo hegau a dahi ma dahi.

Titus 2:13

i de masavaa adaadeu e tali ai de mee adaadeu e tali hagalodolodo ange laa aagena, go de hagasula mai i de mahamaha taadeu Maadua maolunga, go taadeu Ia Hagaola go Iesu Klisdo.

1 Peter 5:4

Gai de masavaa naa huu o Tagi o de gau hagaloosi e hagasula mai ai, gai goodou e kave donu de hau mahamaha e dee maua laa gi mmae.

1 John 2:28

Agu dama, goodou gi duudagi ina de nnoho i ono lodo, gi llodo mmahi ai goodou ma tee dookaa, i ono mada i mua i dono masavaa e hagasula mai ai.

1 Peter 4:5

Aagai gilaadeu e tala ange naa dagodo o alaadeu hegau alodahi, gi de ia gu baba ange laa e hagamodu muna o dangada goi mouli laa ma gilaadeu gu maakau.

1 Peter 1:7

Mee nei ne hai e tilo ai be oodou kai se muna abodonu aabe e deai — gai e hagamogomogo ange i denga goolo e lilo laa, e dee galemu donu gu lava i de hagagilimalali i de ahi — gai goodou ga kave ai de tuhi ma de mahamaha, aama hagadubu i de laangi o Iesu Klisdo e hagasula mai ai.

2 Thessalonians 2:8

De masavaa laa gai de ia e oohaa de hainga e hagasula mai naa donu, gai Tagi Maolunga go Iesu e daa naa ia ga magau i dana manava, ma de hagalilo ia i dono mahamaha i dono masavaa e ahe mai ai.

Romans 2:16

De mee nei e hai naa donu, i de laangi a de Maadua e hagamodu ai maanadu e dee iloo laa, i daho Klisdo Iesu, bei de hai gu tala ai i de longo danuaa oogu e agoago ai nei.

Acts 17:31

Go hiidinga ia gu hagatau dahi laangi e hagamodu ai muna o dangada i henua i lalo i de heohi, i daho tangada aana gu hili. Ia ne hagadonu de mee nei i madamada o dangada i dana hagamouli age ia i de magau.”

Psalm 98:9

i mada i mua o Tagi Maolunga, go hiidinga ia e humai naa e hagamodu muna o henua i lalo. Ia e hagamodu muna o henua i lalo i de heohi, ma de hagahedae dangada.

Psalm 96:13

i mada luu mada o Tagi Maolunga, go hiidinga ia e humai naa, ia e humai naa e hagamodu muna o henua i lalo. Ia e hagamodu naa muna o henua i lalo i de heohi, gai e hagamodu muna o dangada i de muna abodonu.

2 Peter 1:11

Go hiidinga deenei de hai e mahuge adu ai de haitoga gi goodou, e ulu ai i de nohoanga hodooligi dee ngado mai o taadeu Dagi Maolunga ma de Ia Hagaola go Iesu Klisdo.

Luke 23:42

Gai ia ga hai ange, “Iesu, manadua mai au i doo masavaa e dae ai gi doo nohoanga hodooligi!”

Luke 19:15

Gai taane aamua laa gu sula ga se hodooligi; gai ga aahe mai huu ia, gai ia ga aalu gi loomai de gau hai hegau aana ne gaavange laa aagena sseene, e tilo ai be ni aha ne maua i delaadeu hagahai hegau de sseene laa.

Luke 19:12

Gai ia ga hai ange gi gilaadeu, “E dahi daane aamua ne baba ange e hano gi dahi henua mmao e kave ai dono nohoanga hodooligi ga ahe mai ai.

Revelation 1:7

Tilo, ia e humai naa i honga denga giliiga. Gai dangada alodahi e gidee naa ia, ma gilaadeu donu hogi ne velosia laa ia; gai aamuli alodahi o henua i lalo e tangi naa i ono hiidinga. Gai mee nei e hai naa donu! Amen.

2 Peter 1:17

De masavaa aana ne kave ai de mahamaha ma de hagadubu, mai i daho Maadua Tamana, gai dahi leo ne humai gi de ia i daho de Mahamaha Sauaa laa, ga hai ange, “Deenei dagu Dama hagamogomogo, au e malangilangi i de ia.”

Colossians 3:4

Gai de masavaa naa huu o Klisdo, doodou mouli e humai ai, gai goodou e loomai naa hogi madali ia i de mahamaha.

Psalm 50:6

De langi e hagaago mai de heohi o de Maadua, i hiidinga go ia donu de ia hagamodu muna! Selah

2 Timothy 1:10

gai iainei gu hagaago mai i de humai o taadeu Ia Hagaola go Klisdo Iesu, go de ia ne haia gi deai se sauaa o de magau, gai ga gaamai de mouli aama de mouli e dee ngado mai i de longo danuaa.

2 Timothy 4:18

Gai Tagi Maolunga e hagaola naa donu au mai i denga hegau baubau alodahi, ma de hagaola au ga kave gi dono nohoanga hodooligi i de langi. Gai hagamahamaha ina ia ga hano ai e dee ngado mai. Amen.