2 Timothy 3:5 - De Beebaa Dabu

⁵ gilaadeu e hagaago donu huu de hai lodo o de Maadua, aagai gilaadeu e hagangadi mee donu ssauaa o de Maadua. Gai koe gi dee hagabuni ange gi gilaadeu e haia mee nei.

2 Timothy 3:5 Referans Kwoze

Isaiah 29:13

Gai e hagadaba de Ia Aamua: “De huaadangada nei e hagapaa mai gi de au i olaadeu ngudu, ma de hagadubu donu huu au i alaadeu muna e tala, aagai olaadeu lodo e mmao gee donu i de au. Alaadeu hai daumaha mai gi de au, e daudali i dahulinga ne ago mai i daho dangada.

Titus 1:16

Gilaadeu e hagataba bolo gilaadeu ni dangada e iloo de Maadua, aagai alaadeu dahulinga e hagahadu muna ia; gilaadeu ni dangada e haia dahulinga baubau ma tee hagallongo i muna, gai e deai olaadeu haigamaiana ange gi hegau danuaa.

1 Timothy 5:8

Aagai noo tangada e dee hagadanuaa ono dangada donu, go dangada i dono huaabodu, gai ia e hagangadi mee dono gai, gai ia e kii ange de baubau i tangada tigi hagadonusia laa.

Matthew 7:15

“Goodou kana ange dagidiiloo denga pelaabisi hadu muna, gilaadeu e kahu naa bei denga ssiibi e loomai ai gi oodou daha, aagai olaadeu lodo e bei denga wolf.

Titus 3:10

Gai koe hagakana ina tangada e haia gi dee heloongoi magavaa o dangada i e lua hanonga, aagai koe gi dee hagabuni ange gi de ia.

2 Timothy 2:16

Aagai koe huli gee i denga ngadi muna, go hiidinga dangada e haia mee nei e hagadagadaga ange naa donu de baubau.

2 Timothy 2:23

Koe gi dee anga ange gi ngadi muna ma muna llodo ssenga e dee heloongoi ai dangada, go hiidinga koe e iloo bolo mee nei e hidi mai ai de hagadaumee o dangada.

1 Timothy 6:5

ma tee heloongoi magavaa de gau maanadu baubau, e dee iloo laa e gilaadeu de muna abodonu. Gilaadeu e maanadu bolo alaadeu hai daumaha e hai ga maua e gilaadeu sseene lagolago.

Ephesians 4:14

gi dee bei ai gidaadeu dagodo o denga gauligi, e baabaagia saele laa i denga beau, ma de iliilihia saele i denga hagadaagangaa agoago, a dangada e daahangadia dangada i alaadeu hagatau hadu muna.

2 Thessalonians 3:6

Denga daina, gimaadeu e hai adu i de ingoo o taadeu Dagi Maolunga go Iesu Klisdo, goodou gi dee hagabuni ange gi denga daina alodahi e ngadi nnoho laa donu huu, gai e dee daudali i dahulinga oodou gu kave mai i omaadeu daha.

2 Thessalonians 3:14

Gai noo dahi dangada e dee lodo e daudali i muna i lo te leda nei, gai goodou gi iloo ono dagodo, gai goodou gi dee hagabuni ange gi de ia, gi dogaa ai ia.

1 Timothy 4:7

Gai koe gi dee anga ange gi denga ngadi daalanga e dee bei lodo o de Maadua, ma ngadi daalanga a denga haahine madumaatua. Aagai koe agoago i de hai lodo o de Maadua;

1 Timothy 4:8

go hiidinga de agoago ga hagaabo de angaanga e hanu ono haigamaiana, aagai de hai lodo o de Maadua e haigamaiana ange gi mee alodahi, go hiidinga go kilaa iai de hagatoo donu ange gi de mouli nei aama de mouli e humai.