2 Timothy 3:3 - De Beebaa Dabu

³ e deai olaadeu aaloha, e dee degi ange gi dangada, e hagabaubau dangada, e dee maua i de golomagi olaadeu lodo, ma de alasala, gai gilaadeu e dee llodo i mee danuaa;

2 Timothy 3:3 Referans Kwoze

Jude 1:18

Gilaadeu ne hai adu gi goodou, “Denga laangi hagaodi naa huu gai gu loomai de gau doo mee, gai gilaadeu ga hai hegau i olaadeu lodo baubau laa.”

Romans 1:31

ma de llodo ssenga, ma tee hai hegau i de mee abodonu, ma teai olaadeu aaloha, aama tee abodonu ange gi dangada.

Matthew 10:21

Dahi dangada e gaavange naa dono daina daane e daa gi magau, gai tamana e gaavange naa dana dama. Denga dama e hai baasi ange naa gi olaadeu maadua ga daa gilaadeu gu maakau.

2 Peter 2:14

Olaadeu mada e haaina denga haahine hai be se manu, gai e dee lava donu olaadeu llodo i de haisala. Gilaadeu e hagasenga gilaadeu e baageaa olaadeu lodo. Gai olaadeu lodo gu hagaabo ange gi de nnoo hagamau mee. Gilaadeu gu hagamalaia donu!

1 Timothy 3:11

E bei ai hogi, olaadeu bodu gi ni haahine e hagadubu i daho dangada, gilaadeu gi dee llodo e hai samu, gai gi dee llodo e unu gi ssenga, gai gi hai hegau i de muna abodonu i mee alodahi.

Matthew 4:1

Gai de Hagasaalunga ⌊Dabu⌋ ne dagi Iesu ga kave gi lodo henua e hagatale ai, i daho de ia hagabaubau laa.

Daniel 8:23

Gai laangi hagaodi olaadeu e dagi ai, i de masavaa o de gau haisala e kona ai de baubau, gai dahi hodooligi alasala, ma de donu ange gi denga mee hagasengasenga e sula age naa.

Revelation 17:6

Gai au ne gidee bolo de hine laa gu senga i de unu dodo o dangada o de Maadua, go dodo o dangada ne maakau laa, i hiidinga delaadeu tala hagadonu dagodo o Iesu. Gai de masavaa huu aagu ne gidee ai ia, gai au gu kona de lele ogu mouli.

Revelation 16:6

Go hiidinga dangada gu daa oo dangada dabu aama denga pelaabisi, gai koe gu hai gilaadeu gi unumia dodo, gai e heohi donu delaadeu hagaduasala i mee nei.”

Revelation 13:17

gai gi dee maua ai e tangada i de hagao aabe go de hagao gi daha dahi mee, noo ia e dee kave de maaga laa, go de ingoo o de manu alasala laa, aabe go taelodo o dono ingoo.

Revelation 13:15

Gai gu gaavange ssauaa gi de lua manu alasala laa gi haia ai gi manamanava tiinonga laa, gai tiinonga laa gu maua i de basa, ma de daa gi maakau dangada e dee daumaha ange gi tiinonga o de manu laa.

Jude 1:16

De gau bee nei ni dangada e nnanu, ma de hagabaubau dangada; gilaadeu e hai hegau donu i olaadeu lodo haisala, gilaadeu e tuhi donu huu gilaadeu, aama de hagasegesege ange dangada gi maua ai olaadeu mee e llodo ai.

2 Peter 3:3

Gai deenei tahi mee hugadoo oodou e hai gi iloo: de gau doo mee e loomai naa ga doo mee i denga laangi hagaodi. Gilaadeu e daudali naa donu huu i olaadeu lodo dee heohi.

James 2:6

Aagai goodou gu hagangadi mee tangada hagaau aloha. Gai e dee go de gau lava e vaivai haia naa goodou ma de gaavange goodou gi de hainga?

Titus 2:3

Gai e bei ai hogi denga haahine maatua, agoagona ange gilaadeu gi ni haahine dabu i delaadeu hai e hai hegau ai, gilaadeu gi dee hai samu, aabe gi ssenga ange gi de unu uvaini, aagai gilaadeu gi ni haahine e agoagona mee danuaa.

Titus 1:8

aagai gi abodonu ange gi dangada e loomai gi dono hale, ia gi malangilangi i de hai tanuaa, ia gi maanetonu, ia gi hai hegau i de mee heohi ma de hai gi dabu abodonu, aama de golomagi ono lodo.

1 Thessalonians 4:8

Deenei ai, tangada e hagangadi mee ina hainga nei e dee hagangadi mee dangada, gai ia e hagangadi mee donu de Maadua, go de ia ne gaavadu gi goodou dono Hagasaalunga Dabu.

1 Corinthians 7:9

Aagai noo gilaadeu e dee maua i tee dagodo haisala, gai gilaadeu gi haia olaadeu bodu. Go hiidinga e danuaa ange de hai bodu o tangada i dono sae ange gi de dagodo haisala.

1 Corinthians 7:5

Tangada gi dee daohia dono angaanga i dono bodu, deelaa donu huu noo gilaau gu heloongoi i dahi masavaa bodobodo, bolo gilaau ga kave hanu masavaa e dalodalo ai, muli mai gai gilaau gi aahe ange gi hagahebaa, gi dee hagataalea ai goodou i Satan, i hiidinga goodou e dee maua i de daohi goodou gi dee hagahebaa.

John 6:70

Iesu ne hai ange gi gilaadeu, “E aha, e dee go au ne hilia goodou, tinoangahulu ma dogolua? Gai dahi goodou se ia hagabaubau.”

Luke 16:14

Gai denga Pharisee, e nnoo ange laa gi sseene lagolago, ne langona e gilaadeu muna nei, gai gilaadeu ga doo mee i Iesu.

Luke 10:16

Tangada e hagalaangona oodou muna e hagallongo donu agu muna; gai tangada e kino i goodou e kino donu i de au. Aagai tangada e kino i de au e kino donu hogi i de ia ne haia nei au gi humai.”

Isaiah 60:14

Dama a dangada nogo hagaduasala ina goe e loomai naa ga ino adu gi de goe; gai gilaadeu alodahi nogo kino i de goe e ino naa gi lalo i gaogao luoo vae; gilaadeu e hagaingoo adu naa goe go de Aduhale o Tagi Maolunga, go Zion o de Ia Dabu o Israel.

Isaiah 53:3

Ia ne hagangadi mee ina ma de kino ai o dangada, se dangada e lagolago ono hagammae, ma de donu ange gi dagodo o de hagaduasala. Dangada e kino i de kalo ange e tilo ia; ia ne hagangadi mee ina, gai gidaadeu tee hagadubu ia.

Psalm 22:6

Aagai au se ilo e dee se dangada, dangada e kino ma de hagangadi mee au.

Genesis 49:7

Delaau llili gi hagamalaia, i hiidinga delaau llili e kona mmao, i delaau vaivai hai dangada! Au e hai naa olaau hagadiilinga gi mavaevae saele i magavaa o dangada o Jacob ma magavaa o dangada o Israel.

2 Peter 2:19

Gilaadeu e hagatoo donu ange gi dangada bolo gilaadeu e ilaage donu, aagai gilaadeu donu, ni dangada hai hegau niio denga lodo hakino gee; go hiidinga dangada ni dangada hai hegau donu niio de mee e dagina gilaadeu.

Psalm 15:4

Ia e kino i tangada e haia de baubau, aagai e hagadubu gilaadeu e maatagu i Tagi Maolunga; ia e hagasula dana mee gu hagatoo donu ai, e dee galemu donu de hai ngadaa;

Romans 1:29

Gai alaadeu maanadu gu hoohonu i denga hagadaagangaa dahulinga dee heohi, ma de baubau, ma de nnoo hagamau mee, ma de maanadu baubau. Gilaadeu e llodo gaiaa mmao, ma de daa tangada gi magau, ma de hagadaumee, ma de daahanga dangada, ma de alasala, ma de kave muna hagabaubau,