2 Timothy 3:16 - De Beebaa Dabu

¹⁶ Muna alodahi o de Beebaa Dabu ne daamada mai i lodo o de Maadua, gai e haigamaiana ange gi de agoago ai, ma de hagakana ange ai, ma de hagaheohi aama de agoago ai gi heohi tangada,

2 Timothy 3:16 Referans Kwoze

Romans 15:4

Gai mee alodahi ne sisi laa madagidagi ne sisi e agoago ai gidaadeu, gi tuu ai gidaadeu gi makaga, ma de lo taane i taadeu iloo de Beebaa Dabu, gai gi dahi ai adaadeu tali.

Hebrews 4:12

Go hiidinga muna a de Maadua e mouli ma de mmahi, e kangi ange i de gadilaasa baasi lua, gai e vvae de lodo ma de hagasaalunga, ma denga sugusuguinga ma mee i lodo ivi; gai e hagamodu dagodo maanadu ma hagatau alodahi i de lodo.

Mark 12:24

Iesu ne hai ange gi gilaadeu, “Goodou e dee heohi donu, go hiidinga goodou e dee iloo muna a de Beebaa Dabu aabe go mahi o de Maadua.

Psalm 119:9

Dee hee de hai a dahi dama daane e hai ai gi gilimalali dono mouli? Go dana dagitilo ga daudali i au muna.

Proverbs 6:23

Go hiidinga de muna nei e bei de laama, gai de agoago nei se mee hagamaalama; gai doo hagaheohi ina e hagaabo ange goe gi de haiava o de mouli,

2 Timothy 4:2

Koe gi agoagona ana muna; koe gi baba ange aagena i de masavaa oou e saohia ai aama de masavaa oou e dee saohia ai; hagaheohi, ma de hagasee, aama de hagammahi ange olaadeu lodo — i de golomagi lodo i doo agoago ai.

Psalm 119:11

Au e doange au muna i ogu lodo, gi dee haisala adu ai au gi de goe.

Psalm 119:130

De hhuge mai o au muna e gaamai de maalama, gai e hai gi tonu ange gilaadeu e llodo ssenga.

2 Samuel 23:2

De Hagasaalunga o Tagi Maolunga ne hai au gi daalaa ana muna; gai ana muna e daakodo i lo togu ngudu.

Proverbs 15:31

Tangada e hagalaangona muna o de mouli e hagaheohi ange ai laa ia, e noho i magavaa o de gau heiangi.

2 Timothy 2:25

Gai ia gi hagaheohi ange tangada e hai baasi ange gi de ia i de lodo e daudonu, ga tali ange de Maadua gi balea ange gilaadeu gi daahuli olaadeu lodo, ma de dagi ange gilaadeu gi de muna abodonu,

Deuteronomy 4:36

Ia ne hai gi langona e goodou dono leo mai i de langi e haele ai goodou. Gai ia ne hai gi gidee e goodou de ahi ula i honga de henua, ma de langona dono leo e basa adu ai gi goodou mai i lo te ahi.

Acts 20:20

Gai au tee hagammuni donu dahi mee, gai ne agoago adu goodou i mee e haigamaiana adu gi goodou, ma de agoago adu goodou i de mommee iai dangada soa aama oodou hale,

John 3:20

Be goai e haia de baubau e kino donu i de maalama, gai ia e dee lodo e humai gi de maalama, kana ssula mai ana hegau baubau.

Matthew 13:52

Ia ne hai ange, “Deenei ai, de gau sisi alodahi gu agoago i dagodo o de nohoanga hodooligi o de langi, e bei tangada e dugua mai laa ono goloa hoou ma goloa duai i dono mommee doange.”

Acts 18:25

Gai ia ne agoago i dagodo o de haiava o Tagi Maolunga, gai se daane lodo mmahi, gai ne heohi dana hai ne tala ai ma de agoago ange ai dangada i dagodo o Iesu, gai go de babudaisi donu huu a John aana e iloo.

Romans 2:20

gai se dangada e hagaheohi ina ange gilaadeu e llodo ssenga ma de agoago ange denga gauligi, go hiidinga koe gu iloo de hainga alodahi ma de muna abodonu —

Nehemiah 9:20

Gai koe ne gaavange doo Hagasaalunga danuaa ga agoago ange ai gilaadeu, koe tee kave gee au manna e haangai ange ai laa gilaadeu, ma de gaavange gi gilaadeu alaadeu vai e unu ai.

Galatians 3:8

Gai de Beebaa Dabu ne tala bolo de Maadua e hagaheohi naa denga Gentile i de gai, ma de agoago ange hogi de longo danuaa gi Abraham i mua, ga hai ange, “Gai denga huaahenua alodahi e manuuia naa i oo hiidinga.”

Hebrews 3:7

Deenei ai, e hagadaba de Hagasaalunga Dabu, “Anailaa nei, noo goodou gu langona dono leo,

1 Corinthians 12:7

Gai gu gaavange gi dahi ma dahi dono duuhanga, mai i daho de Hagasaalunga ⌊Dabu⌋ e hagadanuaa ai alodahi.

Acts 20:27

go hiidinga au tee hagammuni donu dahi mee i goodou, gai ne tala adu gi goodou lodo alodahi o de Maadua.

Proverbs 15:10

Tangada e hano gee laa i de haiava heohi e kona dono haelenga, gai tangada e kino laa i dono hagaheohi ina e magau naa donu.

John 10:35

Gidaadeu e iloo bolo muna a de Beebaa Dabu e dee maua donu i de oha ga hano ai; gai de Maadua tee hagabinga gilaadeu ne gaavange aagena ana muna bolo ni maadua?

Matthew 26:56

Aagai mee nei alodahi ne hai e hagassula ai muna a denga pelaabisi gu sisi laa i de Beebaa Dabu.” Gai ana dangada agoago alodahi ga tili ia gai ga saavini ga hulo.

Acts 1:16

“Denga daina, muna a de Beebaa Dabu gu hai donu ma gu bei, aanei muna a de Hagasaalunga Dabu gu tala i daho David madagidagi, i dagodo o Judas, taane ne dagina mai dangada ne boogia Iesu.

Matthew 21:42

Iesu ne hai ange gi gilaadeu, “E aha, goodou tigi daulia ange naa donu muna nei i de Beebaa Dabu? ‘De hadu a de gau hagatuu hale ne hagangadi mee gu hai go de hadu i tege; de mee nei go Tagi Maolunga ne haia, gai e hagalele mouli i taadeu tilo.’

Romans 4:23

Gai muna e hai ange laa, “dono gai ne hai ia gi dau bolo se dangada e heohi” tee sisi ange donu huu gi de ia,

Hebrews 11:1

De gai go de iloo abodonu bolo mee adaadeu e tali hagalodolodo ange laa aagena e hai donu, ma de iloo abodonu bolo mee adaadeu e dee gidee laa e hanu donu.

Romans 3:2

E lagolago donu mee o de gau Ssuu e dubu ange ai! Tahi mee: de Maadua ne gaavange ana muna donu gi gilaadeu.

Acts 28:25

Deelaa ai, gilaadeu gu dee buni, gai gu mavaevae ga hulo gee mai i kilaa, i dua de tala a Paul muna hagaodi nei: “E heohi donu muna a de Hagasaalunga Dabu gu tala ange laa gi odaadeu dubuna madagidagi i daho de pelaabisi go Isaiah:

Mark 12:36

Gai David ne hagadaba hogi, i ssauaa o de Hagasaalunga Dabu, ‘Tagi Maolunga ne hai ange gi dogu Ia Aamua: Noho i dogu baasi madau ga dae ai gi dagu hai oo hagadaumee gi nnoho i oo lalo.’

Micah 2:7

Dangada o Jacob, e heohi taadeu hagataba, “E aha, de Hagasaalunga o Tagi Maolunga gu dee maua i de golomagi ono lodo? Gai aanei ana hegau e hai?” E aha, agu muna e dee hai ange laa tanuaa gi tangada e hai hegau i de heohi?

Matthew 26:54

Aagai dee hee ai naa de hai e hagassula ai muna a de Beebaa Dabu, gu tala laa bolo e hai donu?”

Matthew 22:43

Iesu ne ssili ange hogi gi gilaadeu, “Gai gu aha David gu hagahi ange ai laa ia go ‘de Ia Aamua’, i ssauaa o de Hagasaalunga ⌊Dabu⌋? Ia ne hagadaba,

Deuteronomy 29:29

Mee e dee iloo nii Tagi Maolunga taadeu Maadua, aagai mee gu iloo niidaadeu ma adaadeu dama ga hano ai e dee ngado mai, gi maua ai e gidaadeu i de daudali i muna alodahi o de hainga nei.

Zephaniah 3:2

Se aduhale e dee hagallongo ange gi dahi, ma tee malangilangi i de hagaheohi a dahi ia. Gai ia e dee hagadonu Tagi Maolunga, gai e dee lodo e hagabaa ange gi dono Maadua.