2 Timothy 3:10 - De Beebaa Dabu

¹⁰ Gai koe gu iloo donu dagodo o agu agoago alodahi, ma dogu mouli, ma dagu hagatau, ma dogu gai, ma de golomagi ogu lodo, ma dogu aloha, ma dogu hagaduu ngae i de lodo mmahi,

2 Timothy 3:10 Referans Kwoze

1 Timothy 6:11

Aagai koe, taane o de Maadua, savini hano gee i mee nei alodahi, gai hagaduu ngae haia gi heohi goe, ma de hai lodo o de Maadua, ma de gai, ma de aloha, ma de lodo mmahi i de golomagi lodo, aama de daudonu.

Titus 2:7

Gai koe haia doo mouli gi se hagaago danuaa i au hegau alodahi e hai. Gai koe gi agoago i de lodo se muna abodonu gai e dee hai gi ni mee e hakadanga ai,

1 Timothy 4:6

Noo koe e tala ange mee nei gi denga daina, gai koe gu se dangada hai hegau danuaa niio Klisdo Iesu, koe gu agoago abodonu i muna o de gai, ma agoago danuaa oou e daudali ai naa.

Philippians 2:22

Aagai goodou gu iloo donu dagodo de haigamaiana o Timothy, i dono hai hegau madali au bei dagodo o tama ma dono damana i de hagadele de longo danuaa.

Hebrews 13:9

Goodou gi dee hagasengalia i denga hagadaagangaa agoago ma agoago gee. Gai e danuaa doodou hagammahi oodou lodo i de abodonu o de Maadua, e dee go hainga ma dahulinga o denga gai. Mee nei e deai donu haigamaiana ange gi gilaadeu e daudali ai.

Acts 11:23

Dono masavaa ne dae ai gi kilaa, gai ia gu gidee mee a de Maadua gu hai i kilaa i dono abodonu, gai ia gu malangilangi, ga hagammahi ange gilaadeu alodahi gi hai hegau ange gi Tagi Maolunga i de mee abodonu ma de lodo mmahi.

2 Peter 3:11

Go hiidinga mee alodahi e odi naa donu i de oha, gai dee hee ai naa doodou hai e mouli ai iainei? Goodou gi ni dangada e dabu ma de hai lodo o de Maadua,

2 Timothy 4:3

I hiidinga e dae mai naa de masavaa a dangada e dee llodo ai e hagallongo denga agoago heohi, gai ga daudali ange i gilaadeu e agoagona mee olaadeu e malangilangi i de hagallongo.

2 Timothy 2:22

Gai koe savini hano gee i lodo dee heohi o denga dama daane mmodo, gai dolohia de heohi, ma de gai, ma de aloha, ma de nnoho paba, madali gilaadeu alodahi e dalodalo ange gi Tagi Maolunga i de lodo e gilimalali.

1 Thessalonians 1:5

go hiidinga demaadeu longo danuaa tee tala adu donu huu gi goodou i muna, gai ne gaavadu i ssauaa ma de Hagasaalunga Dabu, gai gimaadeu e iloo bolo e heohi abodonu. Goodou gu iloo dagodo omaadeu mouli i de masavaa omaadeu nogo nnoho ai i oodou magavaa; de mee nei ne hai gi danuaa adu ai gi goodou.

2 Corinthians 1:17

E aha, au ne lodo lagolago laa i de masavaa aagu ne hai ai de hagatau nei? Aabe au ne hai dagu hagatau bei dagodo hagatau o henua i lalo; au e hagadaba “Uaa, uaa” gai e “Deai, deai” i de hanonga daudahi?

Romans 16:17

Denga daina, au e dangidangi adu goodou gi dagidiiloo dangada e hagadee heloongoi ina laa magavaa o dangada, ma de haia mee e dee bei de hai oodou gu agoago ai. Goodou gi dee hagabuni ange gi gilaadeu.

Acts 26:4

De gau Ssuu alodahi e iloo dagodo o dogu mouli mai i dogu gauligi, gai au ne madua age i daho dogu huaahenua i Jerusalem.

Acts 20:18

Gai ia ne hai ange gi gilaadeu i de masavaa olaadeu ne tae mai ai gi ono daha, “Goodou e iloo ogu dagodo i masavaa alodahi oogu nogo noho ai i oodou magavaa, mai i tahi laangi oogu ne dae ai gi Asia,

Acts 2:42

Gai gilaadeu nei ne hagaduu ngae ga daudali i agoago a de gau tala ma de hagabuni madali gilaadeu ga gaimee ma de dalodalo.

Luke 1:3

Deenei ai, tangada aamua go Theophilus, au ne maanadu bolo se mee danuaa hogi dagu sisi adu mee nei gi de goe, go hiidinga gu lava donu i dogu hai hegau ange ma gu ssala gi iloo danuaa e au dagodo o mee nei mai i taamada,

1 Timothy 1:3

Au ne hai goe gi noho i Ephesus, i dogu masavaa ne hano ai gi Macedonia, gai koe ga hai ai gilaadeu e agoago i hanu agoago gee gi dee agoago ai,

Ephesians 4:14

gi dee bei ai gidaadeu dagodo o denga gauligi, e baabaagia saele laa i denga beau, ma de iliilihia saele i denga hagadaagangaa agoago, a dangada e daahangadia dangada i alaadeu hagatau hadu muna.

Daniel 1:8

Aagai Daniel ne baba dana maanadu bolo ia e dee hai gi hakino gee ia, i dana gai ma de unu uvaini a de hodooligi. Deelaa ai, ia ne dangidangi ange gi tagi o denga eunuch, gi dugua ange ia gi maua i tee gai mee e haia ga hakino gee ia.

Philippians 2:20

Gai e deai ange donu se dangada e bei dagodo o Timothy, i dono lodo mmahi i de hai de mee e danuaa adu gi goodou.

2 Timothy 4:2

Koe gi agoagona ana muna; koe gi baba ange aagena i de masavaa oou e saohia ai aama de masavaa oou e dee saohia ai; hagaheohi, ma de hagasee, aama de hagammahi ange olaadeu lodo — i de golomagi lodo i doo agoago ai.

2 Timothy 4:7

Au gu lava i de hebagi i de hebagi danuaa, au gu hagalava dogu savini e houhou, gai au ne daohi dogu gai.