2 Timothy 3:1 - De Beebaa Dabu

¹ Aagai koe gi iloo de mee nei: denga masavaa hai ngadaa e tae mai naa donu i laangi hagaodi.

2 Timothy 3:1 Referans Kwoze

2 Peter 3:3

Gai deenei tahi mee hugadoo oodou e hai gi iloo: de gau doo mee e loomai naa ga doo mee i denga laangi hagaodi. Gilaadeu e daudali naa donu huu i olaadeu lodo dee heohi.

2 Timothy 4:3

I hiidinga e dae mai naa de masavaa a dangada e dee llodo ai e hagallongo denga agoago heohi, gai ga daudali ange i gilaadeu e agoagona mee olaadeu e malangilangi i de hagallongo.

1 John 2:18

Agu dama, gu baa mai donu de aoaa hagaodi! Goodou gu langona bolo de hagadaumee o Klisdo e humai naa, gai gu soa donu hagadaumee o Klisdo gu loomai. Deenei taadeu hai e iloo ai bolo gu dae mai donu de aoaa hagaodi.

Jude 1:17

Aagai goodou, ogu daina hagamogomogo, hagamaanadu i muna a de gau tala o Iesu Klisdo taadeu Dagi Maolunga.

Micah 4:1

Denga laangi hagaodi naa huu, gai de mounga o de hale o Tagi Maolunga e hai naa ga maolunga ange i denga mounga hugadoo, ma de maolunga ange i denga duuduu. Gai dangada e daga mai naa ga loomai gi kilaa;

Isaiah 2:2

Denga laangi hagaodi naa huu gai de mounga o de hale o Tagi Maolunga e hai naa ga maolunga ange i denga mounga hugadoo, ma de maolunga ange i denga duuduu. Gai denga huaahenua alodahi e daga mai naa gi kilaa,

Daniel 12:11

Gai taelodo o laangi, mai i de masavaa ne tuu ai de hai denga sigidaumaha dudu i de laa tubua, ma de duu age o de mee hakino gee e haia laa ga ngadi dagodo o de mommee laa, se 1,290 laangi.

Jeremiah 49:39

Aagai muli mai naa huu, gai au e hagaahe ange naa de manuuia o Elam,” go Tagi Maolunga e hagadaba.

Ezekiel 38:16

Gai koe e humai naa ga hebagi ange gi ogu dangada go de gau Israel, bei dagodo o de hagausinga e hanage laa ga haoli honga de henua. Au e gaamai naa goe gi hebagi ange gi dogu henua i denga laangi hagaodi, gi iloo ai e denga huaahenua ogu dagodo, i de masavaa aagu e hagaago ange ai gi gilaadeu bolo au e dabu i agu hegau e hai i oo daha i madamada o dangada.

Daniel 12:7

Gai taane e gahu laa i malo linen ma e duu ai i honga vai o ssaalingaa vai, ne haalo luoono lima gi lunga; gai au ne langona ia e hagatoo donu i de ingoo o de ia e mouli laa ga hano ai, ga hagadaba, “E dahi masavaa, ma hanu masavaa, aama e dahi baasi masavaa. Gai de masavaa naa huu e lava ai de hagaduasala o de huaadangada dabu laa, gai mee nei alodahi gu lava.”

Daniel 11:36

“Gai de hodooligi laa e hai naa donu huu ono mee e lodo ai. Ia e hagaamua naa donu huu ia, ma de tala bolo ia e maolunga ange i denga maadua alodahi, ma de tala denga mee hagalele mouli e hai baasi ange ai gi de Maadua o denga maadua. Gai ia e sula naa donu ga dae ai gi de odi ange de masavaa o de lili ⌊o de Maadua⌋, go hiidinga mee gu hagamodu laa e hagassula naa donu.

Daniel 10:14

Gai au ne humai e hai gi donu ange goe gi mee e hai ange gi oo dangada i denga laangi hagaodi. Go hiidinga de midi hagaago ange nei ni mee ange gi de masavaa tigi dae mai.”

Hosea 3:5

Muli mai naa huu gai de gau Israel e aahe ange naa ga ssala Tagi Maolunga delaadeu Maadua ma delaadeu hodooligi go David. Gilaadeu e aahe mai naa gi Tagi Maolunga i de maatagu ga kave dono abodonu i denga laangi hagaodi.

Daniel 7:8

De masavaa aagu e maanadu ai dagodo o denga hanga laa, gai tilo, dahi hanga damaa mee gu somo age i magavaa o denga hanga laa; gai e dolu hanga ne loage laa i mua gu unuunusi age ga aau gee e hai ai dahi duulanga moo de hanga damaa mee laa. Gai tilo, de hanga damaa mee laa e hanu luoono ganomada bei ganomada o tangada, ma de ngudu, gai ia e basa hagamaolunga.

Jeremiah 48:47

Aagai au e hagaahe ange naa de manuuia o Moab, i denga laangi e loomai,” go Tagi Maolunga e hagadaba. Deenei de odi de hagamodu muna o Moab.

Genesis 49:1

Gai Jacob ga hagahi ana dama daane, ga hai ange, “Goodou hagabuni mai, gai au ga tala adu gi goodou mee e hai adu gi goodou i muli.

Jude 1:18

Gilaadeu ne hai adu gi goodou, “Denga laangi hagaodi naa huu gai gu loomai de gau doo mee, gai gilaadeu ga hai hegau i olaadeu lodo baubau laa.”