2 Timothy 2:7 - De Beebaa Dabu

⁷ Noho hagasaele age agu muna e tala adu nei gi de goe, gai Tagi Maolunga ga hai ai gi donu ange goe gi mee nei alodahi.

2 Timothy 2:7 Referans Kwoze

James 1:5

Gai noo dahi goodou e deai sono heiangi, gai ia gi dangidangi ange gi de Maadua, de ia e abodonu ange laa gi dangada i mee alodahi, gai ia e dee hagasee donu ia, gai e gaavadu naa donu gi de goe.

1 John 5:20

Gidaadeu e iloo bolo Tama Daane a de Maadua gu humai donu, gai ia gu hai gi tonu danuaa ange gidaadeu, gi iloo ai e gidaadeu de Maadua abodonu. Gai gidaadeu ga nnoho ai i lodo o de Maadua abodonu, i lodo o dana Dama Daane go Iesu Klisdo. Gai go ia donu de Maadua abodonu ma de mouli e dee ngado mai.

Luke 24:45

Gai ia ga hhuge alaadeu maanadu gi tonu ange ai gilaadeu gi muna a de Beebaa Dabu.

John 14:26

Gai de Ia Bale, go de Hagasaalunga Dabu, go de ia a Tamana e hai gi humai i dogu ingoo, e agoago adu goodou i mee alodahi, ma de hagamaanadu adu gi goodou mee alodahi, aagu gu lava i de tala adu gi goodou.

James 3:17

Aagai de heiangi mai i lunga e gilimalali, e hai ga nnoho paba dangada, e daudonu, e maua i de sui noo ia e haisala, e honu i tegi ma denga hegau danuaa, e dee vae dangada, ma de hai hegau i de mee abodonu.

1 Timothy 4:15

Koe gi kana ange gi haia mee nei, gai hagaduu ngae hai hegau ange aagena, gi gidee ai e dangada alodahi doo hagadagadaga age i mee nei.

Colossians 1:9

Deenei ai, tigi helui donu demaadeu dalodalo i goodou mai i de laangi amaadeu ne langona ai oodou dagodo; gimaadeu e dangidangi gi honu danuaa doodou iloo ono lodo, i de heiangi aama de tonu danuaa ange gi mee alodahi i de baasi gi de hagasaalunga.

John 16:13

Aagai de masavaa naa huu o de Hagasaalunga o de mee abodonu e humai ai, gai ia ga dagi ange goodou i de mee abodonu alodahi. Gai ia e dee basa i dono sauaa donu huu, gai ia e tala ana mee alodahi gu langona, gai ia ga tala adu ai gi goodou mee gu dai loomai.

Luke 21:15

Go hiidinga au e gaavadu naa donu gi goodou muna ma de heiangi e pasa ange ai gi oodou hagadaumee, gai gilaadeu e dee maua naa donu i de hagahadu muna aabe go de pasa adu gi oodou muna.

Hebrews 13:7

Goodou manadua oodou dagi, ne agoagona adu goodou i muna a de Maadua. Manadua dagodo olaadeu mouli, gai goodou ga ago ange i olaadeu kai.

Hebrews 12:3

Goodou manadua dagodo de golomagi mmao ono lodo, i de masavaa o de gau baubau ne hai baasi ange ai gi de ia, gi dee helui ai oodou llodo aabe gi lodo baageaa.

Hebrews 7:4

Goodou kalo ange diiloo dagodo de maolunga o taane nei: Abraham, tubuna hagadubu o de gau Israel, ne gaavange gi de ia tahi diba i diba e madaangahulu o mee aana ne mau i de hebagi!

Hebrews 3:1

Deenei ai, denga daina dabu, go goodou gu gaavee laa de hagahi mai i de langi, goodou hagasaelea dagodo o Iesu, go tangada tala ma tangada haimeedabu maolunga adaadeu e tala hagadonu.

Philippians 4:8

Denga daina, aanei agu muna hagaodi: mee naa huu ni mee abodonu, ma mee e heohi de hagadubu, ma mee e heohi, ma mee gilimalali, ma mee e tilo danuaa, ma mee hagallongo danuaa, ma mee danuaa, ma mee e heohi i de tuhi, goodou hagasaelea mee nei.

1 Corinthians 12:8

De Hagasaalunga ne gaavange gi dahi muna o de heiangi, gai dahi go muna o de iloo mee mai i daho de Hagasaalunga mau,

Acts 7:10

ga hagaola ia mai i ono hai ngadaa alodahi, ma de gaavange de abodonu ma de heiangi i mada i mua o de hodooligi o Egypt go Pharaoh, gai de hodooligi ne hai ia go de goobenaa o Egypt alodahi aama de huahua i mee i dono hale alodahi.

Daniel 1:17

Gai de Maadua ne gaavange gi denga dama daane dogohaa laa de iloo mee, ma de heiangi e ago mee ma de tonu ange gi mee alodahi e sisi i lodo beebaa. Gai Daniel e donu ange hogi gi denga midi hagaago ange aama midi ange laa.

Isaiah 28:26

I hiidinga dono Maadua e tala ange ana mee e hai, ma de agoago ange ia i de mee heohi.

Proverbs 24:32

De masavaa aagu ne gidee ai ma de maanadu dagodo o de mee nei, gai au gu ago dahi mee i agu mee ne gidee:

Psalm 119:125

Go au doo dangada hai hegau, haia gi dahi agu iloo, gi donu ange ai au gi au muna.

Isaiah 5:12

Gilaadeu e hanu harp ma lyre i alaadeu daonga, ma tambourine ma flute aama uvaini; aagai gilaadeu e hagangadi mee hegau a Tagi Maolunga, aama tee hagadubu ana hegau e hai.

Psalm 119:144

Au muna e heohi ga hano ai; haia gi donu ange au gi mee nei, gi mouli ai au.

Psalm 119:73

Luoo lima ne hai au ma de hagadau dogu angaanga; haia gi dahi ogu donu ange gai au ga agoago ai au hainga.

Psalm 64:9

Dangada alodahi e maatagu naa; gilaadeu e tala naa dagodo hegau a de Maadua ma de maanadu dagodo o ana hegau gu hai.

1 Chronicles 29:19

Gai gaavange gi dagu dama go Solomon de lodo e daohi au hainga i ono lodo alodahi, ma au tala hagadonu, ma au mee gu hagasauaa, gai ia ga hagaduu ai de hale danuaa aagu gu hagadabena mee e hagaduu ai.”

1 Chronicles 22:12

Gai Tagi Maolunga gi haia goe gi maanetonu ma de iloo mee, gai koe ga daohi ai de hainga a Tagi Maolunga doo Maadua i de masavaa aana e hai ai goe gi hodooligi i Israel.

Deuteronomy 32:29

Mee naa gi ni dangada heiangi gilaadeu ma de tonu ange gi de mee nei, gai gilaadeu gu tonu ange gi olaadeu dagodo i muli mai!

Deuteronomy 4:39

Deenei ai, ailaa nei gai goodou haia gi tonu ange goodou aama de dugu mee nei i oodou lodo, bolo Tagi Maolunga go de Maadua donu o de langi ma henua i lalo, gai e deai ange donu e bei ono dagodo.

James 3:15

De iloo mee nei e dee se mee ne hano iho i de langi, aagai se mee mai i henua i lalo, ma mai i daho dangada aama i daho Satan.

Luke 9:44

“Hagalaangona gi tonu ange goodou gi muna nei: Tama a Tangada e dugu ange naa gi ssauaa o dangada.”

Isaiah 1:3

De kaau e iloo dono dangada aamua, dahi donkey e iloo de mommee haangai manu a dono dangada aamua; aagai Israel e dee iloo, ogu dangada tigi tonu ange donu.”

2 Timothy 2:6

Gai go tangada hai hegau hagammahi i de veelenga, e heohi de kave dono duuhanga mai i denga huamanu i taamada.

2 Timothy 2:8

Manadua dagodo o Iesu Klisdo, ia ne mouli age mai i de magau, gai se hagadiilinga niio David, bei de hai gu tala ai i de longo danuaa oogu e agoago ai nei.