2 Timothy 2:3 - De Beebaa Dabu

³ Gai koe gi gaavee hogi de hagaduasala bei dagodo o taane hebagi danuaa o Klisdo Iesu.

2 Timothy 2:3 Referans Kwoze

James 1:12

E manuuia tangada e lodo mmahi i dono masavaa e hagataalea ai, go hiidinga noo ia e duu ga makaga i lo te hagatale, gai ia e kave donu de hau o de mouli, go de mee a de Maadua gu hagatoo donu ange gi gilaadeu e aaloha i de ia.

2 Timothy 4:5

Aagai koe gi dagitilo i masavaa alodahi, ma de hagaduu ngae i de lodo mmahi i doo hagaduasala ina, ma de hai hegau a tangada e hagadele ina de longo danuaa, ma de hagasula hegau alodahi o dau duuhanga hegau.

2 Timothy 1:8

Gai koe gi dee dogaa i de tala hagadonu dagodo o taadeu Dagi Maolunga, aabe gi dogaa i de au, go tangada gu noho i lo te hale pono i ono hiidinga. Aagai koe gi hagaduasala madali au i hiidinga o de longo danuaa i ssauaa o de Maadua,

Hebrews 10:32

Goodou manadua oodou dagodo i denga laangi i mua, i dua de maalama oodou lodo; goodou ne golomagi oodou lodo gai ne tuu ga makaga i de masavaa ne kona ai doodou hagaduasala.

2 Timothy 2:10

Deenei ai, au e lodo mmahi i de hagauda mee nei alodahi, i hiidinga o dangada a de Maadua gu lava laa i de hili, gi maua ai e gilaadeu de hagamouli i delaadeu kai ange gi Klisdo Iesu, ma de mahamaha e deai laa se ngado mai.

1 Timothy 1:18

Timothy, dagu dama, au e tala adu gi de goe de mee nei, bei dagodo o muna pelaabisi gu tala ai oo dagodo i mua. Gai koe ga daudali ai gi maua ai e goe i de hebagi i de hebagi danuaa,

2 Timothy 3:11

ma dogu vaivai haia ma dogu hagaduasala ina — go mee ne hai mai gi de au i Antioch, ma Iconium, aama Lystra, gai au ne lodo mmahi i dogu vaivai haia. Gai Tagi Maolunga ne hagaola mai au i mee nei alodahi.

2 Corinthians 1:6

Noo gimaau gu duasala, gai ne hai e hagaaneane ai hogi ma de hagamouli ai goodou; noo gimaau gu hagaaneane ina omaau lodo, gai goodou e hagaaneane ai naa hogi, gi lodo mmahi ai goodou i de golomagi lodo i doodou hagaduasala ina bei omaau dagodo.

Hebrews 11:27

Gai dono gai ne hai ga maua e ia i de hano gee mai i Egypt, ia tee madagu donu i de lili o de hodooligi; ia ne lodo mmahi i de golomagi ono lodo, go hiidinga ia gu gidee de ia e dee gidee laa.

Hebrews 6:15

Gai Abraham ne kave mee gu lava laa i de hagatoo donu, i hiidinga dana hagammahi ga golomagi ono lodo.

1 Corinthians 13:7

De aloha e hagauda mee alodahi i de golomagi lodo, e hagadonu mee alodahi, e tali hagalodolodo ange gi mee alodahi, gai e lodo mmahi i de hagauda mee alodahi.

1 Corinthians 9:7

Gai goai taane hebagi e hagao donu huu ono goloa e hano ai e hebagi? Gai goai tangada e dooa dahi veelengaa grape gai e dee gai denga grape iai? Gai goai tangada hagaloosi ssiibi ma guudi e dee unu vai uu o denga manu laa?

2 Timothy 1:1

Mai i daho Paul, tangada tala o Klisdo Iesu bei dagodo de hagatau a de Maadua, ma de hagatoo donu o de mouli i daho Klisdo Iesu.

2 Timothy 2:9

Deenei de longo danuaa oogu e hagaduasala ai nei ma de nnoa i daula bei dagodo o tangada e hai baasi ange gi de hainga. Aagai muna a de Maadua e dee maua donu i de nnoa.

Philemon 1:2

aama ange gi Apphia demaau daina hahine, ma Archippus demaau soa e hebagi laa madali gimaau i de hebagi nei, aama ange gi de nohoanga dabu e hagabuni laa ma e daumaha i doo hale.

Judges 3:2

(ia ne hai de hegau nei e agoago ange ai de gau Israel, tigi hulo laa gi de hebagi i mua):

Acts 23:31

Deelaa ai, denga daane hebagi laa ne kave a Paul i de boo laa gi de mommee go Antipatris, bei de hai gu tala ange ai gi gilaadeu.