2 Timothy 2:21 - De Beebaa Dabu

²¹ Deenei ai, noo tangada e hagagilimalali ia mai i mee e dee hagadubu, gai ia e hai ga se goloa e hai ai hegau hagamogomogo, gai gu vvae gee e hai gi dabu, ma de haigamaiana ange gi tangada aamua o de hale gai gu baba ange e hai denga hegau danuaa alodahi.

2 Timothy 2:21 Referans Kwoze

2 Timothy 3:17

e hagadabena ange ai tangada o de Maadua gi denga hegau danuaa alodahi.

Ephesians 2:10

Go hiidinga gidaadeu ni mee niiana ne hai, ma de hai i lodo o Klisdo Iesu, ange gi denga hegau danuaa a de Maadua gu hagadabena laa i mua, gidaadeu gi hai hegau ai.

2 Corinthians 7:1

Denga daina hagamogomogo, go hiidinga denga hagatoo donu nei ni mee mai gi gidaadeu, deenei ai, gidaadeu ga hagagilimalali gidaadeu mai i denga mee alodahi e haia gi dee gilimalali de angaanga ma de hagasaalunga. Gai gidaadeu ga hai gi honu taadeu hai gi dabu gidaadeu i de madagu i de Maadua.

1 Peter 1:22

Gai go hiidinga goodou gu gilimalali i doodou daudali i de muna abodonu, gai goodou gu maua i de hagadau aaloha i de lodo se mee abodonu, gai goodou hagadau aaloha i de lodo e gilimalali.

Psalm 119:9

Dee hee de hai a dahi dama daane e hai ai gi gilimalali dono mouli? Go dana dagitilo ga daudali i au muna.

1 John 3:3

Gai dangada alodahi gu dagodo de tali hagalodolodo nei i olaadeu daha e hai gi gilimalali gilaadeu bei ono dagodo, ia e gilimalali.

2 Timothy 2:20

Lo te hale o tangada lava iai denga goloa goolo ma goloa selevaa, aagai iai hogi goloa e hai i laagau ma bela pigi; hanu ni mee ange gi hegau hagamogomogo, gai hanu ange gi hegau i de laa tubua.

Isaiah 52:11

Goodou hulo gee, goodou hulo gee, hulo gee mai i kilaa! Goodou aude poo ange gi dahi mee hakino gee! Goodou ssao hulo gee mai i kilaa gai gi gilimalali ai goodou, go goodou e hagauda ina goloa hai hegau o Tagi Maolunga.

Titus 3:8

Muna nei ni muna abodonu. Gai au e lodo koe gi hagamanadua ina ange gi dangada mee nei, gi kana ange ai dangada gu hagadonusia laa de Maadua gi haia denga hegau danuaa. Mee nei ni mee e danuaa ma de haigamaiana ange gi dangada alodahi.

Acts 9:15

Aagai Tagi Maolunga ne hai ange gi de ia, “Hannoo, ia se daane hai hegau niiagu gu hili gi hagaagona ange au gi denga Gentile, ma denga hodooligi aama de gau Israel;

Jeremiah 15:19

Deenei ai, e hagadaba Tagi Maolunga: “Noo koe e dahuli oo lodo, gai au e hagaahe mai donu goe, gai koe ga hai hegau mai ai gi de au. Gai noo koe e tala muna haigamaiana, e dee go muna e deai haigamaiana, gai koe e hai naa go tangada e daalaa agu muna. De huaadangada nei gi aahe mai gi de goe, aagai koe e dee ahe ange gi gilaadeu.

1 Peter 1:7

Mee nei ne hai e tilo ai be oodou kai se muna abodonu aabe e deai — gai e hagamogomogo ange i denga goolo e lilo laa, e dee galemu donu gu lava i de hagagilimalali i de ahi — gai goodou ga kave ai de tuhi ma de mahamaha, aama hagadubu i de laangi o Iesu Klisdo e hagasula mai ai.

1 Corinthians 5:7

Aaua gee mee hagahua duai mai i oodou daha, gi bei ai goodou dagodo o de laabunga hoou e deai laa mee hagahua iai. Goodou se laabunga donu e deai mee hagahua iai. Go hiidinga Klisdo, taadeu ssiibi gauligi o ssigidaumaha o Taonga Hagasili, gu lava donu i de hai ai ssigidaumaha.

Malachi 3:3

Ia e bei naa dagodo o tangada e hagagilimalali ina denga selevaa; ia e hagagilimalali naa de aamuli o Levi bei de hai e hagagilimalali ai laa goolo ma selevaa. Gai gilaadeu e gaamai naa denga sigidaumaha heohi gi Tagi Maolunga,

Titus 3:14

Gai balea ange odaau dangada gi agoagona de hai denga hegau danuaa, gi maua ai e gilaadeu i de bale ange dangada gu duasala abodonu, gilaadeu gi dee ngadi nnoho.

Titus 3:1

Gai hagamanadua ange gi dangada gilaadeu gi hagadubu ina denga dagi ma gilaadeu iai ssauaa e dagi ai, gilaadeu gi daudali i alaadeu muna, ma de hai gi paba ange gilaadeu gi denga hegau danuaa alodahi;

Isaiah 1:25

Au e hagaabo naa dogu lima e hai baasi adu ai gi de goe, au e kave gee naa mee baubau e pigi adu laa gi de goe, ma de aau gee mee hakino alodahi mai i oo daha.

2 Corinthians 9:8

Gai de Maadua gi hagalaumalie ina dono abodonu adu gi goodou, gi deai ai oodou mee e duasala ai i masavaa alodahi, gai gi maua ai e goodou i de hai denga hegau danuaa alodahi.

1 Timothy 6:11

Aagai koe, taane o de Maadua, savini hano gee i mee nei alodahi, gai hagaduu ngae haia gi heohi goe, ma de hai lodo o de Maadua, ma de gai, ma de aloha, ma de lodo mmahi i de golomagi lodo, aama de daudonu.

2 Timothy 2:16

Aagai koe huli gee i denga ngadi muna, go hiidinga dangada e haia mee nei e hagadagadaga ange naa donu de baubau.

2 Timothy 4:11

Go Luke donu huu i ogu daha. Gai koe gaamai hogi a Mark madali goe, go hiidinga ia e haigamaiana mai donu gi de au.