2 Timothy 1:9 - De Beebaa Dabu

⁹ go de ia ne hagamouli ina gidaadeu ma de hagahi ange gidaadeu gi de mouli dabu — aagai e dee go hiidinga o adaadeu hegau gu hai, gai go hiidinga o dana hagatau aama dono abodonu mai gi gidaadeu i lodo o Klisdo Iesu mai i taamada age,

2 Timothy 1:9 Referans Kwoze

Romans 16:25

Gidaadeu ga tuhi de ia e maua laa i de hagammahi oodou lodo, bei dagodo o de longo danuaa aagu gu agoago ai laa dagodo o Iesu Klisdo, bei de hai gu hagaago mai ai laa gi de au, de mee nogo dee iloo laa i dahi masavaa dau looloa,

Titus 1:2

ma de tali hagalodolodo ange gi de mouli e dee ngado mai, go de mee a de Maadua, e deai laa se hadu muna, gai gu hagatoo donu i mua taamada o henua i lalo,

Romans 9:11

gai i mua de haanau o luu dama daane laa, tigi haia hogi e gilaau tanuaa aabe go de baubau — gai gi hagassula ai de hagatau a de Maadua i dana hilihili e dee maua laa i de sui, gai e dee go hiidinga hegau a dahi, aagai go hiidinga o dana hagahi —

John 17:24

Tamana, au e lodo gilaadeu aau gu gaamai nei gi de au gi nnoho i de mommee oogu e noho ai, gi gidee ai e gilaadeu de mahamaha aau gu gaamai laa gi de au, i hiidinga koe ne aloha i de au i mua de hai o henua i lalo.

Ephesians 1:11

Go ia odaadeu ne maua ai nei i de kave dahi boolonga, gai gu lava donu i de hagamodu i mua, bei dagodo de hagatau a de Maadua e hagahai hegau ina laa mee alodahi, gi bei dagodo o ono lodo,

Revelation 13:8

Gai dangada alodahi e nnoho i henua i lalo ga daumaha ange gi de manu laa — go dangada alodahi tee sisi olaadeu ingoo i de beebaa o de mouli a Ssiibi Gauligi ne daa laa ga magau i mua de hai o henua i lalo.

1 Peter 1:20

De Maadua ne hili ia i mua de hai henua i lalo, aagai gu hagaago mai ia i denga laangi hagaodi nei i oodou hiidinga.

John 17:9

Au e dalodalo i gilaadeu; au e dee dalodalo i henua i lalo, aagai e dalodalo i gilaadeu aau gu gaamai gi de au, i hiidinga gilaadeu niiau donu.

1 Peter 2:9

Aagai goodou se huaadangada gu lava i de hili, goodou ni dangada haimeedabu niio de Hodooligi, se huaahenua dabu, gai se huaadangada hagamogomogo niio de Maadua, gai goodou ga tuhi ai de ia ne hagahia goodou, ma de hagassao mai goodou i lo te gohu, ga gaamai gi de maalama danuaa mmao.

Hebrews 3:1

Deenei ai, denga daina dabu, go goodou gu gaavee laa de hagahi mai i de langi, goodou hagasaelea dagodo o Iesu, go tangada tala ma tangada haimeedabu maolunga adaadeu e tala hagadonu.

Ephesians 2:5

ne hagamouli age gidaadeu madali Klisdo i de masavaa odaadeu goi maakau ai i lodo odaadeu haisala — goodou gu hagamouli i dono abodonu.

1 Thessalonians 4:7

Gai de Maadua tee hagahi gidaadeu gi haia mee hakino gee, gai ia ne hagahi gidaadeu gi hai hegau i tagodo e dabu.

1 Corinthians 1:18

Gai agoago o de laagau lui e dagodo bei muna a tangada lodo senga ange gi gilaadeu e maakau, aagai go ssauaa donu o de Maadua mai gi gidaadeu gu hagamouli laa.

John 6:37

Dangada alodahi a Tamana e gaamai gi de au e loomai naa donu gi de au; aagai au e dee haihai naa donu ga tili tangada e humai gi de au.

Revelation 17:8

De manu alasala aau ne gidee laa nogo mouli i mua, gai gu dee maleva, gai gu dai hanage ange naa i lo te geelonga e deai laa sono dagelo, gai gu baba ange e daa gi magau. Gai dangada i henua i lalo tigi sisi laa olaadeu ingoo i de Beebaa o de Mouli, mai i taamada de hai o henua i lalo, e llele naa olaadeu mouli i delaadeu gidee de manu laa, go hiidinga de manu alasala laa nogo mouli i mua, gai gu dee maleva, gai e ahe ange naa ga mouli age.

Ephesians 3:11

De mee nei ne hai bei dagodo o dana hagatau dee ngado mai gu lava laa i de hagassula i daho Klisdo Iesu taadeu Dagi Maolunga,

Romans 3:20

Go hiidinga e deai donu se dangada e maua i de hai gi heohi ia i daho de Maadua i dono daudali i de hainga; gai de hainga e hai gi iloo e dangada dagodo o de haisala.

1 Timothy 1:1

Mai i daho Paul, tangada tala o Klisdo Iesu bei de hagamodu a de Maadua, taadeu Ia Hagamouli ma Klisdo Iesu taadeu tali hagalodolodo.

Ephesians 1:9

Gai ia ga hai ai gi iloo e gidaadeu dana hagatau e dee iloo laa, bei dana hagatau gu hai laa i daho Klisdo,

Romans 9:24

Aanei gidaadeu aana gu lava laa i de hagahi, e dee mai donu huu i magavaa o de gau Ssuu, gai mai hogi i magavaa o denga Gentile.

Luke 10:21

De masavaa laa gai Iesu ne malangilangi mmao i daho de Hagasaalunga Dabu, ga hagadaba, “Au e tuhi goe, Tamana, Tagi Maolunga o de langi ma henua i lalo, go hiidinga koe ne hagammuni mee nei i gilaadeu e heiangi ma de iloo mee, gai gu hagaago ange gi denga gauligi vaaligiligi. Uaa, Tamana, aanei donu oo lodo.

Matthew 1:21

Ia e haanau naa dahi dama daane, gai koe ga hagaingoo ange ia go Iesu, go hiidinga ia e hagaola naa ono dangada mai i olaadeu haisala.”

Acts 2:47

ma de tuhi de Maadua, gai dangada alodahi gu hagadubu gilaadeu. Gai Tagi Maolunga ga hagapuni ange hogi gi gilaadeu dangada gu hagamouli i laangi alodahi.

Acts 15:18

go mee gu iloo madagidagi loo.’

Romans 11:14

gai au ga hai ai gi llodo gaiaa ogu dangada go de gau Ssuu, gi hagamouli ai hanu gilaadeu.

Romans 11:29

Go hiidinga de mee ngadi gaavange ma de hagahi a de Maadua e dee maua donu i de sui.

Philippians 3:14

Au e hagaduu ngae e houhou ange gi maua e au de hagaoanga i de hagaodi, a de Maadua ne hagahi mai au gi gaavee madali Klisdo Iesu.

2 Timothy 1:1

Mai i daho Paul, tangada tala o Klisdo Iesu bei dagodo de hagatau a de Maadua, ma de hagatoo donu o de mouli i daho Klisdo Iesu.