2 Timothy 1:8 - De Beebaa Dabu

⁸ Gai koe gi dee dogaa i de tala hagadonu dagodo o taadeu Dagi Maolunga, aabe gi dogaa i de au, go tangada gu noho i lo te hale pono i ono hiidinga. Aagai koe gi hagaduasala madali au i hiidinga o de longo danuaa i ssauaa o de Maadua,

2 Timothy 1:8 Referans Kwoze

Romans 1:16

Go hiidinga au e dee dogaa donu i de longo danuaa nei, i hiidinga deenei ssauaa o de Maadua e hagamouli ai dangada alodahi e hagadonusia; ange gi de gau Ssuu i mua gai ange hogi gi denga Gentile.

Mark 8:38

Be goai e dogaa i de au ma agu muna i magavaa o de atangada baubau ma de haisalasala nei, gai Tama a Tangada e dogaa naa hogi i de ia, i dono masavaa e ahe mai ai i de mahamaha o dono Damana madali de gau de langi dabu.”

2 Timothy 4:5

Aagai koe gi dagitilo i masavaa alodahi, ma de hagaduu ngae i de lodo mmahi i doo hagaduasala ina, ma de hai hegau a tangada e hagadele ina de longo danuaa, ma de hagasula hegau alodahi o dau duuhanga hegau.

Revelation 12:11

Gai gilaadeu ne hagadee kii ia i dodo o Ssiibi Gauligi ma delaadeu tala hagadonu ono dagodo. Gai gilaadeu ne hagangadi mee donu olaadeu mouli, gilaadeu tee maatagu donu i delaadeu maakau.

2 Timothy 2:9

Deenei de longo danuaa oogu e hagaduasala ai nei ma de nnoa i daula bei dagodo o tangada e hai baasi ange gi de hainga. Aagai muna a de Maadua e dee maua donu i de nnoa.

2 Timothy 1:12

aanei ogu hiidinga gu hagaduasala ina ai nei. Aagai au e dee dogaa donu, go hiidinga au e iloo be goai aagu gu hagadonusia, gai au e iloo bolo ia e maua i de dagitilo mee alodahi gu gaamai gi de au ga dae gi de laangi laa.

Ephesians 3:1

Gai deenei dogu hiidinga, go Paul, tangada o Klisdo Iesu gu nnoa ai laa i lo te hale pono i oodou hiidinga denga Gentile —

Philippians 3:10

gi maua ai e au i de iloo Klisdo, ma ssauaa ne hagamouli ina age laa ia, ma de hagauda denga hagaduasala madali ia, ma de magau bei ono dagodo,

Luke 9:26

Be goai e dogaa i de au ma agu muna, gai Tama a Tangada e dogaa naa hogi i de ia i dono masavaa e ahe mai ai ma dono mahamaha, ma de mahamaha o Tamana, aama de gau de langi dabu.

2 Timothy 1:16

Gai Tagi Maolunga gi abodonu ange gi de huaabodu o Onesiphorus, i hiidinga ia e dee modu donu de hagaaneane ogu lodo, gai e dee dogaa donu i de au i dogu hhao gi lo te hale pono;

Ephesians 4:1

Deenei ai, au tangada o Tagi Maolunga e noho laa i lo te hale pono, e dangidangi adu goodou gi mouli bei tagodo e heohi ange laa gi de hagahi oodou gu hagahia ange laa aagena,

Revelation 1:9

Go au go John, doodou daina e dau madali goodou i de hagaduasala ma de nohoanga hodooligi, aama de hagaduu ngae i de golomagi lodo o Iesu. Au ne kave gi noho i de modu go Patmos, i hiidinga dagu agoago muna a de Maadua ma dagu tala hagadonu dagodo o Iesu.

Jude 1:24

Ange gi de ia e maua laa i de daohia goodou gi dee baakuu, ma de gaamai goodou gi tuu i mada i mua o dono mahamaha, gu deai oodou baubau gai gu malangilangi mmao,

1 Peter 1:5

go goodou e hagaloosia laa i ssauaa o de Maadua, i doodou kai ange gi de ia, ga dae ai gi de hagaago mai de hagamouli gu baba ange laa e hagaago mai i laangi hagaodi.

2 Timothy 2:3

Gai koe gi gaavee hogi de hagaduasala bei dagodo o taane hebagi danuaa o Klisdo Iesu.

1 Thessalonians 3:4

Gai gimaadeu gu tala adu donu hogi mee nei i de masavaa omaadeu nogo nnoho ai i oodou daha, bolo gidaadeu e vaivai haia naa. Gai gu hai donu mee nei, bei doodou hai e iloo ai naa.

Philippians 1:7

Gai de heohi donu dagu maanadu goodou alodahi i tagodo nei, go hiidinga goodou e hagamogomogo donu i ogu daha, gai goodou alodahi gu kave tuuhanga hegau nei madali au, i dogu masavaa e nnoho ai i lo te hale pono, aama dagu tala hagadonu dagodo o de longo danuaa.

Ephesians 3:13

Deenei ai, au e dangidangi adu goodou gi dee baageaa oodou lodo i ogu hagaduasala lagolago i oodou hiidinga; mee nei go doodou mahamaha.

Romans 16:25

Gidaadeu ga tuhi de ia e maua laa i de hagammahi oodou lodo, bei dagodo o de longo danuaa aagu gu agoago ai laa dagodo o Iesu Klisdo, bei de hai gu hagaago mai ai laa gi de au, de mee nogo dee iloo laa i dahi masavaa dau looloa,

1 John 4:14

Gai gimaadeu ne gidee ma de tala hagadonu, bolo Tamana ne gaamai dana Dama Daane e hai ai de Ia Hagaola o henua i lalo.

2 Timothy 4:17

Aagai Tagi Maolunga ne noho madali au ma de hagammahi mai ogu lodo, gai au ga tala ai gi langona e denga Gentile de longo danuaa alodahi. Deelaa ai, au ne ola mai i de ngudu o de laiono.

Philippians 4:13

Au e maua donu i de hai mee alodahi i ssauaa o Klisdo, go de ia e hagammahi ina ogu lodo.

Romans 9:33

bei de hai gu sisi ai laa, “Tilo, au e hagaduu dahi hadu i Zion e hagalaavea vae o dangada, se hadu e haia ga baakuu gilaadeu; gai be goai e hagadonusia e dee hagadogaa ina donu.”

Acts 5:41

Gai de gau tala ga hulo gee mai i daho de hagabuulinga hagasaele, gu malangilangi i delaadeu hagaduasala ina i hiidinga o de ingoo o Iesu.

Revelation 19:10

Gai au ga ino i gaogao luoono vae ga daumaha ange gi de ia, aagai ia ga hai mai gi de au, “Aude daumaha mai gi de au! Go hiidinga au se dangada hai hegau bei oo dagodo ma oo daina ne daohia laa muna e tala hagadonu ai dagodo o Iesu. Gai daumaha ange gi de Maadua.” Gai de tala hagadonu dagodo o Iesu go de Hagasaalunga donu o de basa pelaabisi.

Revelation 1:2

go de ia ne daalaa hagadonu muna a de Maadua ma muna a Iesu Klisdo — go mee alodahi aana ne gidee.

1 Corinthians 1:6

Gai agoago o Klisdo gu doange danuaa i oodou lodo,

John 19:35

Gai taane ne gidee mee nei ne tala hagadonu mee nei, gai ana muna ni muna abodonu. Gai ia e iloo bolo ia e tala de muna abodonu, gi hagadonusia ai e goodou.

Psalm 119:46

Au e tala hogi au muna i madamada o denga hodooligi, gai au e dee dogaa naa donu;

Colossians 1:24

Gai au e malangilangi donu i de hagaduasala i oodou hiidinga, gai dogu hagaduasala i de angaanga nei e bale de hagaodi ange de hagaduasala o Klisdo i hiidinga o dono angaanga, go de nohoanga dabu.

Ephesians 4:17

Gai au e hagammahi e tala hagadonu adu mee nei i de ingoo o Tagi Maolunga, goodou gi dee mouli bei dagodo o denga Gentile, gilaadeu e mouli i alaadeu maanadu deai haigamaiana.

2 Corinthians 6:7

ma de tala de muna abodonu, ma ssauaa o de Maadua, ma denga goloa hebagi o de heohi i de lima madau ma de lima masui;

Romans 8:36

Gai gu sisi e hai ange, “Gimaadeu e daia ga maakau i laangi alodahi i oo hiidinga; gimaadeu e bei dagodo o denga ssiibi gu paba ange laa e daa gi maakau.”

John 15:27

Gai goodou ga tala hagadonu ai hogi ogu dagodo, go hiidinga goodou gu nnoho mai huu madali au i taamada.

Isaiah 51:7

Goodou e iloo de mee heohi, hagalaangona agu muna, goodou de huaadangada e daohia agu hainga i oodou lodo: goodou aude maatagu i de hagabaubau a dangada goodou, aabe gi manavasaa i delaadeu hagadookaa goodou.

Psalm 19:7

De hainga a Tagi Maolunga e honu danuaa, gai e hagammahi de lodo; muna a Tagi Maolunga ni muna abodonu, gai e hai ga heiangi gilaadeu e ssenga.

1 Timothy 2:6

go de ia ne gaavange dono mouli e hagaola ai dangada alodahi — de mee nei ne gaamai e hagadonu ai de hagamouli a de Maadua dangada, i de masavaa heohi.

Colossians 1:11

Gai goodou gi mmahi i mahi alodahi, bei dagodo o ono mahi, gi maua ai e goodou i de llodo mmahi ma de golomagi lodo aama de malangilangi,

Isaiah 8:20

Goodou hagalaangona hainga a de Maadua ma ana muna! Noo gilaadeu e dee tala gi bei muna nei, gai e deai donu se maalama iai.

2 Timothy 1:10

gai iainei gu hagaago mai i de humai o taadeu Ia Hagaola go Klisdo Iesu, go de ia ne haia gi deai se sauaa o de magau, gai ga gaamai de mouli aama de mouli e dee ngado mai i de longo danuaa.

2 Timothy 2:8

Manadua dagodo o Iesu Klisdo, ia ne mouli age mai i de magau, gai se hagadiilinga niio David, bei de hai gu tala ai i de longo danuaa oogu e agoago ai nei.