2 Timothy 1:7 - De Beebaa Dabu

⁷ go hiidinga de Maadua tee gaamai gi gidaadeu de hagasaalunga o de madagu, aagai go de hagasaalunga iai ssauaa ma de aloha, aama de maanetonu.

2 Timothy 1:7 Referans Kwoze

Romans 8:15

Goodou tee kave de hagasaalunga e haia laa goodou ga ni dangada hai hegau, gai goodou ga aahe ange ai ga maatagu, aagai goodou ne kave de Hagasaalunga e haia goodou ga ni dama daohi. Gai go ono hiidinga odaadeu e maua i de hagataba, “Abba! Tamana!”

1 John 4:18

De aloha e deai donu se madagu iai, aagai de aloha e honu abodonu e hagadeai se madagu. Go hiidinga de madagu e humai madali de hagaduasala, gai tangada e madagu laa tigi honu abodonu dono aloha.

Galatians 5:22

Aagai de hua o de Hagasaalunga go de aloha, ma de malangilangi, ma de baba, ma de golomagi lodo, ma de abodonu, ma tanuaa, ma de hai hegau i de mee abodonu,

John 14:27

Au e gaavadu gi goodou de baba; gai de baba aagu e gaavadu gi goodou, e dee bei de baba a henua i lalo e gaavadu gi goodou. Goodou aude manavasaa oodou lodo aabe gi maatagu.

Luke 10:19

Tilo, au ne gaavadu gi goodou ssauaa e dagadagahi ai denga labodo hagammau ma manu manga lua gi lalo oodou vae, aama ssauaa e mmahi ange laa i ssauaa o de ia hagabaubau, gai e deai donu se mee daudahi e maua i de hagammae goodou.

Acts 1:8

Aagai goodou e kave naa ssauaa i dua de hano iho o de Hagasaalunga Dabu gi oodou elunga; gai goodou e hai naa ga ni dangada e daalaa hagadonu ogu dagodo i Jerusalem, ma Judea alodahi, aama Samaria, ga dae ai loo gi de bido laa o henua i lalo.”

Zechariah 4:6

Gai ia ne hai ma gi de au, “Aanei muna a Tagi Maolunga ne tala ange gi Zerubbabel: e dee go mahi aabe go ssauaa o tangada, aagai go mahi o dogu Hagasaalunga, aanei muna a Tagi o denga hagabuulinga hebagi.

Proverbs 2:7

Ia e doange de heiangi e gaavange gi gilaadeu e heohi, ia se buibui niiolaadeu e dee haisala,

Proverbs 8:14

Muna bale ma de heiangi abodonu e daakodo i ogu daha, au e dahi ogu donu ange ma de mmahi.

Romans 5:5

Gai de tali hagalodolodo nei e hai gi dee llodo baageaa gidaadeu, go hiidinga de Maadua gu gaamai dono aloha gi odaadeu lodo, i daho de Hagasaalunga Dabu aana ne gaamai laa gi noho i odaadeu lodo.

Hebrews 2:15

gai ia ga hagaola ai gilaadeu e dee ilaage laa i hiidinga delaadeu maatagu i de magau, i taulooloa olaadeu mouli.

Acts 20:24

Aagai au e dee hagamogomogo donu dogu mouli, aabe e hai gi se mee e dau, gi maua ai e au i de hagalava de hagatau ma dagu duuhanga hegau mai i daho Tagi Maolunga go Iesu, go de tala hagadonu de longo danuaa, go dagodo de abodonu o de Maadua.

1 Corinthians 2:4

gai agu muna ma agu agoago tee hai i de heiangi ma de usuusu ange ai dangada, aagai ne hai i ssauaa o de Hagasaalunga ⌊Dabu⌋,

Luke 24:49

Gai tilo, au e hai naa gi hano iho gi oodou elunga, de ia a dogu Damana gu hagatoo donu laa. Aagai goodou nnoho i de aduhale nei, ga dae ai gi doodou kave ssauaa mai i de mommee maolunga.”

Acts 10:38

e bei dagodo de hagadabu a de Maadua Iesu taane Nazareth i de Hagasaalunga Dabu ma ssauaa, aama dagodo o dono hagadaga ga hai denga hegau danuaa, ma de hagaieiangi dangada alodahi gu hagaduasala laa i lalo ssauaa o de ia hagabaubau laa, go hiidinga de Maadua e noho i ono daha.

Micah 3:8

Aagai ogu dagodo, au gu hhao ma gu honu i de mmahi ma de Hagasaalunga o Tagi Maolunga, ma de hagamodu heohi, aama de mmahi, e tala ange ai gi Jacob ono haisala, ma de tala ange gi Israel ono baubau.

Psalm 119:80

Au gi dee haisala ange gi au muna gu hagasauaa, gi dee dogaa ai au.

1 Peter 1:22

Gai go hiidinga goodou gu gilimalali i doodou daudali i de muna abodonu, gai goodou gu maua i de hagadau aaloha i de lodo se mee abodonu, gai goodou hagadau aaloha i de lodo e gilimalali.

Acts 21:13

Aagai a Paul ne hai mai gi gimaadeu, “Gu aha goodou gu tangi ai naa ga hagadaemaha ai ogu lodo? Au e dee baba ange donu gi dogu noodia, aagai au gu baba ange donu hogi e magau i Jerusalem i hiidinga o de ingoo o Tagi Maolunga go Iesu.”

Colossians 1:8

Gai ia gu tala mai hogi gi gimaadeu dagodo o doodou hagadau aaloha i ssauaa o de Hagasaalunga ⌊Dabu⌋.

Acts 6:8

Gai Stephen gu honu i de abodonu ma ssauaa o de Maadua, gai ia ga hai denga mee hagalele mouli ma hagailonga i magavaa o dangada.

Acts 9:22

Aagai a Saul gu hagadaga ange donu de mmahi, i de tala hagadonu bolo Iesu go de Klisdo, ma de hai ga dee mmuu de gau Ssuu e nnoho laa i Damascus.

Luke 8:35

Aagai dangada ne loomai e tilo mee gu hai laa, gai ga tae mai huu gilaadeu gi daho Iesu, gai gilaadeu gu gidee taane ne ssao mai laa denga hagasaalunga baubau i ono daha gu noho i gaogao luu vae o Iesu, ia gu gahu gai gu dee libolibo ange, gai gilaadeu gu maatagu.

Acts 26:25

Aagai Paul ne hai ange, “Festus maolunga mmao, au e dee senga, gai au e tala donu de muna abodonu i tee senga.

Luke 15:17

Aagai ga gidee iho huu e ia ono dagodo, gai ia ga hagadaba, ‘De gau hai hegau soa o dogu damana e lagolago mmao alaadeu gai, gai au e magau i de hiigai i kinei!

Acts 26:11

Au ne hagadaga hogi i denga synagogue alodahi ga hagaduasala gilaadeu, ma de hai gilaadeu gi hagangadi mee ina Iesu. Au ne vaivai hai gilaadeu i aduhale o denga henua gee, i hiidinga dogu kino i gilaadeu.

Isaiah 11:2

De Hagasaalunga o Tagi Maolunga e noho naa i ono daha — go de Hagasaalunga o de heiangi, ma de donu ange, ma de Hagasaalunga o de hagasaele heohi ma de mmahi, ma de Hagasaalunga o de iloo mee, ma de madagu i Tagi Maolunga —