2 Timothy 1:6 - De Beebaa Dabu

⁶ Deenei ai, au e hagamaanadu adu, koe gi hagahai hegau ina tuuhanga a de Maadua gu gaavadu naa gi de goe, i de masavaa aagu ne dugu adu ai luoogu lima gi oo elunga;

2 Timothy 1:6 Referans Kwoze

1 Timothy 4:14

Koe gi dee hagangadi mee ina tuuhanga gu gaavadu naa gi de goe i muna pelaabisi i denga masavaa a denga dagi ne dugu adu ai olaadeu lima gi oo elunga.

1 Thessalonians 5:19

Goodou gi dee buibuia de Hagasaalunga ⌊Dabu⌋,

2 Peter 3:1

Ogu soa hagamogomogo, deenei de lua leda aagu gu sisi adu gi goodou, gai au ga hai gi aahe ange goodou gi manadua mee gilimalali.

2 Timothy 4:2

Koe gi agoagona ana muna; koe gi baba ange aagena i de masavaa oou e saohia ai aama de masavaa oou e dee saohia ai; hagaheohi, ma de hagasee, aama de hagammahi ange olaadeu lodo — i de golomagi lodo i doo agoago ai.

2 Peter 1:12

Deenei ai, au e lodo e hagamaanadu adu mee nei i masavaa alodahi, e dee galemu donu gu lava donu i doodou iloo, gai gu tuu ma gu makaga i de muna abodonu oodou gu kave naa.

Acts 19:6

Gai de masavaa huu a Paul ne dugu ange ai luoono lima gi olaadeu elunga, gai de Hagasaalunga Dabu gu hano gi olaadeu elunga. Gai gilaadeu ga pasa i denga hagadaagangaa muna ma de pasa pelaabisi.

Exodus 36:2

Gai Moses ga hagahi Bezalel ma Oholiab aama denga labagau alodahi a Tagi Maolunga gu gaavange laa aagena de hina, gai ne lodo malangilangi i de bale de hegau gi loomai gi haia de hegau.

Exodus 35:26

Gai denga haahine alodahi ne lodo malangilangi gai e labagau ne amu ga hilo huluhulu o denga guudi.

2 Timothy 2:14

Gai koe hagamanadua ina ange gi gilaadeu mee nei, ma de tala ange gi gilaadeu i mada luu mada o de Maadua gilaadeu gi dee hagadaumee i denga hagadoonunga o hanu muna; mee nei e deai donu olaadeu haigamaiana, aagai e oha donu lodo o dangada e langona mee laa.

1 Timothy 4:6

Noo koe e tala ange mee nei gi denga daina, gai koe gu se dangada hai hegau danuaa niio Klisdo Iesu, koe gu agoago abodonu i muna o de gai, ma agoago danuaa oou e daudali ai naa.

Luke 19:13

Gai ia ga hagahi e dinoangahulu ono dangada hai hegau, ga gaavange gi gilaadeu e dagidahi mina, ma de hai ange gi gilaadeu, ‘Goodou hagahai hegau ina mee naa ga dae ai gi dogu ahe mai.’

Isaiah 43:26

Ahe ange hagamaanadu ina mai gi de au mee gu hai i mua, gai gidaadeu ga hagadaumee ai; daalaa de mee oou e hai baasi ai, gi iloo ai bolo koe e heohi.

Jude 1:5

Goodou gu iloo donu mee nei, gai au e lodo e hagamaanadu adu bolo Tagi Maolunga ne hagaola ono dangada ga hagassao mai i Egypt, muli mai gai ia ne daa ga maakau gilaadeu tee hagadonusia laa.

Hebrews 6:2

ma hainga o de babudaisi, ma de dugu ange lima gi honga o tangada, ma de mouli age o de gau maakau, ma de hagaduasala e deai laa se ngado mai.

Acts 6:6

Gai gilaadeu ne gaamai denga daane laa gi daho de gau tala, gai gilaadeu ga dalodalo ma de dugu ange olaadeu lima gi olaadeu elunga.