2 Timothy 1:5 - De Beebaa Dabu

⁵ Au e manadua hogi doo gai se muna abodonu laa, ne daamada mai laa i daho doo dubuna hahine go Lois aama doo dinana go Eunice. Gai au e hagadonu bolo e dagodo hogi i oo daha iainei.

2 Timothy 1:5 Referans Kwoze

1 Timothy 1:5

De hagaodi o muna nei go de aloha, e daamada mai laa i de lodo e gilimalali ma tagi o de lodo e danuaa aama de gai abodonu.

Acts 16:1

De masavaa huu o Paul ne dae ai gi Derbe ma Lystra, gai ia gu hedae ange gi dahi dama daane gu hagadonusia laa, dono ingoo go Timothy, dono dinana se hine Ssuu gu hagadonusia, aagai dono damana se daane Greek.

1 Timothy 4:6

Noo koe e tala ange mee nei gi denga daina, gai koe gu se dangada hai hegau danuaa niio Klisdo Iesu, koe gu agoago abodonu i muna o de gai, ma agoago danuaa oou e daudali ai naa.

2 Timothy 3:15

Gai koe e iloo bolo mai i doo gauligi, gai koe gu iloo muna o de Beebaa Dabu, e maua laa i de gaavadu gi de goe de heiangi e dagina ange laa goe gi de hagamouli i doo gai ange gi Klisdo Iesu.

Romans 15:14

Denga daina, au e iloo abodonu bolo goodou e abodonu mmao, goodou e hoohonu i de iloo mee, ma de maua i de hagadau agoago goodou.

Hebrews 6:9

Denga daina hagamogomogo, e dee galemu demaadeu pasa adu bee nei gi goodou, gai gimaadeu e iloo bolo e hanu donu manuuia gu hagababa adu gi goodou — go mee oodou e kave madali doodou hagamouli.

2 Timothy 1:12

aanei ogu hiidinga gu hagaduasala ina ai nei. Aagai au e dee dogaa donu, go hiidinga au e iloo be goai aagu gu hagadonusia, gai au e iloo bolo ia e maua i de dagitilo mee alodahi gu gaamai gi de au ga dae gi de laangi laa.

2 Corinthians 6:6

i de gilimalali, ma de iloo mee, ma de golomagi lodo, ma de abodonu, ma de Hagasaalunga Dabu, ma de aloha abodonu,

Romans 8:38

Gai au e iloo abodonu bolo e dee maua donu e de magau be go de mouli, be go de gau de langi, be go de masavaa iainei, be go de masavaa e humai, be go dahi sauaa daudahi,

Romans 4:21

ia ne hagadonusia bolo de Maadua e maua i de hagassula ana mee gu lava i de hagatoo donu.

Psalm 116:16

Tagi Maolunga, go au donu doo dangada hai hegau; go au doo dangada hai hegau, go tama daane a doo hahine hai hegau; koe gu tala ogu mee e nnoa ai.

Psalm 86:16

Huli mai ma gi lodo aloha mai gi de au; hagammahi ina doo dangada hai hegau i oo mahi, gai hagaola ina tama daane a doo hahine hai hegau.

Hebrews 11:13

Gilaadeu nei alodahi ne mouli i de gai ga dae ai gi delaadeu maakau. Gilaadeu tee kave mee gu lava laa i de hagatoo donu; aagai gilaadeu ne gidee donu huu, bolo mee nei e loomai naa i muli mai ma de malangilangi ai. Gai gilaadeu ne tala bolo gilaadeu ni dangada henua gee, gai ni dangada e nnoho gaainga i henua i lalo.

Romans 14:14

Au e iloo abodonu ma de hagadonusia i lodo o Tagi Maolunga go Iesu, bolo e deai donu se mee daudahi e dee gilimalali. Aagai e dee gilimalali donu huu noo tangada e maanadu bolo e dee gilimalali.

Romans 14:5

Dahi dangada e hagadaba bolo dahi laangi e maolunga ange i laangi ange laa, gai tangada ange laa e hagadaba bolo laangi alodahi se dagodo daudahi donu huu. Gai dahi ma dahi gi iloo too donu bolo dana mee e iloo laa e heohi donu.

Acts 26:26

Gai de hodooligi e iloo donu dagodo o mee nei, gai au e malangilangi donu i de tala agu muna, go hiidinga au e donu ange bolo mee nei alodahi e odi i dau iloo, go hiidinga mee nei tee hai hagammuni.

John 1:47

Gai ga gidee huu e Iesu Nathanael i dono masavaa ne dae mai ai, gai ia ga tala ono dagodo ga hagadaba, “Taane nei se daane Israel abodonu, gai e deai donu se muna hhadu i ono daha!”

Jeremiah 3:10

Gai mee nei alodahi tee maua i de hai dono daina hahine dee hai hegau i de mee abodonu go Judah gi ahe mai gi de au i ono lodo alodahi, aagai ne daahanga mai au,” go Tagi Maolunga e hagadaba.

Psalm 81:15

Dangada e kino i Tagi Maolunga e maatagu naa i de ia, gai delaadeu hagaduasala e dee ngado mai donu.

Psalm 77:6

Au ne manadua agu daahili i de boo; ogu lodo ne hagasaele gai dogu hagasaalunga e ssili:

Psalm 66:3

Hai ange gi de Maadua, “Au hegau e hagamaatagu mmao! Doo sauaa e laumalie mmao gai oo hagadaumee e bolebole i oo mada i mua.

Psalm 22:10

Go koe dagu tali mai i dogu haanau; gai go koe dogu Maadua mai i dogu masavaa i lo te dinae ai o dogu dinana.

Psalm 18:44

De masavaa donu huu alaadeu ne langona ai agu muna, gai gilaadeu ga hagallongo mai gi de au; de gau henua gee e bolebole i ogu mada i mua.

Psalm 17:1

Tagi Maolunga, hagalaangona dogu heohi, hagasula ina dagu dangidangi! Hagalaangona dagu dalodalo — se dangidangi e dee hai i de hagasenga!

1 Peter 1:22

Gai go hiidinga goodou gu gilimalali i doodou daudali i de muna abodonu, gai goodou gu maua i de hagadau aaloha i de lodo se mee abodonu, gai goodou hagadau aaloha i de lodo e gilimalali.