2 Timothy 1:18 - De Beebaa Dabu

¹⁸ (Tagi Maolunga gi haia gi maua e ia tegi mai i daho Tagi Maolunga i de laangi laa!) Gai koe gu iloo dagodo o ana hegau lagolago ne bale mai ai au i Ephesus.

2 Timothy 1:18 Referans Kwoze

Hebrews 6:10

Gai de Maadua e dee haisala donu dana hagamodu; ia e dee ngalo naa donu oodou hegau danuaa, i doodou bale ange ono dangada dabu, i hiidinga doodou aaloha i de ia, gai goodou goi duudagi donu huu de bale ange gilaadeu iainei.

2 Timothy 1:12

aanei ogu hiidinga gu hagaduasala ina ai nei. Aagai au e dee dogaa donu, go hiidinga au e iloo be goai aagu gu hagadonusia, gai au e iloo bolo ia e maua i de dagitilo mee alodahi gu gaamai gi de au ga dae gi de laangi laa.

2 Timothy 1:16

Gai Tagi Maolunga gi abodonu ange gi de huaabodu o Onesiphorus, i hiidinga ia e dee modu donu de hagaaneane ogu lodo, gai e dee dogaa donu i de au i dogu hhao gi lo te hale pono;

1 Timothy 1:3

Au ne hai goe gi noho i Ephesus, i dogu masavaa ne hano ai gi Macedonia, gai koe ga hai ai gilaadeu e agoago i hanu agoago gee gi dee agoago ai,

Revelation 2:1

“Siia ange muna nei gi tangada de langi o de nohoanga dabu i Ephesus: Aanei muna mai i daho de ia e daohia laa denga heduu e hidu i dono lima madau, ma de seesee i magavaa o denga mee dugu laama goolo e hidu laa.

1 Peter 1:10

Dagodo o de hagamouli, denga pelaabisi ne tala dagodo o de abodonu gu dai dae mai laa gi goodou, ma de hagaduu ngae ga ssala dagodo o de mee nei;

2 Timothy 4:12

Au gu hai Tychicus gi hano gi Ephesus.

1 Thessalonians 2:19

E aha, e dee go goodou demaadeu tali hagalodolodo, ma demaadeu malangilangi, aama omaadeu hau hodooligi e hagamahamaha ai i mada luu mada o taadeu Dagi Maolunga go Iesu i dono ahe mai?

Ephesians 2:4

Aagai de Maadua, de ia e honu abodonu laa dono degi, i hiidinga dono aloha mmao i gidaadeu,

2 Corinthians 9:1

Gai e deai donu haigamaiana dagu sisi adu ange dagodo o de bale ange gi dangada o de Maadua,

1 Corinthians 16:8

Aagai au e noho naa i Ephesus ga dae ai gi de Pentecost,

Acts 19:1

De masavaa o Apollos e noho ai i Corinth, gai Paul ne hano laa uda ga hano ai ga dae gi Ephesus. Gai ia ne hedae ange gi hanu dangada agoago i kilaa.

Luke 8:3

ma Joanna de bodu o Cuza, go taane e diiloo ange mee o Herod, aama Susanna. E soa ange haahine ne balea ange gilaadeu i olaadeu goloa donu.

Luke 1:78

ma hiidinga de lodo aloha o taadeu Maadua, e haia laa ga humai de maalama o de langi gi odaadeu daha,

Luke 1:72

ma de hagasula dono lodo aloha gu hagatoo donu ange laa gi odaadeu dubuna madagidagi, aama de hagamaanadu dana hagatoo donu hagaheloongoi dabu,

1 Kings 17:20

Gai Elijah ne dalodalo ange gi Tagi Maolunga, ga hai ange, “Tagi Maolunga, dogu Maadua, gu aha gu hagahai ngadaa nei goe de hine oogu e noho nei i ono daha, i dau daa ga magau dana dama daane?”

Acts 18:19

Gai ga tae huu gilaadeu gi Ephesus, gai a Paul ga dugu Priscilla ma Aquila i kilaa. Gai ia ne hano gi lo te synagogue ga madaangudu ange ai gi de gau Ssuu.

Acts 18:21

Aagai dono masavaa ne malanga ai e hano, gai ia ne hai ange gi gilaadeu, “Au e ahe mai naa donu gi oodou daha, noo go lodo o de Maadua.” Gai ia ga malanga ga hano gee mai i Ephesus.

1 Corinthians 1:8

Gai go ia e hagammahi ina oodou lodo ga dae ai gi de hagaodi, gai goodou gu dee hagabaubau i de laangi o taadeu Dagi Maolunga go Iesu Klisdo e humai ai.

1 Corinthians 3:13

dagodo hegau a dahi ma dahi e ssula danuaa mai naa; i hiidinga e hagaago mai naa i de Laangi laa, de ahi e hai naa ga iloo ono dagodo. Gai de ahi e hagatale ange naa ga tilo be aahee dagodo hegau a dahi ma dahi.

2 Timothy 1:17

gai de masavaa oona ne dae mai ai gi Rome, gai ia ne hagammahi ga ssala gi gidee ia ngau.

2 Timothy 4:8

Deenei ai, de hau o de heohi gu hagadabena mai donu gi de au, go de hau a Tagi Maolunga, de ia hagamodu muna heohi, e hagao mai ai au i de laangi laa, gai e dee go au donu huu, aagai se mee ange gi gilaadeu alodahi e malangilangi i dono hagasula mai.