2 Timothy 1:14 - De Beebaa Dabu

¹⁴ Gai koe dagidiiloo daohia mee danuaa gu gaavadu naa gi de goe, i ssauaa o de Hagasaalunga Dabu e noho laa i odaadeu lodo.

2 Timothy 1:14 Referans Kwoze

John 14:17

go de Hagasaalunga o de muna abodonu. Gai de gau henua i lalo e dee maua i de kave ia gi olaadeu lodo, go hiidinga gilaadeu e dee gidee aabe e iloo ia. Gai goodou gu iloo ia, go hiidinga ia e noho madali goodou ma de noho i oodou lodo.

Romans 8:13

go hiidinga noo goodou e mouli i lodo o de angaanga, gai goodou e maakau donu; aagai noo goodou e daa gi maakau denga dahulinga o de angaanga i ssauaa o de Hagasaalunga ⌊Dabu⌋, gai goodou e mouli.

1 Timothy 6:20

Timothy, koe gi daohia mee alodahi gu lava i de gaavadu gi de goe. Huli gee i denga ngadi muna o dangada e hagadaumee ai ma de tala bolo go de iloo mee abodonu;

2 Timothy 1:12

aanei ogu hiidinga gu hagaduasala ina ai nei. Aagai au e dee dogaa donu, go hiidinga au e iloo be goai aagu gu hagadonusia, gai au e iloo bolo ia e maua i de dagitilo mee alodahi gu gaamai gi de au ga dae gi de laangi laa.

1 Corinthians 3:16

Goodou tigi tonu ange naa donu bolo goodou go de temple o de Maadua, gai de Hagasaalunga o de Maadua e noho i oodou lodo?

Romans 8:9

Aagai goodou gu dee nnoho i lalo ssauaa o de angaanga, gai gu nnoho i lalo ssauaa o de Hagasaalunga, noo de Hagasaalunga o de Maadua e noho i oodou lodo. Tangada e dee noho de Hagasaalunga o Klisdo i ono lodo, e dee se dangada niiona.

1 Peter 1:22

Gai go hiidinga goodou gu gilimalali i doodou daudali i de muna abodonu, gai goodou gu maua i de hagadau aaloha i de lodo se mee abodonu, gai goodou hagadau aaloha i de lodo e gilimalali.

1 Thessalonians 5:19

Goodou gi dee buibuia de Hagasaalunga ⌊Dabu⌋,

2 Timothy 2:2

gai koe daohia au mee gu langona dagu tala i mada i mua o de gau tala hagadonu soa, gai koe ga agoagona ange ai gilaadeu e hai hegau i de mee abodonu, gai gilaadeu e maua hogi i de agoago ange ai de gau ange laa.

1 Timothy 1:11

bei dagodo muna o de longo danuaa mahamaha a de Maadua e heohi laa taadeu tuhi, go mee ne gaamai gi de au.

Ephesians 5:18

Goodou gi dee unu gi ssenga i uvaini, go hiidinga e oha oodou mouli; aagai gi hoohonu i de Hagasaalunga ⌊Dabu⌋.

Ephesians 2:22

Gai go ono daha oodou ne hagatuu age ai alodahi, e hai ai de mommee o de Maadua e noho ai i de Hagasaalunga.

1 Corinthians 9:17

Gai noo go au ne hilihilia de hai de hegau nei, aagai e dahi donu ogu hagaoanga. Aagai noo e dee go au ne hilihilia, gai au e hai donu huu de hegau gu gaamai laa gi de au.

Colossians 4:11

Taane go Iesu e hagaingoo ange laa hogi go Justus, e gaavadu hogi dana hagaboo gi goodou. Aanei donu huu de gau Ssuu e hai hegau ange gi de nohoanga hodooligi o de Maadua madali au gai gilaadeu gu hagaaneane donu ogu lodo.

Galatians 2:7

Gai gilaadeu ne gidee bolo gu gaamai gi de au de hegau, go de agoago ange de longo danuaa gi denga Gentile, bei de hai gu gaavange ai laa hogi gi Peter, gi agoagona ange de longo danuaa gi de gau Ssuu.

2 Corinthians 5:16

Deenei ai, mai iainei gai gimaadeu gu dee tilo dangada bei de hai a dangada e tilo ai; e dee galemu donu gimaadeu nogo tilo Klisdo i mua bei de hai a dangada e tilo ai laa, gai iainei gimaadeu gu dee tilo bee nei.

1 Corinthians 6:19

Goodou e dee iloo laa bolo oodou angaanga go de temple donu o de Hagasaalunga Dabu e noho laa i oodou lodo, gai ia ne humai i daho de Maadua? Gai e dee go goodou donu e huahua i goodou;

Romans 8:11

Gai noo de Hagasaalunga o de Maadua ne hagamouli ina age laa Iesu i de magau e noho i oodou lodo, gai de ia ne hagamouli ina age laa Iesu i de magau e hagamouli age naa hogi oodou angaanga e maakau laa i dono Hagasaalunga e noho laa i oodou lodo.

Romans 3:2

E lagolago donu mee o de gau Ssuu e dubu ange ai! Tahi mee: de Maadua ne gaavange ana muna donu gi gilaadeu.

Luke 16:11

Noo goodou e dee maua i de hai hegau i de mee abodonu i de lava o henua i lalo, gai goai ai naa e gaavadu gi goodou de lava abodonu?