2 Samuel 9:6 - De Beebaa Dabu

⁶ Gai de masavaa o Mephibosheth, tama daane a Jonathan, tama a Saul ne humai ai gi daho David, gai ia ga hagabaguu gi honga de gelegele ga hagadubu David. Gai David ne hai ange gi de ia, “Mephibosheth!” Mephibosheth ne hai ange, “Deenei au, doo dangada hai hegau.”

2 Samuel 9:6 Referans Kwoze

1 Chronicles 9:40

Tama daane a Jonathan: go Merib-Baal, go ia ne hagadili ina Micah.

1 Chronicles 8:34

Tama daane a Jonathan: go Merib-Baal, go ia ne hagadili ina Micah.

2 Samuel 16:4

Gai de hodooligi ne hai ange gi Ziba, “Ailaa nei, gai au e gaavadu gi de goe mee alodahi a Mephibosheth.” Ziba ne hai ange, “Au e ino adu gi de goe, dogu dangada aamua, go de hodooligi, koe gu abodonu mai gi de au.”

1 Samuel 25:23

De masavaa huu a Abigail ne gide ai David, gai ia ga hagamoolau ga iho mai i honga dana donkey, ga duuduli ga ino gi lalo i honga de gelegele i gaogao luu vae o David.

1 Samuel 20:41

Gai de masavaa huu o tama daane gauligi laa ne hano gee ai, gai David ga sao mai i gaogao o de hagabuudungaa hadu laa ga ino gi honga de gelegele i mada i mua o Jonathan i e dolu hanonga. Gai gilaau ga hagadau oso ma de tangi, gai David gu kona donu dono dangi.

Genesis 33:3

Gai ia ne hano i olaadeu mada i mua ga ino gi honga de gelegele i e hidu hanonga, ga dae ai gi dono hano ga baa ange gi dono daina daane.

Genesis 18:2

Gai Abraham ga dangage age gu gidee adu e ia e dogodolu daane e tuu mai. De masavaa aana ne gidee ai gilaadeu, gai ia ga hidi age ga savini ga hedae ange gi gilaadeu, ga ino gi honga de gelegele.

2 Samuel 4:4

Gai Jonathan, tama daane a Saul, e dahi ana dama daane balagelage. De masavaa o de longo ne dae mai ai i Jezreel bolo a Saul ma Jonathan gu maakau, gai ia gu lima donu huu ono ngadau; gai de hine e diiloo ange laa ia ne saabai ia ga savini ai e mmuni. Gai de masavaa a de hine laa e savini ai, gai tamaa gauligi laa gu doo i lodo luoono lima, gai ia gu balagelage. Gai de ingoo o tamaa gauligi laa go Mephibosheth.

2 Samuel 9:5

Gai de hodooligi go David ga aalu ga gaamai Mephibosheth i de hale o Makir, tama daane a Ammiel, i Lo Debar.

2 Samuel 1:7

Gai ia ne gidee au i de masavaa oona ne huli dua ai, gai ia ga hagahi mai au. Gai au ga hai ange, ‘Deenei au.’

2 Samuel 21:7

Aagai de hodooligi ne hagaola Mephibosheth, tama daane a Jonathan, de mogobuna o Saul, go hiidinga delaau hagatoo donu ma Jonathan ne hai i mada luu mada o Tagi Maolunga.