2 Samuel 9:10 - De Beebaa Dabu

¹⁰ Gai goodou ma au dama daane aama oo dangada hai hegau ga hagabalabala de gelegele ma de doo ono alahenua, ga gaamai denga huamanu gi kinei, gi hanu ai mee a de mogobuna o doo dangada aamua e gaimee ai. Gai Mephibosheth e gaimee madali au i laangi alodahi.” (Gai Ziba e dinoangahulu ma dogolima ana dama daane, gai e dinolua ono dangada hai hegau.)

2 Samuel 9:10 Referans Kwoze

2 Samuel 9:7

Gai David ga hai ange gi de ia, “Aude madagu, go hiidinga au e abodonu adu donu gi de goe i hiidinga o doo damana go Jonathan. Au e hagaahe adu naa gi de goe alahenua alodahi o Saul, doo dubuna; mai ailaa nei ga hano ai, gai koe e gaimee madali au.”

2 Samuel 19:28

Go hiidinga de huaabodu alodahi o dogu damana ni dangada donu e daa gi maakau i mada luu mada o dogu dangada aamua go de hodooligi; aagai koe gu hai au, doo dangada hai hegau, go dahi dangada e gaimee madali goe. Gai e deai donu sogu heohi e dangi adu ai gi de goe, de hodooligi!”

Luke 14:15

De masavaa a dahi i magavaa o dangada ne langona laa mee nei, gai ia ga hai ange gi Iesu, “E manuuia tangada e gaimee i taonga i de nohoanga hodooligi o de Maadua!”

2 Kings 25:29

Gai Jehoiachin ne hagaui ono malo nogo gahu ai i lo te hale pono, gai ia gu gaimee i teebele o de hodooligi i laangi alodahi, i taulooloa dono mouli.

2 Samuel 16:3

Gai de hodooligi ne ssili ange, “Gai i hee iai de mogobuna o doo dangada aamua?” Ziba ne hai ange gi de hodooligi, “Tilo, ia e noho i Jerusalem, go hiidinga ia e hagadaba, ‘Ailaa nei, gai de gau Israel e hagaahe mai naa gi de au de nohoanga hodooligi o dogu dubuna.’ ”

2 Samuel 21:7

Aagai de hodooligi ne hagaola Mephibosheth, tama daane a Jonathan, de mogobuna o Saul, go hiidinga delaau hagatoo donu ma Jonathan ne hai i mada luu mada o Tagi Maolunga.

1 Kings 2:7

Aagai koe abodonu ange gi denga dama a Barzillai, taane Gilead, gilaadeu ni dangada hogi e gaimee madali goe i doo deebele. Go hiidinga gilaadeu ne abodonu mai gi de au i de masavaa oogu ne hano ai e mmuni i doo daina go Absalom.

Jeremiah 52:34

Gai de hodooligi ne gaavange mee o Jehoiachin e hagadanuaa i taulooloa dono mouli, ga dae ai gi de laangi oona ne magau ai.

2 Samuel 19:18

Gai gilaadeu ne hulo gi de baasi laa o de vai, e hagaahe mai ai de hodooligi ma dono huaabodu, aama de hai mee alodahi oona e lodo ai. Gai Shimei, tama daane a Gera, ne humai ga ino gi honga de gelegele i mada i mua o de hodooligi,