2 Samuel 8:1 - De Beebaa Dabu

¹ Dua mee nei gai David ne hagadee kii de gau Philistia ga hai gilaadeu gi nnoho i ono lalo, gai ia ne kave de mommee go Metheg Ammah mai daho de gau Philistia.

2 Samuel 8:1 Referans Kwoze

2 Samuel 7:9

Gai au ne noho madali goe i mommee alodahi oou ne hano aagena, ma de dugu adu goe gi hagadee kii ina oo hagadaumee alodahi. Gai au e hai naa goe gi se dangada maolunga, bei dagodo o de gau maolunga o henua i lalo.

2 Samuel 2:24

Aagai a Joab ma Abishai ne hulo ga doolohi Abner. Gai ga dai danu huu de laa gai gilaadeu gu tae gi tuuduu go Ammah, se mommee e duu i de baasi mai nei o Giah, i gaogao de haiava e hano laa gi de vao o Gibeon.

Hebrews 11:33

Go de gai ne haia ga maua e gilaadeu i de hagadee kii denga nohoanga hodooligi, ma de hagamodu muna i de heohi, ma de kave mee gu lava laa i de hagatoo donu; gilaadeu ne pono ngudu o denga laiono,

Hebrews 11:34

ma de diinei denga ahi ula, ma de ola mai i de gadilaasa, gilaadeu e baageaa gai gu hai ma gu ni dangada mmahi; gilaadeu ne mmahi i de hebagi, ga hagadee kii ai denga hagabuulinga hebagi o de gau henua gee.

2 Samuel 19:9

Gai de gau Israel alodahi e hagadaumee i olaadeu magavaa ma e hagataba, “De hodooligi ne hagaola gidaadeu mai i odaadeu hagadaumee, ma de hagaola gidaadeu mai i de gau Philistia. Gai iainei ia gu savini ma gu hano gee i de henua i hiidinga o Absalom.

2 Samuel 22:44

Koe gu hagaola mai au i ogu dangada e hai baasi mai gi de au. Koe gu hai au go tagi o denga huaahenua; dangada aagu e dee iloo gu hai hegau mai gi de au.

Psalm 18:43

Koe gu hagaola mai au i gilaadeu e hai baasi mai gi de au. Koe gu hai au go tagi o denga huaahenua; dangada aagu e dee iloo gu hai hegau mai gi de au.

Psalm 60:8

Moab go dogu beisini gaugau; au e maga ange dogu mee vae gi honga o Edom; gai au e oo e tala dogu kii i Philistia.”

1 Samuel 7:13

Gai de gau Philistia gu maakulu, gai gilaadeu tee aahe mai ange donu gi de henua o de gau Israel. Gai Tagi Maolunga ne hagadee kii gilaadeu i taulooloa de mouli o Samuel.

2 Samuel 5:17

De masavaa a de gau Philistia ne langona ai bolo David gu hagadabu ange gi hodooligi i Israel, gai denga daane alodahi o Philistia ga loomai e ssala ia. Aagai ga langona huu e David, gai ia ga hanage ga noho i lo te mommee buibui makaga.

2 Samuel 5:25

Gai David ne hai ga bei muna a Tagi Maolunga gu tala ange gi de ia, gai ia ga daa gu maakau denga daane Philistia mai i Geba ga dae ai gi Gezer.

Psalm 60:2

Koe ne hagangalungalue de henua ga hai gu mahangahanga; hagaahea age ono mommee gu maoha laa, i hiidinga gu dai baakuu.