2 Samuel 7:23 - De Beebaa Dabu

²³ Gai goai e bei dagodo o oo dangada go de gau Israel — go de huaahenua i henua i lalo, a de Maadua ne hagaola laa e hai ai ono dangada, gai koe ga hai ai gi maolunga doo ingoo, ma de hai hegau hagalele mouli ma de hagamaatagu, i dau hai gi hulo gee denga huaahenua ange laa ma olaadeu diinonga, mai i daho oo dangada, go dangada aau ne hagaola mai i Egypt?

2 Samuel 7:23 Referans Kwoze

Deuteronomy 10:21

Go ia e heohi doodou tuhi, go ia doodou Maadua, go ia ne haia adu gi goodou denga hegau sauaa ma de hagalele mouli oodou gu gidee naa.

Deuteronomy 9:26

Gai au ne dalodalo ange gi Tagi Maolunga ga hai ange, “Dogu Ia Aamua go Iahweh, aude daia oo dangada donu gi maakau, go dangada aau ne hagaola ga hagassao mai i Egypt i doo lima sauaa mmahi.

Psalm 147:20

Ia tee hai ange mee nei gi dahi huaahenua gee; gai ana hagamodu, gilaadeu e dee iloo mee nei. Duuhia Tagi Maolunga!

Psalm 111:9

Ia ne hagaola ono dangada; ia ne hai dana hagatoo donu hagaheloongoi gi dagodo ga hano ai, dono ingoo e dabu gai e hagamaatagu.

Nehemiah 1:10

Gilaadeu go oo dangada hai hegau ma au dangada gu hagao i doo sauaa ma doo lima mmahi.

Deuteronomy 33:29

De gau Israel, goodou gu manuuia! Goai e bei oodou dagodo, dangada a Tagi Maolunga gu hagaola? Ia e bei doodou mee hungihungi ma doodou bale aama doodou gadilaasa e kii ai. Oodou hagadaumee e maatagu naa i goodou, gai goodou e dagadagahi naa olaadeu mommee daumaha.”

Deuteronomy 15:15

Gai koe manadua bolo koe se dangada nogo hagahai hegau hagaduasala ina i de henua go Egypt, gai Tagi Maolunga doo Maadua ne hagaola goe. Aanei hiidinga aagu e tala adu ai nei mee nei gi goodou anailaa nei.

Ezekiel 20:9

Aagai au ne hai mee nei i hiidinga o dogu ingoo, gi dee hagangadi mee ina ai dogu ingoo i daho denga huaahenua olaadeu e nnoho laa i olaadeu magavaa. Gai au ne hagaago ange ogu dagodo gi de gau Israel, i dagu hagassao mai gilaadeu i de henua go Egypt.

Psalm 40:5

Tagi Maolunga dogu Maadua, gu lagolago au hegau hagalele mouli ne hai, go au mee gu hagadabena mai gi gimaadeu; e deai ange donu e bei oo dagodo! Gai ga daalaa naa donu e au dagodo o au hegau, gai au e dee maua donu i de tala gi odi.

Revelation 5:9

Gai gilaadeu ne daahili i dahi daahili hoou ga hagataba, “Koe e bau ange gi de kave de beebaa mulo ga oha ono mee hagamakaga, go hiidinga koe ne daa ga magau, e hagao ai dangada i oo dodo ga hagaahe mai gi de Maadua, mai i denga aamuli alodahi, ma dangada e pasa i denga hagadaagangaa muna alodahi, ma denga huaadangada aama huaahenua alodahi.

Titus 2:14

Ia ne gaavange ia e hagao ai ma de hagaola mai ai gidaadeu i odaadeu baubau alodahi, gai ia ga hagagilimalali ai gidaadeu e hai ai ono dangada donu, go dangada e llodo abodonu laa e haia hegau danuaa.

Ephesians 1:6

gai gidaadeu ga tuhi ai de mahamaha o dono abodonu, ne ngadi gaamai laa gi gidaadeu i hiidinga o dana Dama Hagamogomogo.

Psalm 145:6

Gilaadeu e tala naa dagodo sauaa o au hegau hagamaatagu; gai au e tala dagodo o doo maolunga.

Psalm 65:5

De Maadua, demaadeu Ia Hagaola, koe ne basa mai gi amaadeu dalodalo i au hegau hagalele mouli, go koe de tali hagalodolodo o henua i lalo alodahi ma mommee mmao i honga tai.

1 Chronicles 17:21

Gai goai de huaahenua e bei dagodo o oo dangada go de gau Israel — go de huaahenua a de Maadua ne hagaola e hai ai ono dangada donu, gai koe ga hai ai doo ingoo gi maolunga hagamaatagu, i dau hai gi hulo gee denga huaahenua mai i daho oo dangada, go gilaadeu aau ne hagaola mai i Egypt?

Joshua 7:9

Go hiidinga de gau Canaan ma dangada e nnoho i de henua e langona naa e gilaadeu mee gu hai nei, gai gilaadeu e loomai naa ga duuli gidaadeu, ga daa gidaadeu gu deai gidaadeu e doe i honga de henua. Gai aahee ai naa dagodo o doo ingoo maolunga naa?”

Exodus 12:12

Gai lo te madohi boo naa huu, gai au ga hagadaga i Egypt e daa gi maakau denga dama daane maatua a dangada, ma manu dolodolo alodahi a de gau Egypt, aama de hagaduasala denga diinonga alodahi o Egypt. Go au donu go Iahweh.

Exodus 9:16

Aagai au ne dugu goe gi mouli e hagaago adu ai gi de goe dogu sauaa mmahi, gi hagadeledele danuaa ai dogu ingoo i henua i lalo alodahi.

1 Peter 2:9

Aagai goodou se huaadangada gu lava i de hili, goodou ni dangada haimeedabu niio de Hodooligi, se huaahenua dabu, gai se huaadangada hagamogomogo niio de Maadua, gai goodou ga tuhi ai de ia ne hagahia goodou, ma de hagassao mai goodou i lo te gohu, ga gaamai gi de maalama danuaa mmao.

Psalm 66:3

Hai ange gi de Maadua, “Au hegau e hagamaatagu mmao! Doo sauaa e laumalie mmao gai oo hagadaumee e bolebole i oo mada i mua.

Psalm 106:22

ma hegau hagalele mouli i de henua o Ham, ma mee hagamaatagu i gaogao Tai Mmea.

Numbers 6:27

Gai gilaadeu gi hagaamua ina dogu ingoo i olaadeu daha, gai au ga hagamanuuia ai gilaadeu.”

Jeremiah 32:21

Koe ne hagassao mai oo dangada go de gau Israel i Egypt i sauaa ma mee hagalele mouli i doo lima sauaa ma de mmahi, gai e hagamadagu mmao.

Exodus 6:7

Gai au ga hai naa goodou go ogu dangada, gai au go doodou Maadua, gi iloo ai e goodou bolo go au donu go Iahweh doodou Maadua, go au ne gaavee gee goodou mai i mee a de gau Egypt e hagadaemaha ai goodou.

Exodus 9:15

Gai au ne maua donu i de daa gi maakau goodou ma oo dangada hai hegau, aama oo dangada alodahi i denga mee hagamaakau, gi dee mouli ai goodou i henua i lalo.

Exodus 33:16

Gai dee hee ai naa de hai a dangada e iloo ai bolo koe e malangilangi i de au, go gimaadeu ma doo huaadangada? E aha, e dee go doo hano madali gimaadeu e haia ga dagodo gee gimaadeu, go au ma oo dangada, mai i denga huaadangada ange laa i henua i lalo?”

2 Samuel 7:24

Koe ne hai Israel go oo dangada donu ga hano ai. Gai koe, Tagi Maolunga, ne hai go delaadeu Maadua.

Psalm 44:3

Gai e dee go alaadeu gadilaasa alaadeu ne kave ai de henua, aabe go olaadeu mahi ne haia ga kii gilaadeu; aagai go doo lima madau, ma doo lima mmahi, aama de maalama o luoo mada, go hiidinga koe ne malangilangi i gilaadeu.

Jeremiah 32:20

Koe ne hai sauaa ma mee hagalele mouli i de henua go Egypt, ga dae mai ai gi anailaa nei, ma daho de gau Israel aama dangada alodahi, gai doo ingoo gu hagadeledele danuaa ga dae mai ai gi anailaa nei.