2 Samuel 7:22 - De Beebaa Dabu

²² De Ia Aamua go Iahweh, koe e maolunga mmao. Gai e deai ange donu e bei oo dagodo, e deai ange hogi se Maadua go koe donu huu, bei demaadeu hai gu langona ai laa.

2 Samuel 7:22 Referans Kwoze

Psalm 86:10

I hiidinga koe e maolunga mmao gai e hai hegau hagalele mouli, go koe donu huu de Maadua abodonu.

Psalm 86:8

Dogu Ia Aamua, e deai ange donu i magavaa o denga maadua e bei oo dagodo, e deai ange hogi hegau e bei dagodo o au hegau.

Exodus 15:11

Tagi Maolunga, goai e bei oo dagodo i magavaa o denga diinonga? Goai e bei oo dagodo i de mahamaha gai e dabu? Au hegau e hagamaatagu, gai au sauaa e hagalele mouli!

Micah 7:18

De Maadua, goai e bei oo dagodo, i dau hagangalo baubau aama de degi ange gi haisala o dangada o doo boolonga e doe? Koe e dee golo age doo lili ga hano ai, gai e malangilangi i de hagaago mai doo lodo aloha.

1 Chronicles 16:25

Tagi Maolunga e maolunga mmao, gai e heohi taadeu tuhi ia; gai gi kii ange taadeu maatagu i de ia i denga maadua alodahi.

Isaiah 45:5

Go au donu go Iahweh, e deai ange donu, gai e deai ange donu se Maadua e bei ogu dagodo; au e hagammahi naa goe, e dee galemu donu koe tee iloo au;

Deuteronomy 3:24

“Dogu Ia Aamua go Iahweh, koe gu daamada de hagaago mai gi de au, doo dangada hai hegau, dagodo o doo maolunga aama doo mmahi; go hiidinga e deai ange donu se maadua i de langi, aabe go henua i lalo, e maua i de hai hegau hagalele mouli aau gu hai.

1 Samuel 2:2

E deai ange donu se dangada e dabu bei Tagi Maolunga, e deai ange donu e bei oo dagodo; e deai ange donu se baba e bei taadeu Maadua.

Psalm 89:8

Tagi Maolunga, de Maadua o denga hagabuulinga hebagi, goai e bei goe? Tagi Maolunga, koe e mmahi, ma de hai hegau i de muna abodonu.

Psalm 89:6

Tagi Maolunga, goai e bei oo dagodo i de langi? Tagi Maolunga, goai i de gau de langi e bei oo dagodo?

Psalm 96:4

Tagi Maolunga e maolunga mmao, gai e heohi taadeu tuhi ia; gai gi kii ange taadeu maatagu i de ia, i denga maadua alodahi.

Deuteronomy 4:35

Gai mee nei ne hagaago adu gi iloo ai e goodou bolo Tagi Maolunga go de Maadua donu, gai e deai ange donu se Maadua e bei ono dagodo.

Isaiah 40:18

Gai goai oodou e hagahedae ange de Maadua aagena? Gai goai oodou e hagadulagi ange ia aagena?

Psalm 48:1

Tagi Maolunga e maolunga mmao, gai e heohi de hagalaumalie dono tuhi i lo te aduhale o taadeu Maadua. Dono mounga dabu

Psalm 145:3

Tagi Maolunga e maolunga mmao, gai e heohi de hagalaumalie dono tuhi; dono maolunga e dee maua gi de tonu ange aagena.

Psalm 135:5

Au e iloo bolo Tagi Maolunga e maolunga, gai taadeu Ia Aamua e maolunga ange i denga diinonga ange laa alodahi.

Psalm 44:1

De Maadua, gimaadeu gu langona i omaadeu dalinga, gai omaadeu dubuna madagidagi gu tala mai gi gimaadeu, dagodo o au mee ne hai i delaadeu masavaa, i denga laangi madagidagi.

Ezekiel 36:22

Deenei ai, hai ange gi dangada o Israel, ‘E hagadaba de Ia Aamua go Iahweh: Dangada o Israel, e dee go oodou hiidinga donu aagu e hai ai hegau nei, aagai go hiidinga o dogu ingoo dabu, go de ingoo oodou ne hagangadi mee i daho denga huaahenua oodou ne hulo ga nnoho ai.

Isaiah 45:22

Henua i lalo alodahi, daahuli mai gi de au, gi ola ai goodou; i hiidinga go au donu huu de Maadua, e deai ange donu.

Isaiah 45:18

Gai e hagadaba Tagi Maolunga, go de ia ne haia de langi, go ia donu go de Maadua, gai go ia ne hagadulagi henua i lalo ga hai gu dahi, gai ia tee hagaduu henua i lalo gi se ngadi mommee, aagai ne hagaduu gi nnoho ai dangada — ia ne hagadaba: “Go au donu go Iahweh, e deai ange donu.

Isaiah 40:25

“Gai goai oodou e hagahedae ange au aagena? Aabe goai e bei ogu dagodo?” go de Ia Dabu e hagadaba.

2 Chronicles 2:5

Gai de hale aagu e hagaduu age se hale laumalie, go hiidinga demaadeu Maadua e maolunga ange i denga diinonga alodahi.

Deuteronomy 32:39

Goodou kalo mai diiloo, go au donu deenei, gai e deai ange donu se maadua, go au donu huu. Go au e daia gi maakau, gai go au e hagamouli ina; go au e hagalagolagohia ina, gai go au hogi e hagaieiangi ina; e deai donu se dangada e maua i de hagaola dahi mai i dogu lima sauaa.

Ezekiel 36:32

Gai goodou gi tonu ange, bolo e dee go oodou hiidinga aagu e hai ai nei mee nei, go de Ia Aamua go Iahweh e hagadaba. Gai goodou e de gau Israel, goodou e hagadookaa ma de hagangadi mee ina i hiidinga oodou hegau gu hai.

Exodus 10:2

gai goodou ga tala ange ai gi langona e oodou dama ma oodou mogobuna dagu hai ne hai ai de gau Egypt, aama mee hagalele mouli aagu ne hai i daho de gau Egypt; gai gi iloo ai e goodou bolo go au donu go Iahweh.”

Exodus 8:10

Gai Pharaoh ga hai ange, “Go daiao.” Gai Moses ga hai ange, “E hai naa donu gi bei au muna, gi iloo ai e goe bolo e deai ange donu e bei dagodo o Iahweh demaadeu Maadua.

Exodus 9:14

Go hiidinga de hanonga nei gai au e gaamai naa denga mee hagamaakau e hagaduasala ai goe, ma oo dangada hai hegau, aama doo huaadangada alodahi, gi iloo ai e goe bolo e deai ange donu e bei ogu dagodo i henua i lalo alodahi.

1 Kings 8:23

ga hai ange: “Tagi Maolunga, de Maadua o Israel, e deai ange donu se Maadua i de langi i lunga, aabe go honga henua i lalo e bei oo dagodo. Koe e daohi de hagatoo donu hagaheloongoi o doo aloha ange gi oo dangada hai hegau e seesee i mada luoo mada i de muna abodonu i olaadeu lodo alodahi;

Daniel 2:45

Koe ne gidee dahi hadu ne ngadi modu mai donu huu i de mounga — aagai e dee se dangada donu ne duudia — gai se hadu ne oohaa iron, ma bronze, ma gelegele pigi, ma selevaa, aama goolo ga too dagidahi. De Maadua maolunga mmao laa gu hagaago ange gi de hodooligi, mee e hai i muli mai. De midi nei ma dono hagadoonunga ni muna abodonu, gai e dee haisala donu.”

Exodus 8:6

Gai Aaron ga poo dono dogo ga haalo ange gi honga denga vai o Egypt; gai denga kailu gu loage ga hhao honga de henua alodahi go Egypt.

Deuteronomy 4:39

Deenei ai, ailaa nei gai goodou haia gi tonu ange goodou aama de dugu mee nei i oodou lodo, bolo Tagi Maolunga go de Maadua donu o de langi ma henua i lalo, gai e deai ange donu e bei ono dagodo.

2 Samuel 22:32

Goai de Maadua, e dee go Iahweh donu huu? Gai goai de baba makaga, e dee go taadeu Maadua donu huu?