2 Samuel 7:15 - De Beebaa Dabu

¹⁵ Aagai au e dee helui naa donu dogu aloha i de ia, bei dagu hai ne helui ai laa dogu aloha i a Saul, go taane aagu ne aau gee laa gai ga hai goe gi hodooligi.

2 Samuel 7:15 Referans Kwoze

1 Samuel 15:23

De hai baasi ange gi de ia e bei de hai huuhuaa mee, gai de lodo maolunga e bei de daumaha ange gi denga diinonga. Go hiidinga koe ne kino i muna a Tagi Maolunga, deelaa ai, ia gu kino hogi i de hai goe gi hodooligi.”

Psalm 89:28

Au e abodonu ange naa gi de ia ga hano ai, gai dagu hagatoo donu hagaheloongoi ange gi de ia e dee sui naa donu.

1 Samuel 15:28

Gai Samuel ne hai ange gi a Saul, “Tagi Maolunga gu ssae de nohoanga hodooligi o Israel mai i oo daha anailaa nei, ma gu gaavange gi dahi dangada e baa adu gi de goe — se dangada e danuaa ange i de goe.

Isaiah 9:7

Gai dono nohoanga hodooligi ma de nnoho paba e hagadagadaga, e deai naa donu se odi. Gai ia e dagi naa i de nohoanga o David, ma dono nohoanga hodooligi, gai ia e hai naa gi duu gi makaga ma tee ngalungalue i de hagamodu e soe ma de heohi, mai i de masavaa laa ga hano ai. Go de lodo mmahi o Tagi o denga hagabuulinga hebagi e hagassula ina de mee nei.

1 Kings 11:13

Aagai au e dee kave naa de nohoanga hodooligi alodahi, au e dugu ange dau dama gi hodooligi i dahi aamuli, i hiidinga o dogu dangada hai hegau go David, ma hiidinga o de aduhale go Jerusalem, go de mommee aagu gu lava laa i de hilihili.”

2 Samuel 7:14

Au e hai naa go dono damana, gai ia go dagu dama. Gai de masavaa naa huu oona e haisala ai, gai au e haele ia i de laagau, bei de hai a dahi damana e haele ai laa dana dama.

1 Samuel 16:14

Gai de Hagasaalunga o Tagi Maolunga gu hano gee mai i daho Saul, gai dahi hagasaalunga hagammae mai i daho Tagi Maolunga gu hagaduasala ia.

Isaiah 37:35

Gai au e buibui naa donu ma de hagaola de aduhale nei, i hiidinga o dogu ingoo ma hiidinga o dogu dangada hai hegau go David.”

Psalm 89:34

Au e dee oha naa donu dagu hagatoo donu hagaheloongoi, aabe e sui agu muna gu lava i de tala.

2 Samuel 7:16

Gai au e hai naa gi dee llilo doo aamuli ma doo nohoanga hodooligi; gai doo nohoanga hodooligi e dagodo naa ga hano ai.’ ”

Isaiah 55:3

Huugea oodou dalinga, gai loomai gi de au; goodou hagalaangona agu muna, gi mouli ai goodou. Au e hai naa dahi hagatoo donu hagaheloongoi dee ngado mai madali goodou, i hiidinga dogu hai hegau i de muna abodonu, aama dogu aloha gu hagatoo donu ange laa gi David.

1 Samuel 19:24

Gai ia ga hagaui hogi ono malo laa daha, gai ia ga basa pelaabisi i mada i mua o Samuel, ma de dagodo i kilaa i de laangi laa aama de boo laa. Deelaa ai, dangada ne hagataba, “A Saul gu dau nei hogi madali denga pelaabisi?”

Psalm 89:33

aagai au e dee tuu naa donu dogu aloha i David, aabe e hagahadu muna dogu hai hegau i de muna abodonu.

Psalm 89:49

De Ia Aamua, i hee iai doo aloha ne aloha ange ai laa gi David i mua, ma de hagatoo donu ange ai gi de ia i doo hai hegau i de muna abodonu?

1 Samuel 15:26

Gai Samuel ga hai ange gi a Saul, “Au e dee ahe madali goe. Koe ne kino i muna a Tagi Maolunga, deelaa ai, Tagi Maolunga gu kino hogi i de hai goe gi hodooligi i Israel.”

Psalm 89:31

noo gilaadeu e oha agu hainga gu hagasauaa ma tee daohi agu hainga,