2 Samuel 7:12 - De Beebaa Dabu

¹² Gai de masavaa naa huu e odi ange ai oo laangi, gai koe e magau bei oo dubuna, gai au ga hai dahi oo hagadiilinga gi suuia goe, go dahi au dama donu, gai au e hai naa gi dagodo dono nohoanga hodooligi ga hano ai.

2 Samuel 7:12 Referans Kwoze

Acts 2:30

Gai ia se pelaabisi, deenei ai, ia ne iloo bolo de Maadua gu lava i de hagatoo donu bolo ia e hai naa dahi dangada mai i dono aamuli gi noho i honga dono nohoanga hodooligi.

1 Kings 8:20

Tagi Maolunga gu hagasula dana hagatoo donu gu lava i de hai: au gu sui dogu damana go David, ma gu hodooligi ai i honga Israel, bei de hai a Tagi Maolunga gu hagatoo donu ai laa, gai au gu hagaduu de hale e hagadubu ai de ingoo o Tagi Maolunga, de Maadua o Israel.

1 Kings 2:1

De masavaa huu o David ne dai magau ai, gai ia ga tala ange ana muna gi dana dama go Solomon, ga hai ange,

Acts 13:36

Dua de hai a David ga bei lodo o de Maadua i dono atangada, gai ia ne magau ga danu madali ono maadua madagidagi, gai dono angaanga ne bobo,

1 Chronicles 17:11

Gai de masavaa naa huu e odi ange ai oo laangi, gai koe e magau naa ga hano gi daho oo dubuna, gai au e hai naa dahi oo hagadiilinga e suuia goe, go dahi au dama daane donu, gai au e hai naa gi dagodo dono nohoanga hodooligi ga hano ai.

Deuteronomy 31:16

Gai Tagi Maolunga ga hai ange gi Moses, “Tilo, gu baa mai doo masavaa e hano ai madali oo dubuna madagidagi; gai de huaadangada nei e daumaha ange naa, gi denga diinonga o de henua olaadeu ga hulo nei e nnoho ai. Gilaadeu e hulo gee naa i de au ma de oha dagu hagatoo donu hagaheloongoi gu hai madali gilaadeu.

1 Thessalonians 4:14

Gai go hiidinga gidaadeu e hagadonusia bolo Iesu ne magau, gai gu mouli age ange, aagai gidaadeu e hagadonusia hogi bolo de Maadua e gaamai donu hogi madali Iesu gilaadeu ne maakau laa i ono lodo.

1 Corinthians 15:51

Tilo, au e tala adu dahi mee e dee iloo laa: E dee odi naa donu gidaadeu alodahi i de maakau, aagai gidaadeu alodahi e odi naa donu i de sui —

Isaiah 11:10

De laangi laa gai de uli o Jesse e duu age naa e hai ai de hagailonga ange gi denga huaadangada; gai denga huaahenua e hagabuni mai naa gi kilaa, gai dono mommee hagammabu e hai naa ga mahamaha.

Isaiah 9:7

Gai dono nohoanga hodooligi ma de nnoho paba e hagadagadaga, e deai naa donu se odi. Gai ia e dagi naa i de nohoanga o David, ma dono nohoanga hodooligi, gai ia e hai naa gi duu gi makaga ma tee ngalungalue i de hagamodu e soe ma de heohi, mai i de masavaa laa ga hano ai. Go de lodo mmahi o Tagi o denga hagabuulinga hebagi e hagassula ina de mee nei.

1 Kings 1:21

Gai noo e deai, gai de masavaa naa huu o dogu dangada aamua go de hodooligi e magau ai bei ono dubuna, gai gimaau ma dagu dama daane go Solomon e hagabinga naa bolo ni dangada e oohaa de hainga.”

Daniel 12:2

Gai dangada soa gu maakau laa ma gu danu i lo te gelegele e mouli age naa; hanu e kave naa de mouli e dee ngado mai, aagai hanu e hagadookaa ma de hagangadi mee ga hano ai.

Psalm 89:29

Gai au e hai naa dono aamuli gi hodooligi ga hano ai, gai dono nohoanga hodooligi e duudagi naa donu huu i taulooloa de dagodo de langi i lunga.

Genesis 15:4

Gai gu humai de muna a Tagi Maolunga gi de ia, ga hai ange, “E dee go taane nei e gaavee doo boolonga, gai go dau dama donu e hagadili e bolo ai au mee.”

Matthew 1:1

De beebaa e sisi ai ingoo o dubuna madagidagi o Iesu Klisdo, de hagadiilinga o David, de mogobuna o Abraham:

Luke 1:32

Ia e sula naa ga maolunga, gai e hagabinga naa go Tama Daane a de Ia Maolunga Mmao laa. Gai Tagi Maolunga de Maadua e gaavange naa gi de ia de nohoanga hodooligi o dono dubuna go David,

Luke 24:27

Gai Iesu ga daamada de hagadonu ange gi gilaau mee alodahi gu tala ai ono dagodo, mai i Moses ma denga pelaabisi alodahi i lo te Beebaa Dabu alodahi.

1 Kings 1:48

Gai de hodooligi ne hai ange hogi, ‘Duuhia Tagi Maolunga, de Maadua o Israel, i dana hai gi gidee e au de noho o dahi agu dama i honga dogu nohoanga hodooligi anailaa nei.’ ”

1 Kings 2:4

gai Tagi Maolunga gi hagasula ina dana hagatoo donu mai gi de au, ‘Noo oo hagadiilinga e dagitilo delaadeu hai e mouli ai, ma de seesee i de muna abodonu i olaadeu lodo alodahi, ma olaadeu hagasaalunga alodahi i mada luoogu mada, gai e deai naa donu se masavaa e deai se dangada mai i doo hagadiilinga e hodooligi i honga Israel.’

1 Kings 5:5

Gai au gu hagatau e hagaduu age dahi hale e hagadubu ai de ingoo o Tagi Maolunga, dogu Maadua, bei dagodo muna a Tagi Maolunga ange gi dogu damana go David, ‘Go dau dama daane e suuia laa goe e hodooligi ai i doo nohoanga hodooligi, e hagaduulia de hale e hagadubu ai dogu ingoo.’

1 Kings 8:15

Gai ia ga hai ange: “Duuhia Tagi Maolunga, de Maadua o Israel, go de ia ne hagassula ina mee alodahi aana gu hagatoo donu ange gi dogu damana go David, ma de hagadaba,

1 Kings 8:19

Aagai e dee go koe e hagaduulia de hale laa, gai go dau dama daane e hagaduulia de hale e hagadubu ai dogu ingoo.’

1 Kings 9:5

gai au e hai doo nohoanga hodooligi gi dagodo i Israel ga hano ai, bei dagu hai gu hagatoo donu ange ai gi doo damana go David, ga hai ange, ‘E deai naa donu se masavaa e deai ai se dangada mai i doo hagadiilinga e hodooligi i Israel.’

2 Kings 8:19

Gai Tagi Maolunga tee lodo e oha Judah i hiidinga o David dono dangada hai hegau, go hiidinga ia gu hagatoo donu bolo ia e hai naa gi dee lilo dono nohoanga hodooligi ga hano ai.

2 Chronicles 1:9

Tagi Maolunga de Maadua, hagamakaga ina dau hagatoo donu ange gi dogu damana go David, go hiidinga koe gu hai au gi hodooligi i honga dahi huaadangada soa, bei de lagolago o denga gelegele.

2 Chronicles 13:5

Goodou tigi iloo laa bolo Tagi Maolunga, de Maadua o Israel, gu gaavange de nohoanga hodooligi o Israel gi David ma dono hagadiilinga ga hano ai, i de hagatoo donu hagaheloongoi ne hai laa i soolo?

2 Chronicles 21:7

Gai Tagi Maolunga tee lodo e hai gi lilo de aamuli o David, i hiidinga o de hagatoo donu hagaheloongoi aana ne hai ange gi David. Ia gu hagatoo donu ange gi David bolo ia e hai naa gi dee lilo dono nohoanga hodooligi ga hano ai.

2 Chronicles 23:3

Gai dangada alodahi ga hai dahi hagatoo donu hagaheloongoi madali de hodooligi i de hale o de Maadua. Gai Jehoiada ga hai ange gi gilaadeu, “Tilo, deenei tama daane a de hodooligi e hai gi hodooligi, bei de hai a Tagi Maolunga gu hagatoo donu ai laa i dagodo o de aamuli o David.

2 Samuel 22:51

Ia ne hai gi kii de hodooligi aana gu hili, ia e abodonu ange gi taane aana gu hagadabu i de lolo, ange gi David ma dono aamuli ga hano ai.”

1 Kings 2:10

Dua mee nei gai David ne magau bei ono dubuna, ga danu i de aduhale o David.

2 Chronicles 6:9

Aagai e dee go koe e hagaduulia de hale laa, gai go dau dama daane e hagaduulia de hale e hagadubu ai dogu ingoo.’

2 Chronicles 6:15

koe ne daohi dau hagatoo donu ange gi doo dangada hai hegau go David, dogu damana. Koe ne basa i doo ngudu, gai doo lima sauaa gu hagassula au muna anailaa nei.

Jeremiah 33:17

Gai e hagadaba Tagi Maolunga: David e duudagi naa donu huu de dahi ono mogobuna e hodooligi i de nohoanga hodooligi i de henua o Israel,