2 Samuel 6:3 - De Beebaa Dabu

³ Gai gilaadeu ga hagauda ange de ngavesi a de Maadua gi honga dahi hada hoou, ga kave gee ai i de hale o Abinadab, e duu laa i honga dahi duuduu. Gai go Uzzah ma Ahio, luu dama daane a Abinadab, e daangia de hada hoou,

2 Samuel 6:3 Referans Kwoze

1 Samuel 6:7

Gai goodou ga hagadabena dahi hada hoou ma e lua kaau haahine e hanu alaau dama, tigi nnoa ange de laagau hagahai hegau gi gilaau. Gai goodou ga noonooa ange luu kaau laa gi de hada laa, gai gaavee alaau dama haoa gi lodo olaadeu buibui.

1 Samuel 7:1

Gai denga daane o Kiriath Jearim ne loomai ga kave de ngavesi a Tagi Maolunga gi de hale o Abinadab i honga tuuduu, ga hagadabu dana dama daane go Eleazar, gi dagidiiloo de ngavesi a Tagi Maolunga.

1 Chronicles 15:13

Go hiidinga goodou tee hagauda de ngavesi laa i de hanonga i taamada, deelaa ai, Tagi Maolunga taadeu Maadua ne bole ga hai baasi mai gi gidaadeu. Gidaadeu tee ssili hogi i ono daha dono hai e hai ai.”

Psalm 132:6

Tilo, gimaadeu ne langona i Ephrathah; gai gimaadeu ne gidee i lo te duu malaelae o Jaar: