2 Samuel 6:17 - De Beebaa Dabu

¹⁷ Gai gilaadeu ne gaamai de ngavesi a Tagi Maolunga ga dugu i honga de mommee gu hagadabena laa, i lo te hale malo a David gu hagaduu laa. Gai David ga hai denga sigidaumaha dudu ma sigidaumaha hagadanuaa magavaa i mada luu mada o Tagi Maolunga.

2 Samuel 6:17 Referans Kwoze

2 Chronicles 1:4

(Gai David gu lava i de gaamai de ngavesi a de Maadua i Kiriath Jearim, gi de mommee aana gu hagadabena laa, go hiidinga ia gu hagaduu dahi hale malo, e dugu ai de ngavesi laa i Jerusalem.)

1 Chronicles 15:1

Dua de hagatuu a David ono hale i de aduhale o David, gai ia ne hagadabena dahi mommee e dugu ai de ngavesi a de Maadua, ma de hagaduu dahi hale malo e dugu ai.

Psalm 132:8

Tagi Maolunga, hidi age humai gi doo mommee e hagamabu ai; go koe ma de ngavesi iai doo sauaa.

1 Kings 8:5

Gai de hodooligi go Solomon, ma de hagabuulingaa dangada o Israel gu hagabuni mai laa gi ono daha ga tuu i mada i mua o de ngavesi laa, ma de hai ssigidaumaha i denga ssiibi ma kaau lagolago mmao, gilaadeu tee maua i de daohi aabe go de dau taelodo.

2 Chronicles 5:6

Gai de hodooligi go Solomon ma de hagabuulingaa dangada o Israel ne hagabuni mai gi ono daha i mada i mua o de ngavesi laa, ga hai ssigidaumaha i denga ssiibi ma kaau lagolago mmao, gai gilaadeu tee maua i de daohi aabe go de dau taelodo.

1 Chronicles 16:1

Gai gilaadeu ne gaamai de ngavesi a de Maadua ga dugu i lo te hale malo a David gu hagaduu laa; gai gilaadeu ga hai denga sigidaumaha dudu ma sigidaumaha hagadanuaa magavaa i mada luu mada o de Maadua.

Leviticus 3:9

Gai ia gi vaaea mai i ssigidaumaha hagadanuaa magavaa e hai ai sigidaumaha dudu ange gi Tagi Maolunga: denga mee moomuna, ma de muli iai laa mee moomuna, gai duudia gi baa i de ivi laanui, ma denga mee moomuna e pigi ange laa gi denga dae ma magavaa denga dae,

1 Chronicles 6:31

Aanei denga daane a David ne hili gi dagina denga daahili i de hale o Tagi Maolunga, i dua de dae mai o de ngavesi o de hagatoo donu hagaheloongoi gi kilaa.

1 Chronicles 15:3

Gai David ga hagabuni mai de gau Israel alodahi gi Jerusalem, gai gilaadeu ga hulo ai e gaamai de ngavesi a Tagi Maolunga gi de mommee aana gu hagadabena laa.