2 Samuel 6:16 - De Beebaa Dabu

¹⁶ De masavaa o de ngavesi a Tagi Maolunga ne dae mai ai gi de aduhale o David, gai Michal, tamaa hine a Saul, e haina mai mee e hai i dahi abaaba damaa mee. Gai ia gu gidee de hodooligi go David e anu, ma de malangilangi i mada luu mada o Tagi Maolunga, gai ia gu kino i de ia.

2 Samuel 6:16 Referans Kwoze

1 Corinthians 2:14

Tangada e dee noho de Hagasaalunga i ono daha e dee maua i de kave mee e loomai i daho de Hagasaalunga o de Maadua, aagai e maanadu bolo mee nei ni ngadi muna, ia e dee donu ange aagena, go hiidinga go gilaadeu donu huu e noho de Hagasaalunga i olaadeu daha e tonu ange aagena.

1 Chronicles 15:29

De masavaa o de ngavesi o de hagatoo donu hagaheloongoi a Tagi Maolunga ne dae mai ai gi de aduhale o David, gai Michal, tamaa hine a Saul, e haina mai mee e hai i dahi abaaba damaa mee. Gai ia gu gidee de hodooligi go David e anu ma de malangilangi, gai ia gu kino i de ia.

Psalm 69:7

I hiidinga au gu hagadogaa ina i oo hiidinga, gai au gu haoli luoogu mada i hiidinga de kona dogu dogaa.

Acts 2:13

Gai hanu gilaadeu ne doo mee, ga hagataba, “Gilaadeu gu ssenga i de unu uvaini!”

2 Samuel 3:14

Gai David ne hai hanu daane gi hulo gi daho Ish-Bosheth, tama daane a Saul, gi hai ange, “Hagaahea mai dogu bodu go Michal, au gu lava i de hagao ia i e lau gili ne tuu i denga daane Philistia.”

Isaiah 53:3

Ia ne hagangadi mee ina ma de kino ai o dangada, se dangada e lagolago ono hagammae, ma de donu ange gi dagodo o de hagaduasala. Dangada e kino i de kalo ange e tilo ia; ia ne hagangadi mee ina, gai gidaadeu tee hagadubu ia.

2 Samuel 5:7

Gai David ne hagadee kii de mommee buibui makaga go Zion, go de aduhale o David.

2 Samuel 6:15

Gai David ma de gau Israel alodahi ne gaamai de ngavesi a Tagi Maolunga ga loomai ai, i de hevaalogi ma de ili denga hanga manu.

2 Samuel 6:20

Gai David ne ahe mai ga hagamanuuia dangada i dono hale. Aagai Michal, tamaa hine a Saul, ne humai ga hedae ange gi de ia, ga hai ange, “Kona loo de mahamaha hegau a de hodooligi ne hai anailaa nei! Ia ne hagaui ono malo i madamada o denga haahine hai hegau o ono dangada hai hegau, bei dagodo o dahi vaivai daane!”

1 Samuel 18:17

Gai a Saul ne hai ange gi David, “Deenei dagu damaa hine madua go Merab; au e gaavadu ia e hai ai doo bodu. Gai koe haia gi se daane dau goe i de hebagi ma de hai hebagi a Tagi Maolunga.” Gai a Saul ne maanadu i ono lodo, “Au e dee daa ia gi magau, aagai dugua ange denga daane hebagi o Philistia gi daia gi magau!”

1 Samuel 18:20

Gai Michal, tamaa hine a Saul, gu aloha i David. Gai ga iloo huu e Saul mee nei, gai ia gu malangilangi.

Psalm 123:3

Tagi Maolunga, degi mai gi gimaadeu, degi mai gi gimaadeu; go hiidinga gu kona mmao demaadeu hagangadi mee ina.