2 Samuel 6:14 - De Beebaa Dabu

¹⁴ Gai David ga hagaodi ange ono mahi i de anu i mada luu mada o Tagi Maolunga; gai ia ne gahu i dahi ephod e hai i linen.

2 Samuel 6:14 Referans Kwoze

1 Samuel 2:18

Gai Samuel e hai hegau i mada luu mada o Tagi Maolunga, gai e gahu i de ephod linen mai i dono gauligi.

Exodus 15:20

Gai de pelaabisi go Miriam, taina hahine o Aaron, ne dagidagi dana tambourine i lo tono lima; gai denga haahine alodahi ga daudali ange i de ia ma alaadeu tambourine, gai gilaadeu ga hagadangidangi ma de aanu.

Psalm 150:4

Duuhia ia i de tambourine ma de aanu; duuhia ia i denga mee hagadangidangi iai daula ma de flute,

Psalm 149:3

Gilaadeu gi duuhia dono ingoo i de aanu, ma de hagadangidangi i de tambourine ma de lyre.

Judges 11:34

Dua mee nei gai Jephthah ne ahe mai gi dono hale i Mizpah; gai tilo, dana damaa hine gu humai e hedae ange gi de ia, gai ia e hagadangidangi i denga tambourine ma de anu. Gai ia go tama dagidahi a Jephthah.

Colossians 3:23

Gai be ni aha naa huu oodou e hai, gai goodou haia i de lodo se mee abodonu ange gi Tagi Maolunga e dee ange gi dangada.

Psalm 30:11

Koe gu hai au gi dee dangi gai gi anu; koe ne aau dogu malo daladala, gai ga hakahu mai au i de malangilangi,

1 Samuel 2:28

Au ne hili ia mai i denga aamuli alodahi o Israel e hai ai dogu dangada haimeedabu, gai ia ga hai ai hegau i gaogao de mommee o ssigidaumaha, ma de dudu mee maanongi, ma de gahu i de ephod i mada luoogu mada. Gai au ne gaavange gi de aamuli o doo damana dahi duuhanga mai i denga sigidaumaha alodahi a de gau Israel.

Luke 15:25

De masavaa laa gai tama madua gu hano gi de mommee iai denga veelenga; gai ga ahe mai huu ia ga baa mai gi de hale, gai ia gu langona dangada e hagadangidangi i madila ma de aanu.

Ecclesiastes 9:10

Be ni aha naa huu aau e gidee e hai, gai koe hagaduu ngae haia, go hiidinga de mommee o de gau maakau, go de mommee oou gu dai hano naa aagena, e deai donu hegau e hai ai, e deai hogi hagatau, be se iloo mee aabe se heiangi.

1 Chronicles 15:27

Gai David ne gahu i ono malo linen danuaa, madali denga daane alodahi de aamuli o Levi ne sabaia de ngavesi laa, ma de gau daahili, ma Kenaniah, tagi o de gau daahili. David ne gahu hogi i dahi ephod e hai i linen.

1 Samuel 22:18

Gai de hodooligi ga hai ange gi Doeg, “Hannoo daia gi maakau de gau haimeedabu naa.” Gai taane Edom go Doeg ne hano ga daa gu maakau de gau haimeedabu laa. Ia ne daa ga maakau e dinovalu ma dogolima daane e kahu i de ephod linen i de laangi laa.

Judges 21:21

dagidiiloo ai. Gai de masavaa naa huu o denga damaa hine o Shiloh e ssao mai ai e aanu, gai dahi ma dahi gi sao mai i lodo veelengaa grape, gi boogia dahi damaa hine o Shiloh e hai ai dono bodu. Gai goodou ga kave gilaadeu gi de henua o Benjamin.

Deuteronomy 6:5

Koe gi aloha i Tagi Maolunga doo Maadua i oo lodo alodahi, ma doo hagasaalunga alodahi, aama oo mahi alodahi.

Exodus 19:6

gai goodou e hai naa gi se nohoanga hodooligi o de gau haimeedabu niiogu gai se huaahenua dabu.’ Aanei au muna e tala ange gi de gau Israel.”

Exodus 15:21

Gai Miriam ne daahili ga hagadaba: “Daahili ange gi Tagi Maolunga, go hiidinga ia gu kii i de hebagi. Ia gu maga ange denga hoosa ma dangada e savini ai gi lo te vai.”

2 Samuel 6:15

Gai David ma de gau Israel alodahi ne gaamai de ngavesi a Tagi Maolunga ga loomai ai, i de hevaalogi ma de ili denga hanga manu.

2 Samuel 6:20

Gai David ne ahe mai ga hagamanuuia dangada i dono hale. Aagai Michal, tamaa hine a Saul, ne humai ga hedae ange gi de ia, ga hai ange, “Kona loo de mahamaha hegau a de hodooligi ne hai anailaa nei! Ia ne hagaui ono malo i madamada o denga haahine hai hegau o ono dangada hai hegau, bei dagodo o dahi vaivai daane!”

Psalm 87:7

De gau daahili ma gilaadeu e aanu e hagataba, “Ogu saalingaa vai alodahi i oo daha.”

Ezekiel 46:10

Gai tagi o de henua aama dangada gi ulu i de masavaa daudahi ma de ssao ga hulo i de masavaa daudahi.