2 Samuel 5:7 - De Beebaa Dabu

⁷ Gai David ne hagadee kii de mommee buibui makaga go Zion, go de aduhale o David.

2 Samuel 5:7 Referans Kwoze

1 Kings 2:10

Dua mee nei gai David ne magau bei ono dubuna, ga danu i de aduhale o David.

2 Samuel 6:16

De masavaa o de ngavesi a Tagi Maolunga ne dae mai ai gi de aduhale o David, gai Michal, tamaa hine a Saul, e haina mai mee e hai i dahi abaaba damaa mee. Gai ia gu gidee de hodooligi go David e anu, ma de malangilangi i mada luu mada o Tagi Maolunga, gai ia gu kino i de ia.

2 Samuel 6:12

Gai de hodooligi go David gu langona bolo Tagi Maolunga gu hagamanuuia huaabodu o Obed-Edom aama ana mee alodahi, i hiidinga o de ngavesi a de Maadua. Gai ia ga hano ga hagangalue mai de ngavesi a de Maadua mai i de hale o Obed-Edom ga gaamai gi de aduhale o David i de malangilangi.

Revelation 14:1

Gai au ne galo adu ange gu gidee Ssiibi Gauligi e duu i honga de mounga go Zion, gai e tuu madali ia e 144,000 dangada gu sisi ange gi honga olaadeu lae dono ingoo ma de ingoo o dono Damana.

Hebrews 12:22

Aagai goodou gu loomai gi de mounga go Zion ma de aduhale o de Maadua e mouli laa, go Jerusalem i de langi, ma de hagabuulinga soa o de gau de langi e hagabuni laa ma de malangilangi,

Romans 9:33

bei de hai gu sisi ai laa, “Tilo, au e hagaduu dahi hadu i Zion e hagalaavea vae o dangada, se hadu e haia ga baakuu gilaadeu; gai be goai e hagadonusia e dee hagadogaa ina donu.”

Micah 4:2

denga huaahenua soa e loomai naa ga hagataba, “Loomai, gidaadeu ga loage gi de mounga o Tagi Maolunga ma de hale o de Maadua o Jacob; gai ia ga agoago mai ai gidaadeu i ono haiava, gai gidaadeu ga seesee ai i ono haiava.” Gai de hainga e gaamai naa i Zion, gai muna a Tagi Maolunga e loomai naa i Jerusalem.

Isaiah 59:20

“De Ia Hagaola e humai naa gi Zion, gi daho dangada o Jacob gu daahuli gee laa i olaadeu haisala,” go Tagi Maolunga e hagadaba.

Isaiah 12:6

Dangada o Zion, goodou hevaalogi daahili i de malangilangi, i hiidinga de Ia Dabu o Israel i oodou magavaa e maolunga.”

Psalm 132:13

Go hiidinga Tagi Maolunga gu hili Zion; ia ne lodo danuaa i de hai ai dono mommee e noho ai:

Psalm 87:2

Tagi Maolunga e malangilangi ange i de aduhale go Zion i denga mommee alodahi e nnoho ai dangada o Jacob.

Psalm 51:18

Koe gi malangilangi i de hai ange tanuaa gi Zion; hagaduulia age de buibui o Jerusalem;

Psalm 48:12

Hannoo seesee saele i Zion, gai holiagina luu baasi, ga dau taelodo o ono hale dagitilo maolunga;

Psalm 9:11

Daahili duuhia Tagi Maolunga, e noho laa i dono nohoanga i Zion! Daalaa ange gi denga huaadangada dagodo o ana hegau!

Psalm 2:6

“Au gu hagasula de Hodooligi aagu gu hili i dogu mounga dabu go Zion.”

2 Chronicles 24:16

Gai gilaadeu ga danu ia madali denga hodooligi i de aduhale o David, i hiidinga hegau danuaa aana ne hai ange gi de Maadua ma dono temple i Israel.

2 Chronicles 5:2

Gai Solomon ga hagabuni mai denga daane maatua o Israel ma dagi alodahi o denga aamuli, ma dagi o denga huaabodu o de gau Israel gi Jerusalem, gai gilaadeu ga hulo e gaamai de ngavesi o de hagatoo donu hagaheloongoi a Tagi Maolunga i de aduhale o David, go Zion.

1 Chronicles 11:7

Gai David ne hano ga noho i de mommee buibui makaga; gai de mommee laa gu hagaingoo ange go de aduhale o David.

1 Kings 8:1

Gai Solomon ga hagabuni mai gi ono daha i Jerusalem denga daane maatua o Israel, ma dagi alodahi o denga aamuli, ma dagi o denga huaabodu o de gau Israel, gai gilaadeu ga hulo e gaamai de ngavesi o de hagatoo donu hagaheloongoi a Tagi Maolunga i de aduhale o David, go Zion.

1 Kings 3:1

Gai Solomon ne hagaheloongoi ma Pharaoh de hodooligi o Egypt, ga hai bodu ange gi tamaa hine a Pharaoh. Gai ia ne gaamai tamaa hine laa gi de aduhale o David, ga dae ai gi de lava dono hale donu ma de hale o Tagi Maolunga, aama de buibui i luu baasi o Jerusalem.

2 Samuel 6:10

Gai David tee lodo e kave de ngavesi a Tagi Maolunga gi ono daha i de aduhale o David, aagai ia ne dugu i de hale o Obed-Edom, taane Gath.

2 Samuel 5:9

Gai David ne hano ga noho i de mommee buibui makaga, ga hagaingoo ange de mommee laa go de aduhale o David. Gai ia ne hagaduu age luu baasi de aduhale laa, mai i de bae e daohia age ga hanage ai.

2 Samuel 5:8

De laangi laa gai David ne hagadaba, “Goai naa huu e lodo e hano e hebagi ange gi de gau Jebus, gai ia gi hano laa lo te mommee e ssali mai ai denga vai ga hebagi ange gi de gau dee kide aama de gau balagelage laa, go dangada o David e kino ai laa.” Deelaa ai, gu tala e hai ange, “De gau dee kide aama de gau balagelage e dee ulu mai donu gi lo te hale.”

1 Kings 9:24

Tamaa hine a Pharaoh ne ngalue gee hogi mai i de aduhale o David, ga hano gi dono hale a Solomon ne hagaduu laa. Ia ne hagatuu hogi hanu bae e daohi mai ai luu baasi.

Jeremiah 21:13

Tilo, au e hai baasi adu gi de goe, Jerusalem, go de aduhale e duu laa i honga de geelonga nei, ma honga de mommee haduhadua i de mommee soe, go Tagi Maolunga e hagadaba; ma goodou e hagataba laa, ‘Goai e maua i de hai baasi mai gi gimaadeu, gai goai e maua i de ulu mai gi lo te maadeu mommee nnoho?’

Nehemiah 3:15

Gai Shallum tama daane a Col-Hozeh, tagi o Mizpah ne hagaahe age de Haitoga o de Vai; ia ne hagaduu age de haitoga laa ga haoli ono elunga, ma de gaavange ono abaaba, ma ono baalanga hagamakaga, aama ono mee e hagamakaga ai. Ia ne hagaahe age hogi de buibui i luu baasi de Vai o Shelah i gaogao de veelenga a de hodooligi, ga dae gi de gaagenga e hano iho laa i de Aduhale o David.

Psalm 48:3

De Maadua gu noho i ono hale buibui makaga, ia gu hagaago mai bolo go ia de mommee buibui makaga.