2 Samuel 5:6 - De Beebaa Dabu

⁶ Gai de hodooligi ma ono daane ne hulo gi Jerusalem ga hebagi ange gi de gau Jebus, go dangada e nnoho i kilaa. Gai de gau Jebus ne hai ange gi David, “Koe e dee maua donu i de ulu mai gi kinei, gai go de gau dee kide ma de gau balagelage donu huu e buibuia goe gi dee ulu mai.” Gilaadeu ne maanadu, “David e dee maua donu i de ulu mai gi kinei.”

2 Samuel 5:6 Referans Kwoze

Judges 1:8

Gai denga daane o Judah ne hebagi ange gi Jerusalem, ga kave de aduhale laa, gai gilaadeu ne daa ga maakau dangada i de gadilaasa, gai gilaadeu ga dudu de aduhale laa i de ahi.

Jeremiah 37:10

Gai e dee galemu naa donu noo goodou gu maua i de hagadee kii de hagabuulinga hebagi, o de gau Babylon e hebagi adu naa gi goodou, gai go alaadeu daane lagolagohia donu huu e doe i lodo olaadeu hale malo, gai gilaadeu e loomai naa donu ga dudu de aduhale nei.”

Judges 1:21

Gai de aamuli o Benjamin tee hai gi hulo de gau Jebus e nnoho laa i Jerusalem; deelaa ai, de gau Jebus gu nnoho madali dangada de aamuli o Benjamin i Jerusalem, ga dae mai ai gi anailaa nei.

Joshua 18:28

ma Zelah, ma Haeleph, ma Jebus (e bei go Jerusalem), ma Gibeah, aama Kiriath Jearim — e madaangahulu ma haa aduhale nnui nei madali olaadeu aduhale vaaligiligi. Deenei de vaaenga ne bolo ange gi denga hagadiilinga i de aamuli o Benjamin.

Joshua 15:63

Aagai Judah tee maua e ia i de hai gi hulo de gau Jebus e nnoho laa i Jerusalem. Deelaa ai, de gau Jebus ne nnoho donu huu madali dangada o Judah i kilaa ga dae mai ai gi anailaa nei.

Hebrews 7:1

Gai taane nei go Melkizedek, go de hodooligi o Salem, ma tangada haimeedabu o de Maadua Maolunga Mmao, ne humai ga hedae ange gi Abraham i dua dana hagadee kii denga hodooligi dogohaa laa, gai ia ne hagamanuuia Abraham,

Genesis 14:18

Gai Melkizedek, de hodooligi o Salem ne humai hogi ga gaamai hanu pelaoaa ma hanu uvaini. Taane nei go tangada haimeedabu o de Maadua Maolunga Mmao laa.

Joshua 10:3

Gai Adoni-Zedek, de hodooligi o Jerusalem, ga aalu gi Hoham de hodooligi o Hebron, ma Piram de hodooligi o Jarmuth, ma Japhia de hodooligi o Lachish, aama Debir de hodooligi o Eglon, ga hai ange,

2 Samuel 22:30

Go koe e haia gi kii au i dahi hagabuulinga hebagi, gai dogu Maadua e hai gi maua e au i de gage laa honga de buibui.

Proverbs 21:22

Tangada heiangi e hebagi ange naa gi dahi aduhale o denga daane mmahi, gai ia e oha naa de mommee buibui makaga alaadeu e tali ange laa aagena.

Jeremiah 21:13

Tilo, au e hai baasi adu gi de goe, Jerusalem, go de aduhale e duu laa i honga de geelonga nei, ma honga de mommee haduhadua i de mommee soe, go Tagi Maolunga e hagadaba; ma goodou e hagataba laa, ‘Goai e maua i de hai baasi mai gi gimaadeu, gai goai e maua i de ulu mai gi lo te maadeu mommee nnoho?’