2 Samuel 24:21 - De Beebaa Dabu

²¹ Araunah ne ssili ange, “Gu aha gu humai ai naa goe, dogu dangada aamua go de hodooligi, gi daho doo dangada hai hegau?” David ne hai ange, “Au se humai e hagao doo mommee hili huamanu, e hagaduu ai dahi mommee o ssigidaumaha ange gi Tagi Maolunga, gi tuu ai de mee hagamaakau i daho dangada.”

2 Samuel 24:21 Referans Kwoze

Psalm 106:30

Aagai Phinehas ne hidi age ga daa gu maakau dangada gu haisala laa, gai de mee hagamaakau laa gu tuu.

1 Chronicles 21:22

Gai David ga hai ange gi de ia, “Gaamai gi de au doo mommee hili huamanu, gai au ga hagaduu ai dahi mommee o ssigidaumaha ange gi Tagi Maolunga, e hai ai gi tuu de mee hagamaakau i daho dangada. Hagao ina mai doo mommee hili huamanu i dono hagaoanga donu.”

2 Samuel 24:18

Gai a Gad ne humai gi daho David i de laangi laa, ga hai ange gi de ia, “Hannoo hagaduulia dahi mommee o ssigidaumaha ange gi Tagi Maolunga i de mommee hili huamanu o Araunah, taane Jebus.”

2 Samuel 24:3

Aagai Joab ne hai ange gi de hodooligi, “Dogu dangada aamua go de hodooligi, Tagi Maolunga gi haia gi lau hanonga e kii ange ai de soa dangada, i de masavaa oou e mouli ai. Aagai gu aha goe, dogu dangada aamua go de hodooligi, gu lodo ai naa e hai de hegau nei?”

Numbers 25:8

ga daudali ange i taane Israel laa ga hano ai gi de aabi i lodo, ga hai dono dao ga velo ai taane Israel laa ma de hine laa ngaadahi, gai tao laa gu sula gi tua o de hine laa. Gai de mee hagamaakau laa gu tuu i daho de gau Israel.

Genesis 50:10

Gai gilaadeu ga hulo gu tae gi de mommee hili huamanu o Atad, se mommee i de baasi gee o Jordan, gai gilaadeu ga tangi ma de hinangalosaa i kilaa. Gai ne hidu laangi a Joseph ne hinangalosaa ai i dono damana.

2 Samuel 24:20

Gai de masavaa huu a Araunah ne gidee ai bolo de hodooligi ma ono dangada hai hegau gu loomai gi ono daha, gai ia ga humai ga ino luoono mada gi honga de gelegele i mada i mua o de hodooligi.