2 Samuel 23:4 - De Beebaa Dabu

⁴ ia e bei de maalama o de laa i taiao, ma de laa e dii laa i de laangi e deai hagausinga iai, ma de maalama i dua de pala de langi e hagassomo ina laa helii i honga de gelegele.’

2 Samuel 23:4 Referans Kwoze

Judges 5:31

Tagi Maolunga, oo hagadaumee alodahi gu odi i de maakau! Aagai oo soa alodahi gi bei dagodo de mmahi o de laa i dono masavaa e sobo age ai.” Gai de henua ne nnoho paba i e madahaa ngadau.

Psalm 72:6

Ia gi bei dagodo o de langi e hagamaluulu ina laa denga helii, ma vai e hagamaluulu ina laa henua i lalo.

Hosea 6:5

Deenei ai, au e hai naa denga pelaabisi gi duuduudia gilaadeu, au gu daa gilaadeu gi maakau i agu muna, gai dagu hagamodu e moolau naa donu bei de gemo o de maalama.

Psalm 89:36

bolo ono hagadiilinga e hodooligi naa donu ga hano ai, gai dono nohoanga hodooligi e dee lilo naa donu i taulooloa de sobo age o de laa.

John 1:7

Ia ne humai e hai ai tangada tala hagadonu, gai ia ga tala hagadonu ai dagodo o de maalama laa, gi hagadonusia ai e dangada alodahi i hiidinga o ana muna.

Malachi 4:2

Aagai dagodo o oodou dangada e hagadubu ina laa dogu ingoo: de laa o de heohi e sobo age naa ma ono gavegave e hagaieiangi ina laa dangada. Gai goodou e ssao naa ga hulo i de malangilangi, bei denga kaau gauligi gu hagassao mai laa i lo te buibui.

Micah 5:7

Gai dangada o Jacob e doe i daho denga huaadangada soa e bei naa de mee maluulu mai i daho Tagi Maolunga, ma de langi pala i honga helii, e dee tali ange donu dahi dangada aabe e dahi alaadeu tali ange gi tangada.

Hosea 6:3

Gidaadeu gi iloo Tagi Maolunga, gai gi hagaduu ngae gi iloo e gidaadeu Tagi Maolunga. Gai ia e hanage naa donu bei de sula age o de laa i taiao; ia e humai naa gi odaadeu daha bei de langi i de masavaa hagamagalili, ma de langi i taamada o de ngadau e hagamaluulu ina honga de henua.”

Isaiah 60:3

Denga huaahenua e loomai naa gi doo maalama, denga hodooligi e loomai naa gi de sula age o doo maalama.

Isaiah 60:1

⌊Jerusalem,⌋ hidi age, haia gi maalama goe, gu dae mai doo maalama, gai de mahamaha o Tagi Maolunga ga hagamaalama goe.

Isaiah 4:2

De laangi laa gai de uli a Tagi Maolunga e somo danuaa naa ma de mahamaha, gai hua o de henua e hai naa ga malangilangi ai ma de hagamahamaha ai dangada o Israel e doe.

Proverbs 4:18

Aagai de haiava o tangada heohi e bei de maalama o taiao, e hagadagadaga ange laa de maalama ga dae ai gi de duu donu o de laa.

Psalm 110:3

Oo dangada e malangilangi naa i de daudali adu i de masavaa o de hebagi, i honga de mounga dabu. Gai oo daane e loomai naa gi oo daha bei dagodo o de mee suungia i taiao.

Deuteronomy 32:2

Agu agoago e bei dagodo o de langi pala, agu muna e loiho bei de mee suungia o taiao; bei de langi e pala iho laa gi honga helii se goodo matili age, aama de langi e hano iho maalie laa gi honga denga manu ssomo vaaligiligi.

Isaiah 18:4

Tagi Maolunga ne hai mai gi de au, “Au e noho naa ga dee muu ga galo iho ai i dogu mommee noho, bei de vvela o de laa i de masavaa e dii ai, ma de mee maluulu i de masavaa hagihagi e hagavvela laa.”