2 Samuel 23:19 - De Beebaa Dabu

¹⁹ Gai e kii ange de laumalie dono hagadubu i denga daane e dogodolu laa, gai go ia delaadeu dagi, aagai ia tee dau madali denga daane dogodolu ange laa.

2 Samuel 23:19 Referans Kwoze

Matthew 13:23

Gai golee ne too ange laa gi honga de bela danuaa, go tangada e langona e ia muna laa ga donu ange aagena. Deenei tangada e hua lagolago: hanu e dagillau, hanu e dagimadaono, aagai hanu e dagimatolu e kii ange ai i mee ne doo laa.”

Matthew 13:8

Gai hanu ne too ange gi honga de gelegele danuaa, aanei golee ne ssomo ga hhua: hanu e dagillau, hanu e dagimadaono, gai hanu e dagimatolu.

1 Corinthians 15:41

De laa ma dono mahamaha, gai de maasina ma dono mahamaha, gai denga heduu ma olaadeu mahamaha; gai de mahamaha o dahi heduu e dagodo gee hogi ma de mahamaha o denga heduu ange laa.

1 Chronicles 11:25

Ia se daane dau i magavaa o tinodolu laa, aagai ia tee dau madali denga daane dogodolu laa. Gai David ne hai ia go tagi o ono daane hagaloosi.

2 Samuel 23:16

Gai denga daane mmahi dogodolu laa ne ulu laa magavaa o denga daane hebagi o Philistia, ga hulo ga asu mai hanu vai i de vai geli i gaogao de haitoga i Bethlehem, ga gaamai gi David. Aagai David tee unu vai laa; ia ne llingi vai laa e sigidaumaha ange ai gi Tagi Maolunga,

2 Samuel 23:13

De masavaa o de hagihagi, gai e dogodolu daane mai i denga daane dinodolu mmahi laa, ne hulo gi daho David i lo te haonga i gaogao de mounga i Adullam, gai dahi hagabuulinga hebagi o Philistia e nnoho i lo te geelonga go Rephaim.

2 Samuel 23:9

Taane e mua ange gi de ia i denga daane dogodolu laa go Eleazar, tama daane a Dodo, taane Ahoh. Ia ne bale ange David ga daa ai gu maakau denga daane Philistia ne hagabuni laa e hebagi. Denga daane Israel gu saavini ma gu hulo,

2 Samuel 23:18

Gai Abishai, taina daane o Joab, tama daane a Zeruiah, tagi o denga daane e dinodolu laa. Ia ne hai dono dao ga daa ai ga maakau e dolulau daane, deelaa ai, ia gu dau madali denga daane e dinodolu laa.

2 Samuel 23:20

Gai Benaiah, tama daane a Jehoiada, ia se daane aabo i de hebagi mai i Kabzeel, gai ne lagolago hogi ana hegau danuaa ne hai. Ia ne daa ga maakau e dogolua daane mmahi o Moab. Gai ia ne iho hogi gi lo te geelonga ga daa dahi laiono i de masavaa e loiho ai denga snow.