2 Samuel 23:10 - De Beebaa Dabu

¹⁰ aagai ia ne hidi ga daa denga daane Philistia ga dae ai gi de made dono lima, ga pigi ange gi dana gadilaasa, gu dee maua i de aau. Gai Tagi Maolunga ne hai gi kii gilaadeu i de laangi laa. Gai dangada ne aahe mai gi ono daha, ga kave ai goloa o de gau maakau i kilaa.

2 Samuel 23:10 Referans Kwoze

1 Samuel 19:5

Ia ne hagangadi mee dono mouli i de masavaa aana ne hano ai ga daa taane Philistia laa, gai Tagi Maolunga ne hai ga kii Israel alodahi. Gai koe ne malangilangi i de masavaa aau ne gidee ai mee laa. Gai gu aha gu lodo ai naa goe e daa David gi magau, gai tigi ai donu sana baubau ne hai?”

1 Samuel 11:13

Aagai a Saul ga hai ange, “E deai donu se dangada daudahi e daa gi magau ailaa nei, i hiidinga Tagi Maolunga gu hagaola Israel anailaa nei.”

2 Corinthians 4:5

Gai gimaadeu e dee agoago i omaadeu dagodo, aagai go dagodo o Iesu Klisdo Tagi Maolunga, gai gimaadeu go oodou dangada hai hegau i hiidinga o Iesu.

Romans 15:18

Go hiidinga au e dee maua donu i de basa i hanu mee gee ange, go mee donu huu a Klisdo ne hagahai hegau i ogu daha, i agu muna ma agu hegau gi hagallongo ange ai denga Gentile gi de ia,

Isaiah 53:12

Deenei ai, au e vvae ange naa gi de ia dahi duuhanga madali de gau maolunga, gai ia e vaevae naa denga goloa o de hebagi madali denga daane mmahi; go hiidinga ia ne dugu ange dono mouli gi de magau; ia gu dau madali de gau haisala. Ia ne hagauda haisala o dangada soa, aama de dalodalo i hiidinga o de gau haisala.

Psalm 144:10

ange gi de ia e dugua ange gi kii denga hodooligi, ma de hagaola dono dangada hai hegau go David mai i de gadilaasa hagamaakau.

Psalm 108:13

Go de Maadua e hagammahi gimaadeu, gai go ia e hagadee kii ina omaadeu hagadaumee.

Psalm 68:12

“Denga hodooligi ma olaadeu hagabuulinga hebagi gu saavini ma gu hulo gee; denga haahine i mommee nnoho gaainga gu duha goloa ne maua i de hebagi,

2 Kings 5:1

Taane go Naaman, se dagi niio de hagabuulinga hebagi o de hodooligi o Syria, gai se daane dau i daho dono dangada aamua ma de hagadubulia, go hiidinga Tagi Maolunga ne dugu ange ia gi hagadee kii ina denga hagadaumee o Syria. Ia se daane dau i de hebagi, aagai ia e magi lebelaa.

1 Samuel 14:23

De laangi laa gai Tagi Maolunga ne hagaola de gau Israel; gai de hebagi ne hano loo ga ui i Beth Aven.

1 Samuel 14:6

Gai Jonathan ne hai ange gi tama daane e sabaia laa ono goloa hebagi, “Humai, gidaau ga hulo gi de mommee o denga hagabuulinga hebagi o dangada e dee tuu dagaholiage; kana adu Tagi Maolunga e bale mai naa gidaau, go hiidinga e deai donu se mee daudahi e maua i de buibui Tagi Maolunga i de hagaola, e dee hilihili be ni dangada soa aabe ni dangada sogoisi.”

Judges 15:18

Gai Samson gu kona mmao dono hieunu, gai ia ga dalodalo ange gi Tagi Maolunga, ga hai ange, “Koe ne dugu mai gi kii au, doo dangada hai hegau. Gai koe ga dugu ange naa de gau tua de mee nei gi daia ngau gi magau iainei, i hiidinga dogu hieunu?”

Judges 15:14

Gai ga dae huu Samson gi Lehi, gai de gau Philistia ne loomai ga hevaalogi. Gai de Hagasaalunga o Tagi Maolunga ne hano iho gi ono elunga i de mmahi. Gai denga daula e noonooa ai laa luoono lima gu bei denga flax gu vvela laa i de ahi, gai denga mee e noonoa laa gu maatala ga too mai i luoono lima.

Joshua 11:8

Gai Tagi Maolunga ga dugu ange gilaadeu gi de gau Israel gi hagadee kii ina, gai gilaadeu ga daa hanu gu maakau, gai ga doolohi hanu gilaadeu ga dae ai loo gi Sidon Laumalie ma Misrephoth Maim, gai ne hulo hogi ga tae gi baasi dua i de geelonga go Mizpeh, ga daa ai gilaadeu gu maakau; gai gilaadeu tee dugu donu dahi dangada daudahi gi ola.

Joshua 10:42

Joshua ne hagadee kii denga hodooligi laa alodahi, ga kave olaadeu henua i de masavaa laa, i e dahi donu huu hanonga, go hiidinga Tagi Maolunga de Maadua o Israel, ne hebagi i hiidinga o Israel.

Joshua 10:10

Gai Tagi Maolunga ne hai ga ssenga ange denga hagadaumee i hiidinga o Israel, gai de gau Israel ga hagadee kii gilaadeu i Gibeon, ma de doolohi gilaadeu i de haiava o de madadaagodo o Beth Horon, ga daa gilaadeu ga dae ai gi Azekah ma Makkedah.

2 Samuel 23:12

Aagai ia ne duu i de mommee laa ga daa gu maakau de gau Philistia, gai Tagi Maolunga ne hai ga laumalie delaadeu kii i de laangi laa.

1 Chronicles 11:13

Go ia ne noho madali David i Pas Dammin, i de masavaa o de gau Philistia ne loomai ai gi de hebagi i kilaa. De mommee laa se mommee iai denga veelengaa barley, gai denga daane Israel ne saavini ga hulo gee mai i de gau Philistia.

1 Samuel 17:53

Gai de masavaa huu o denga daane Israel ne aahe mai ai, i dua delaadeu doolohi denga daane Philistia, gai gilaadeu ga kave goloa alodahi i de mommee nnoho gaainga o de gau Philistia.