2 Samuel 22:36 - De Beebaa Dabu

³⁶ Koe e buibui au i dau hagaola, gai koe ne ino iho ga hai au gi se dangada maolunga.

2 Samuel 22:36 Referans Kwoze

Ephesians 6:16

gai e dee go mee nei donu huu, gai goodou hagauda ina hogi de mee hungihungi go de gai, gi maua ai e goodou i de diinei denga dao kaa a de ia baubau laa;

Psalm 115:14

Tagi Maolunga gi haia gi hagadagadaga age goodou, go goodou alodahi ma oodou dama.

Psalm 84:11

Go hiidinga Tagi Maolunga de Maadua e bei de laa ma de mee hungihungi; ia e abodonu mai aama de hagadubu au. Ia e dee daohi donu dahi mee danuaa daudahi i gilaadeu e seesee i de heohi.

Psalm 18:35

Koe e buibui au i dau hagaola, doo lima madau e daohi au gi dee baguu, gai koe ne ino iho ga hai au gi se dangada maolunga.

Genesis 22:17

deelaa ai, au e hagamanuuia naa donu goe, ga hai gi soa oo hagadiilinga, bei de lagolago o denga heduu i lo te langi, ma de lagolago o denga gelegele i gaogao tai. Gai oo hagadiilinga e kave naa denga aduhale o olaadeu hagadaumee.

Genesis 15:1

Dua mee nei gai Tagi Maolunga ne hagaago ange ana muna gi Abram i de midi, ga hai ange, “Abram, aude madagu. Go au dau mee hungihungi, gai go doo hagaoanga laumalie.”

Genesis 12:2

Gai au e hai naa goe gi se huaahenua soa mmao, au e hagamanuuia naa goe; au e hai naa doo ingoo gi maolunga, gai koe e hai naa gi se mee e manuuia ai dangada.

Ephesians 6:17

ma de goobai o de hagamouli, ma de gadilaasa a de Hagasaalunga ⌊Dabu⌋, go muna a de Maadua.