2 Samuel 22:3 - De Beebaa Dabu

³ dogu Maadua go dogu baba makaga, go ono daha oogu e mmuni ai, go ia dagu mee hungihungi ma de hanga manu e hagaola ina mai au. Go ia dogu mommee buibui makaga ma dogu mommee mmuni, aama dogu Ia Hagaola, e hagaola ina mai au i de gau alasala.

2 Samuel 22:3 Referans Kwoze

Psalm 9:9

Tagi Maolunga se mommee buibui makaga niiolaadeu e duasala, gai se mommee buibui makaga i de masavaa hai ngadaa.

Isaiah 12:2

Tilo, de Maadua go dogu Ia Hagaola; au e hagadonu ia, deelaa ai, au e dee madagu. De Ia Aamua, Tagi Maolunga, go ogu mahi ma dagu daahili, gai go ia dogu Ia Hagaola.”

Proverbs 18:10

De ingoo o Tagi Maolunga e bei de hale buibui makaga; tangada heohi e savini ga hano aagena gai ia gu ola.

Proverbs 30:5

Muna hugadoo a de Maadua e heohi abodonu; gai ia e bei de mee hungihungi e buibui ai gilaadeu e mmuni i ono daha.

Psalm 46:11

Tagi o denga hagabuulinga hebagi e madali gimaadeu; de Maadua o Jacob go demaadeu mommee buibui makaga. Selah

Psalm 18:2

Tagi Maolunga go dogu baba makaga, ma dogu mommee buibui makaga, ma dogu Ia Hagaola; dogu Maadua go de baba makaga, go ono daha oogu e mmuni ai. Go ia dagu mee hungihungi, ma de hanga manu e hagaola ina mai au, ma dogu mommee buibui makaga.

Deuteronomy 33:29

De gau Israel, goodou gu manuuia! Goai e bei oodou dagodo, dangada a Tagi Maolunga gu hagaola? Ia e bei doodou mee hungihungi ma doodou bale aama doodou gadilaasa e kii ai. Oodou hagadaumee e maatagu naa i goodou, gai goodou e dagadagahi naa olaadeu mommee daumaha.”

Genesis 15:1

Dua mee nei gai Tagi Maolunga ne hagaago ange ana muna gi Abram i de midi, ga hai ange, “Abram, aude madagu. Go au dau mee hungihungi, gai go doo hagaoanga laumalie.”

Hebrews 2:13

Ia e hagadaba hogi, “Au e hagadonusia ia.” Gai e hagadaba ange hogi, “Tilo, deenei au madali dama a de Maadua gu gaamai gi de au.”

Luke 1:69

ia gu gaamai gi gidaadeu dahi Ia Hagaola mmahi, mai i de aamuli o dono dangada hai hegau go David,

Psalm 144:2

Go ia e abodonu mai gi de au ma dogu mommee e mmuni ai, ma dogu mommee buibui makaga aama dogu Ia Hagaola; go ia dagu mee hungihungi ma dogu buibui; go de ia e hagadee kii ina denga huaadangada.

Psalm 59:16

Aagai au e daahili naa e tuhi oo mmahi; au e oo naa i taiao ga daahili i hiidinga doo abodonu. I hiidinga go koe dogu mommee buibui makaga, gai go dogu buibui i de masavaa hai ngadaa.

Psalm 14:6

Goodou e haia de baubau, e hakadanga i hagatau a de gau hagaau aloha, aagai go Tagi Maolunga delaadeu mommee buibui.

Jeremiah 16:19

Tagi Maolunga, go koe ogu mahi ma dogu mommee buibui makaga, gai go dogu mommee mmuni i de masavaa hai ngadaa. Denga huaahenua e loomai naa i luu bido o henua i lalo, ga hagataba: “Omaadeu dubuna ni ngadi diinonga donu huu olaadeu e hanu, gai olaadeu diinonga tee haigamaiana ange donu gi gilaadeu.

Isaiah 32:2

Gai dahi ma dahi e bei naa de mommee e buibui ai dangada i de ssau de madangi, gai e bei denga saalingaa vai i de vao, e bei de malu i lalo dahi hadu laumalie i de henua e deai manu e ssomo ai.

Psalm 140:4

Tagi Maolunga, buibuia loo au mai i ssauaa o de gau baubau; gai hagaola ina au i de gau alasala e haia hagatau e hagabaguu ai au.

Psalm 55:9

Dogu Ia Aamua, haia gi dee heloongoi de gau baubau, go hiidinga au gu gidee de vaivai haia o dangada ma de hebagi i lo te aduhale.

Psalm 46:7

Tagi o denga hagabuulinga hebagi e madali gimaadeu; de Maadua o Jacob go demaadeu mommee buibui makaga. Selah

Luke 1:71

bolo ia e hagaola naa gidaadeu mai i daho odaadeu hagadaumee, aama mai i ssauaa olaadeu alodahi e kino i gidaadeu,

Psalm 140:11

Haia de gau hai samu gi dee noho paba i honga de henua; gai de hai ngadaa gi duu ange gi de gau alasala.

Psalm 140:1

Tagi Maolunga, hagaola ina mai au i de gau baubau; gai buibuia au i de gau alasala,

Psalm 86:14

De Maadua, de gau hagamaolunga gu hebagi mai gi de au; dahi hagabuulinga daa dangada e ssala hogi au e daa gi magau, gilaadeu e dee anga adu donu gi de goe.

Psalm 84:11

Go hiidinga Tagi Maolunga de Maadua e bei de laa ma de mee hungihungi; ia e abodonu mai aama de hagadubu au. Ia e dee daohi donu dahi mee danuaa daudahi i gilaadeu e seesee i de heohi.

Psalm 84:9

De Maadua, galo iho diiloo demaadeu mee hungihungi; gai abodonu ange de ia aau gu hagadabu i de lolo.

Psalm 72:14

Ia e hagaola gilaadeu mai i tuasala aama de baagava; i hiidinga ia e hagamogomogo olaadeu mouli.

Psalm 71:7

Dogu mouli se hagailonga ange gi dangada soa, aagai go koe dogu mommee buibui makaga.

Psalm 61:3

I hiidinga go koe dogu mommee buibui, ma de hale dagitilo maolunga oogu e buibui ai mai i ogu hagadaumee.

Psalm 46:1

Go de Maadua taadeu buibui ma odaadeu mahi, gai se ia e balea mai i de masavaa hai ngadaa.

Psalm 28:7

Go Tagi Maolunga ogu mahi ma dagu mee hungihungi; au e hagadonu ia, gai au gu kave de bale i ono daha. Au gu malangilangi mmao, gai au e hagaahe ange de abodonu gi de ia i taahili.

Psalm 27:5

Gai ia e buibui naa donu au i dono mommee noho i de masavaa hai ngadaa; ia e hagammuni au i lo tono hale malo, ma de dugu age au i honga de baba maolunga.

Psalm 5:12

Tagi Maolunga, koe e hagamanuuia tangada e heohi, ma de buibui ia i doo abodonu bei de mee hungihungi.

Psalm 3:3

Aagai koe, Tagi Maolunga, go de mee hungihungi e duuli ina mai au, koe e hagamahamaha ogu dagodo, ma de hai gi maua e au i de dangage age dogu biho.

2 Samuel 22:51

Ia ne hai gi kii de hodooligi aana gu hili, ia e abodonu ange gi taane aana gu hagadabu i de lolo, ange gi David ma dono aamuli ga hano ai.”

2 Samuel 22:49

go ia e hagaola ina mai au i ogu hagadaumee. Koe gu hagaamua ngau i ogu hagadaumee, koe gu hagaola mai au i de gau daa dangada.

1 Samuel 2:1

Gai Hannah ne dalodalo ga hagadaba, “Ogu lodo e malangilangi mmao i Tagi Maolunga; au e hagaamua Tagi Maolunga i ogu mahi. Au e gadagada i ogu hagadaumee, i hiidinga au gu malangilangi i dau hagaola.

Deuteronomy 32:37

Ia e ssili naa ga hai ange, “I hee iai olaadeu diinonga, ma de baba alaadeu ne tali ange laa aagena,

Titus 3:6

go de ia a de Maadua ne hai gi hano iho gi odaadeu elunga, i hiidinga o Iesu Klisdo taadeu Ia Hagaola,

Titus 3:4

Aagai de masavaa huu o de abodonu ma de aloha o de Maadua taadeu Ia Hagaola ne hagasula mai ai,

Luke 1:47

gai dogu hagasaalunga gu malangilangi i de Maadua dogu Ia Hagaola,

Jeremiah 16:9

Go hiidinga e hagadaba Tagi o denga hagabuulinga hebagi, de Maadua o Israel: Au e hai naa gi gidee e goodou i laangi oodou e mouli ai, teai daonga e malangilangi ai aabe go leo o taane ma de hine se goodo hai bodu i de mommee nei.

Isaiah 45:21

Goodou daalaa ma de gaamai oodou tonu, gai gilaadeu gi hagabuni gi hagasaele. Goai ne hagailoo ina mee nei madagidagi loo? Gai goai ne daalaa mee nei i denga masavaa gu hulo? E dee go au, Tagi Maolunga? Gai e deai ange donu se maadua, go au donu huu, au se Maadua heohi gai go de Ia Hagaola; e deai ange donu, go au donu huu.

Psalm 32:7

Go koe dogu mommee e mmuni ai, koe e buibui au i de hai ngadaa; ma de hai au gi daahili i taahili o de hagaola. Selah

Psalm 142:4

Galo ange gi dogu madau ma gi diiloo, gu deai donu dangada e kalo mai gi de au. Gu deai sogu mommee e buibui ai, gu deai donu dangada e aloha mai gi de au.

Deuteronomy 32:4

Ia se baba makaga, ana hegau e hoohonu danuaa, gai ia e hai hegau i de hagamodu heohi. Ia se Maadua e hai hegau i de muna abodonu ma teai se baubau i ono daha, ia e hagamodu i de heohi ma de soe.

1 Samuel 2:2

E deai ange donu se dangada e dabu bei Tagi Maolunga, e deai ange donu e bei oo dagodo; e deai ange donu se baba e bei taadeu Maadua.

2 Samuel 22:31

De Maadua, ono dagodo e honu abodonu; muna a Tagi Maolunga e heohi abodonu. Ia se buibui niiolaadeu alodahi e mmuni i ono daha.

2 Samuel 22:47

Tagi Maolunga e mouli laa! Hagadegi ina dogu baba makaga! Hagaamua ina dogu Maadua, de baba makaga, go dogu hagaola!

2 Samuel 23:3

De Maadua o Israel gu basa, de Baba o Israel ne hai mai gi de au, ‘Tangada e dagina dangada i de mee heohi, ma de dagi dangada i dono madagu i de Maadua,

Exodus 15:2

Go Tagi Maolunga ogu mahi ma dagu daahili, gai go ia dogu Ia Hagaola. Go ia dogu Maadua, gai au e tuhi naa donu ia; ia go de Maadua o dogu damana, gai au e daahili e tuhi ia.

Psalm 9:10

Gilaadeu e iloo doo ingoo e hagadonusia goe; Tagi Maolunga, koe tee tili donu gilaadeu e saalaa goe.

Psalm 46:2

Deelaa ai, gimaadeu e dee maatagu donu, e dee galemu donu de ngalue o de henua, gai denga mounga e tili ange gi lo te moana,