2 Samuel 22:2 - De Beebaa Dabu

² Ia ne hagadaba, “Tagi Maolunga go dogu baba makaga, ma dogu mommee buibui makaga ma dogu Ia Hagaola;

2 Samuel 22:2 Referans Kwoze

Psalm 71:3

Go koe de baba makaga oogu e buibui ai, go de mommee oogu e maua i de hano aagena i masavaa alodahi; koe gu hagadaba bolo au gi hagaola ina mai au, gai go koe dogu baba ma dogu mommee buibui makaga.

Psalm 31:3

Go koe dogu baba makaga ma dogu mommee buibui makaga; dagina huu au ma de poo dogu lima i hiidinga doo ingoo.

Psalm 144:2

Go ia e abodonu mai gi de au ma dogu mommee e mmuni ai, ma dogu mommee buibui makaga aama dogu Ia Hagaola; go ia dagu mee hungihungi ma dogu buibui; go de ia e hagadee kii ina denga huaadangada.

Psalm 91:2

e maua i de hai ange gi Tagi Maolunga, “Go koe dogu buibui ma dogu hale hagaloosi makaga, ma dogu Maadua, au e hagadonusia goe.”

Deuteronomy 32:4

Ia se baba makaga, ana hegau e hoohonu danuaa, gai ia e hai hegau i de hagamodu heohi. Ia se Maadua e hai hegau i de muna abodonu ma teai se baubau i ono daha, ia e hagamodu i de heohi ma de soe.

1 Samuel 2:2

E deai ange donu se dangada e dabu bei Tagi Maolunga, e deai ange donu e bei oo dagodo; e deai ange donu se baba e bei taadeu Maadua.

Matthew 16:18

Au e hai adu, go koe go Peter; go honga de baba nei aagu e hagaduu ai dogu nohoanga dabu, gai ssauaa o Hades e dee maua donu i de hagadee kii.

Psalm 42:9

Au e hai ange gi de Maadua dogu baba makaga, “Gu aha gu ngalo ai naa goe au? Ni haigamaiana aha dogu hano saele ma de daemaha ogu lodo, i de hagaduasala a ogu hagadaumee au?”

1 Samuel 23:25

Gai a Saul ma ono daane ne loomai e ssala ia. Gai hanu ne tala ange gi David de mee laa, gai ia ne hano iho gi lo te baba, ga noho ai i de vao o Maon. Gai ga langona huu e Saul mee laa, gai ia ga hano gi de vao o Maon, e doolohi ai David.

1 Samuel 24:2

Gai a Saul ga kave e dolumano daane dau o Israel, ga hano ai e ssala David ma ono daane, i gaogao Hadu o denga Guudi Lodo Henua.

2 Samuel 22:32

Goai de Maadua, e dee go Iahweh donu huu? Gai goai de baba makaga, e dee go taadeu Maadua donu huu?

2 Samuel 22:33

Go de Maadua dogu buibui makaga, ma de hai gi heohi abodonu dogu haiava.

2 Samuel 23:3

De Maadua o Israel gu basa, de Baba o Israel ne hai mai gi de au, ‘Tangada e dagina dangada i de mee heohi, ma de dagi dangada i dono madagu i de Maadua,

Proverbs 18:10

De ingoo o Tagi Maolunga e bei de hale buibui makaga; tangada heohi e savini ga hano aagena gai ia gu ola.