2 Samuel 22:1 - De Beebaa Dabu

¹ Gai David ne daahili ange gi Tagi Maolunga i taahili nei, i de masavaa a Tagi Maolunga ne hagaola ai ia mai i ono hagadaumee alodahi, ma mai i a Saul.

2 Samuel 22:1 Referans Kwoze

Judges 5:1

Gai Deborah ma Barak, tama daane a Abinoam ne daahili i de laangi laa, ga hagataba:

Exodus 15:1

Gai Moses ma de gau Israel alodahi ne daahili ange gi Tagi Maolunga i taahili nei, ga hai ange, “Au e daahili ange gi Tagi Maolunga i hiidinga ia gu kii i de hebagi. Ia gu maga ange denga hoosa ma dangada e savini ai gi lo te vai.

2 Timothy 4:18

Gai Tagi Maolunga e hagaola naa donu au mai i denga hegau baubau alodahi, ma de hagaola au ga kave gi dono nohoanga hodooligi i de langi. Gai hagamahamaha ina ia ga hano ai e dee ngado mai. Amen.

Psalm 34:19

Ga lagolago naa donu hai ngadaa o tangada heohi, aagai Tagi Maolunga e hagaola mai ia i mee nei hugadoo.

Psalm 50:14

Hagaahe ange de abodonu gi de Maadua i ssigidaumaha, koe gi hagassula ina au hagatoo donu ange gi de Ia Maolunga Mmao laa,

2 Samuel 22:49

go ia e hagaola ina mai au i ogu hagadaumee. Koe gu hagaamua ngau i ogu hagadaumee, koe gu hagaola mai au i de gau daa dangada.

1 Samuel 27:1

Gai David ga hagadaba i ono lodo, “A Saul e daa naa donu au ga magau i dahi laangi. De mee danuaa go dogu savini e hano gi de henua o de gau Philistia; gai a Saul gu dee humai ai loo e ssala ngau i de henua go Israel, gai au gu ola mai i de ia.”

1 Samuel 26:24

Tilo, au ne hagamogomogo doo mouli anailaa nei, gai Tagi Maolunga gi hagamogomogo ina hogi dogu mouli, ma de hagaola mai au i ogu hai ngadaa alodahi.”

1 Samuel 25:29

Gai noo dahi dangada e doolohi goe e daa gi magau, gai Tagi Maolunga doo Maadua gi buibui ina de mouli o dogu dangada aamua, bei de mee hagamogomogo e saabini laa. Aagai mouli o oo hagadaumee e maga naa gi daha, bei de hadu i lo te buada.

1 Samuel 24:15

Deenei ai, Tagi Maolunga gi hagamodu ina mee i odaau magavaa. Gai ia gi diiloo dagodo o mee nei ma de abodonu mai gi de au, ga hagaola mai au i de goe.”

1 Samuel 23:14

Gai David ne noho i lodo mommee makaga i de vao, ma mommee iai mounga i de vao o Ziph. Laangi alodahi gai a Saul ne ssala ia, aagai de Maadua tee dugu ange David gi de ia.

2 Corinthians 1:10

Ia ne hagaola gimaau mai i de hai ngadaa hagamaakau laa, gai ia e duudagi naa donu huu de hagaola gimaau. Gai gimaau e tali hagalodolodo bolo ia e ahe ange naa donu ga hagaola gimaau.

Deuteronomy 31:30

Gai Moses ne tala ange muna alodahi o taahili nei gi de huaadangada o Israel, mai i taamada ga dae ai gi de odi.

1 Chronicles 16:7

De laangi laa gai David ne hili Asaph ma ono dangada ange laa gi daahili ma de hagaahe ange de abodonu gi Tagi Maolunga:

2 Samuel 12:7

Gai Nathan ne hai ange gi David, “Go koe deenaa! Aanei muna a Tagi Maolunga, de Maadua o Israel, e tala adu, ‘Au ne hagadabu goe gi hodooligi i Israel, ma de hagaola goe mai i a Saul,