2 Samuel 21:2 - De Beebaa Dabu

² Gai de hodooligi ga hagahi de gau Gibeon gi loomai gi ono daha. (De gau Gibeon e dee ni dangada Israel, aagai ni dangada e doe mai i de gau Amor. Gai de gau Israel ne hagatoo donu bolo gilaadeu e dee daa gi maakau de gau Gibeon, aagai a Saul ne hagatale de daa gilaadeu gi odi, i hiidinga dono lodo mmahi i de bale ange Israel ma Judah.)

2 Samuel 21:2 Referans Kwoze

Galatians 4:17

Gilaadeu ne llodo mmao gi maua e gilaadeu goodou, aagai e dee se hiidinga danuaa. Gilaadeu e llodo e vvae gee goodou mai i de au, gi kona ai doodou llodo i gilaadeu.

Romans 10:2

Go hiidinga au e tala donu bolo gilaadeu e kona mmao de kana ange i hegau a de Maadua, aagai gilaadeu tigi tonu ange donu.

2 Kings 10:31

Aagai Jehu tee kana ange e daohi hainga a Tagi Maolunga, de Maadua o Israel, i ono lodo alodahi. Ia tee hano gee i haisala o Jeroboam, go mee aana ne hagahaisala ai de gau Israel.

2 Kings 10:16

Gai Jehu ne hai ange, “Humai madali au e tilo ai goe ogu mahi i hiidinga o Tagi Maolunga.” Gai ia ga hagauda Jehonadab madali ia i lo tono hada hebagi ga hulo ai gilaau.

1 Samuel 14:44

Gai a Saul ga hai ange, “Jonathan, de Maadua gi hagaduasala ina donu au; koe e daa donu gi magau!”

Deuteronomy 7:16

Gai goodou daia gi odi dangada alodahi a Tagi Maolunga doodou Maadua e gaavadu goodou gi hagadee kii ina. Goodou aude lodo aaloha ange gi gilaadeu aabe gi daumaha ange gi olaadeu diinonga, go hiidinga mee nei e hai naa goodou ga bei dagodo o de manu gu noodia laa i ssele.

Genesis 15:16

Gai de haa atangada naa huu o doo aamuli, gai gilaadeu gu aahe mai gi de henua nei, go hiidinga iainei tigi odi ange baubau o de gau Amor.”

John 16:2

Dangada e hai naa goodou gi dee ulu i olaadeu synagogue, gai e dae mai naa donu de masavaa a tangada e daia goodou ga maakau, e maanadu ai bolo ia e hai lodo o de Maadua.

2 Samuel 24:1

Gai Tagi Maolunga gu lili mmao ange i de gau Israel, gai ia ga usuusu ange David gi hai baasi ange gi gilaadeu, ga hai ange, “Hannoo daulia dangada o Israel ma Judah.”

1 Chronicles 1:14

ma de gau Jebus, ma de gau Amor, ma de gau Girgash,