2 Samuel 21:14 - De Beebaa Dabu

¹⁴ Gai dangada ne kave ivi o Saul ma dana dama go Jonathan ga danu i Zela, i de henua o Benjamin, i lo te daanunga a Kish, tamana o Saul. Gai dangada ne hagassula mee alodahi a de hodooligi ne tala ange gilaadeu gi haia. Dua mee laa gai de Maadua ne hai ga bei dalodalo a dangada i hiidinga o de henua.

2 Samuel 21:14 Referans Kwoze

2 Samuel 24:25

Gai David ne hagaduu dahi mommee o ssigidaumaha ange gi Tagi Maolunga i kilaa, ga hai ai denga sigidaumaha dudu ma sigidaumaha hagadanuaa magavaa. Gai Tagi Maolunga ga hagallongo dana dangidangi i hiidinga o de henua, gai de mee hagamaakau laa gu aau gee mai i Israel.

Joshua 18:28

ma Zelah, ma Haeleph, ma Jebus (e bei go Jerusalem), ma Gibeah, aama Kiriath Jearim — e madaangahulu ma haa aduhale nnui nei madali olaadeu aduhale vaaligiligi. Deenei de vaaenga ne bolo ange gi denga hagadiilinga i de aamuli o Benjamin.

Joshua 7:26

Gai de gau Israel ga haoli Achan i dahi hagabuulingaa hadu, gai de hagabuulingaa hadu laa e dagodo ga dae mai ai gi anailaa nei. Gai Tagi Maolunga gu helui dono lili. Deelaa ai, de mommee laa gu hagaingoo ange go de Geelonga o Achor.

Zechariah 6:8

Dua mee nei gai tangada de langi ne oo ga hai mai, “Tilo, denga hoosa ne hulo laa gi henua i ngaiho gu hai ma gu sili dogu lili i de henua i ngaiho.”

Jonah 1:15

Gai gilaadeu ga poo Jonah ga maga gi lausedi, gai gu malino honga tai.

2 Samuel 4:12

Gai David ne basa ange gi ono daane, gai gilaadeu ga daa gilaau gu maakau, ga duuduu olaau lima ma olaau vae, gai ga daudau age gilaau i gaogao de vai i Hebron. Aagai gilaadeu ne kave de biho o Ish-Bosheth ga danu i lo te daanunga a Abner i Hebron.

2 Samuel 3:32

Gai gilaadeu ne kave Abner ga danu i Hebron; gai de hodooligi ne oo ga dangi i gaogao taanunga o Abner; gai dangada alodahi gu tangi hogi.

1 Samuel 10:2

De masavaa naa huu oou e hano gee ai i ogu daha ailaa nei, gai koe e hedae ange naa gi e dogolua daane i gaogao taanunga o Rachel, i de vaaenga o Benjamin i Zelzah. Gai gilaau e hai adu naa gi de goe, ‘Denga donkey aau e ssala gu gidee, gai doo damana gu dee manavasaa i denga donkey, gai gu manavasaa i de goe, ma de hagadaba, “Ni aha aagu ga hai i hiidinga o dagu dama?” ’

Numbers 25:13

Gai se mee ange gi gilaadeu ma dono aamuli e loomai i ono dua, gai se hagatoo donu hagaheloongoi ange gi tuulanga o tangada haimeedabu ga hano ai, go hiidinga ia ne lodo gaiaa i hiidinga o dono Maadua, gai ia ne hai ga maatala haisala o de gau Israel.’ ”

2 Samuel 21:13

Gai David ga gaamai ivi o Saul ma dana dama daane go Jonathan i kilaa, aama ivi o denga daane a de gau Gibeon ne daa laa ga daudau age i denga manu ssomo.

Numbers 25:8

ga daudali ange i taane Israel laa ga hano ai gi de aabi i lodo, ga hai dono dao ga velo ai taane Israel laa ma de hine laa ngaadahi, gai tao laa gu sula gi tua o de hine laa. Gai de mee hagamaakau laa gu tuu i daho de gau Israel.