2 Samuel 20:9 - De Beebaa Dabu

⁹ Gai Joab ne hai ange gi Amasa, “Dogu daina, aahee oo dagodo?” Gai a Joab ga poo de gumigumi o Amasa i dono lima madau ga oso ia.

2 Samuel 20:9 Referans Kwoze

Micah 7:2

Gu deai donu dangada heohi i honga de henua, gu deai donu se dangada e hai hegau i de mee heohi e doe. Dangada alodahi gu nnoho huu e daa dangada gi maakau; dahi dangada e noho e daa dono daina.

Psalm 55:21

Ana muna e segesege bei denga kiliisi, aagai ono lodo e maanadu de hebagi; ana muna e ssali ngaohie ange i lolo, aagai e bei donu de gadilaasa kangi gu dada mai laa e tuu ai dahi mee.

2 Samuel 3:27

Gai de masavaa o Abner ne dae mai ai gi Hebron, gai a Joab ne kave ia gi gaogao de haitoga o de aduhale, e dagodo be ia e lodo e pasa ai gilaau. Gai ia ga velo tinae o Abner, gai ia gu magau, i hiidinga ia ne daa ga magau taina daane o Joab go Asahel.

2 Samuel 15:5

Gai e bei ai hogi, de masavaa naa huu o tangada e humai ai ga ino ange gi de ia, gai Absalom ga haalo ange dono lima, ma de poo mai ia ga oso.

2 Samuel 17:25

Gai Absalom ne hai Amasa gi dagina denga daane hebagi gi suuia ai Joab. Gai Amasa go tama daane a taane e hagaingoo ange laa go Jether, mai i de aamuli o Ishmael, ne hai bodu ange laa gi Abigail, tamaa hine a Nahash, taina hahine o Zeruiah, tinana o Joab.

2 Samuel 18:29

Gai de hodooligi ne ssili ange, “Aahee dagodo o dagu dama go Absalom?” Ahimaaz ne hai ange, “De masavaa a Joab, taane hai hegau o de hodooligi, ne hai ai au, doo dangada hai hegau gi humai, gai au ne gidee de hellumi o dangada, aagai au tee iloo be se aha gu hai laa.”

1 Kings 2:32

Tagi Maolunga gi suuia ange dana daa ga maakau dangada, go hiidinga dogu damana go David tee iloo donu e ia dana poo luu daane laa ga daa gu maakau i de gadilaasa. Go Abner, tama daane a Ner, tagi o de hagabuulinga hebagi o Israel, aama Amasa, tama daane a Jether, tagi o de hagabuulinga hebagi o Judah — gilaau ngaadahi e danuaa ange ma de heohi ange i de ia.

Jeremiah 41:2

gai Ishmael tama daane a Nethaniah ma denga daane dinoangahulu madali ia, ne hiihidi age ga daa Gedaliah tama daane a Ahikam, tama daane a Shaphan i de gadilaasa, go taane a de hodooligi o Babylon ne hai gi goobena i de henua.

Judges 3:15

Aagai de masavaa huu o de gau Israel ne tangi ange ai gi Tagi Maolunga, gai Tagi Maolunga ga hili dahi daane gi hagaola ina gilaadeu, dono ingoo go Ehud, tama daane a Gera mai i de aamuli o Benjamin, ia se daane lima masui. Gai de gau Israel ne hai ia gi hano gi gaavee dahi mee ngadi gaavange gi Eglon, de hodooligi o Moab.

Proverbs 26:23

De hagasegesege ange tangada i au muna gai oo lodo e dee se muna abodonu, e bei de gumedi ne hai laa i gelegele, ma gu hagamalamalama laa daha.

Proverbs 27:6

Koe e maua i de hagadonu doo soa i dana hagasee goe, aagai tangada e kino i de goe e lagolago ana hanonga e oso ai goe.