2 Samuel 20:19 - De Beebaa Dabu

¹⁹ Au se hine madali gilaadeu e llodo i de nnoho paba ma de hai hegau i de muna abodonu i Israel; goodou gu loomai e oha dahi aduhale hagamogomogo i Israel. Gai gu aha goodou gu llodo ai naa e oha de boolonga o Tagi Maolunga?”

2 Samuel 20:19 Referans Kwoze

1 Samuel 26:19

Deenei ai, dogu dangada aamua go de hodooligi, aude haihaia hagalaangona muna a doo dangada hai hegau. Noo go Tagi Maolunga ne gaavadu gi oo lodo, koe gi humai gi hai baasi mai gi de au, gai ia gi gaavee dahi sigidaumaha mai i ogu daha; aagai noo go dangada, gai Tagi Maolunga gi hagamalaia ina gilaadeu, go hiidinga anailaa nei gai gilaadeu gu hai au gi hano gee mai i de henua o Tagi Maolunga, gi daumaha ange gi denga diinonga.

2 Samuel 21:3

Gai David ne hai ange gi de gau Gibeon, “Se aha aagu e hai e sui ai mee gu hai adu gi goodou, gai goodou ga hagamanuuia ai dangada o Tagi Maolunga?”

1 Timothy 2:2

ma denga hodooligi, ma gilaadeu iai ssauaa e dagi ai, gi maua ai e gidaadeu i de nnoho paba ma de duadonu, i taadeu hai lodo o de Maadua, aama de hagadubu alodahi.

2 Samuel 17:16

Gai gooluu hagamoolau hagailoo ina ange gi David, hai ange, ‘Koe gi dee noho i gaogao de mommee e hulo ai laa gi de baasi gee, gai koe hano gi de baasi i dua o de vai, gi dee maakau ai goodou ma dangada alodahi madali goe.’ ”

2 Corinthians 5:4

De masavaa odaadeu e mouli ai i lo te hale malo nei, gai gidaadeu e duasala ma de daemaha — e dee go hiidinga gidaadeu e llodo gi gaavee gee odaadeu angaanga nei, aagai gidaadeu e llodo e kahu i de hale ange laa, gai de angaanga magaugau nei e sui naa ga se angaanga e mouli.

1 Corinthians 15:54

De masavaa naa huu e sui ai de angaanga bobo nei ga se angaanga e dee bobo, gai de angaanga magau nei e hai gi se angaanga e dee magau, gai gi hagassula ai muna e sisi laa e hai ange: “De magau gu hai ma gu lilo i de hagadee kii ina!”

Lamentations 2:16

Oo hagadaumee alodahi e hai baasi adu naa gi de goe i alaadeu muna; gilaadeu e hagavogivogi, ma de kadi adu olaadeu gauvae gi de goe, gilaadeu ne hagataba, “Gimaadeu gu oha de aduhale laa! Deenei donu demaadeu laangi nogo tali laa, gai iainei gu dae mai ma gu gidee e gimaadeu!”

Lamentations 2:5

De Ia Aamua gu bei dagodo o de hagadaumee; ia gu oha ma de holo Israel. Ia ne holo ono hale danuaa alodahi, ma de oha ono mommee buibui makaga. Ia gu hai gi laumalie de hinangalosaa ma de dangi o tamaa hine o Judah.

Lamentations 2:2

De Ia Aamua tee lodo aloha ange donu gai ne oha mommee nnoho alodahi o Jacob; ia ne oha mommee buibui makaga o tamaa hine o Judah i dono bole. Ia ne oha iho dono nohoanga hodooligi, ma de hai gi dee hagadubulia ono dagi.

Jeremiah 51:44

Gai au e hagaduasala naa a Bel i Babylon, ga hai ia gi lueia mai mee aana gu holo. Gai denga huaahenua gu dee daga e hulo gi ono daha; de buibui o Babylon gu maoha.

Jeremiah 51:34

⌊Dangada o Jerusalem e hagataba,⌋ “De hodooligi o Babylon go Nebuchadnezzar gu holo gimaadeu, ia gu hai gi ssenga ange gimaadeu, ia gu hai gimaadeu bei de ssaa gu deai mee i ono lodo. Ia gu holo gimaadeu bei dahi manu hagamaatagu, ma de hhao dono dinae i agu gai mammami, ga lava ga luei mai gimaadeu.”

Psalm 124:3

ma de masavaa ne kona ai delaadeu llili i gimaadeu, gai gilaadeu ne odi donu i de maakau;

Judges 5:7

Denga aduhale o Israel gu ngadi daakodo, gu ngadi daakodo ga dae ai gi dogu dae mai, au go Deborah, ga hai ai tinana o Israel.

Deuteronomy 32:9

Gai tiba a Tagi Maolunga go dono huaadangada, Jacob go de vaaenga ne bolo ange gi de ia.

Numbers 26:10

gai de gelegele ne mahanga lua ga holo gilaadeu madali Korah, de ahi ne daa ga maakau e 250 daane. Gai de gau laa ne hai ga se mee e hagakana ange ai gilaadeu.

Numbers 16:32

gai de henua gu mahuge ga holo denga daane laa, madali olaadeu huaabodu ma dangada alodahi ne daudali ange i Korah, aama olaadeu goloa alodahi.

Genesis 18:23

Gai Abraham ne humai gi baa ange ia gi Tagi Maolunga, ga hai ange, “Koe e daa naa hogi gi magau tangada heohi madali tangada baubau?

Deuteronomy 20:10

Gai de masavaa naa huu oodou e hulo ai e hebagi ange gi dangada i dahi aduhale, gai goodou hagataalea i mua de hagadanuaa oodou magavaa ma dangada i de aduhale laa.

2 Samuel 14:16

Gai de hodooligi e hagallongo naa ma de hagaola mai au, dono dangada hai hegau, i tangada e lodo e aaua gee gimaau ma dagu dama i de mee a de Maadua gu bolo mai gi gimaau.’

2 Samuel 20:18

Gai ia ga hai ange, “Dangada ne hagataba madagidagi, ‘Siilia gi iloo mai i Abel’, gi maua ai gi modu dahi mee.

2 Samuel 20:20

Joab ne hai ange, “Ni muna abodonu, au e dee lodo donu e hagalilo aabe oha doodou aduhale!

1 Samuel 10:1

Gai Samuel ne kave dahi manu lolo ga llingi ange gi honga de biho o Saul ma de oso ia, ga hai ange, “E aha, e dee go Tagi Maolunga ne hagadabu ina goe i de lolo gi dagina ono dangada, go de gau Israel? [Gai koe ga dagi ai dangada o Tagi Maolunga ma de hagaola gilaadeu mai i olaadeu hagadaumee i luu baasi delaadeu henua. Gai deenei de hagailonga adu gi de goe, bolo Tagi Maolunga gu hagadabu goe i de lolo gi dagina dangada o dono boolonga.]

1 Kings 8:53

Gai koe ne hili gilaadeu ga vvae gee mai, i denga huaahenua alodahi o henua i lalo, e hai ai dangada o doo boolonga, bei dau hai gu tala ai laa i daho Moses, doo dangada hai hegau, i de masavaa aau, dogu Ia Aamua go Iahweh, ne hagassao mai ai omaadeu dubuna i Egypt.”

Psalm 33:12

E manuuia de huaahenua go Tagi Maolunga delaadeu Maadua, ma dangada aana gu hili go ono dangada!

Psalm 78:71

ma mai i de hagaloosi denga ssiibi ma alaadeu dama, ga hai ia gi diiloo ange ono dangada go Jacob, go de gau Israel ana dangada ne hili.

Psalm 106:5

gai gi gidee ai e au de manuuia o dangada aau gu hili, gai au ga malangilangi ai madali doo huaahenua, ma de tuhi madali oo dangada.