2 Samuel 19:43 - De Beebaa Dabu

⁴³ Gai denga daane o Israel ne hai ange gi denga daane o Judah, “Gimaadeu e madaangahulu odi huu amaadeu diba ange gi de hodooligi, gai e kii ange de laumalie demaadeu heohi ange gi David i goodou. Gai gu aha goodou gu hagangadi mee ai laa gimaadeu? E dee go gimaadeu i mua ne llodo laa e hagaahea mai taadeu hodooligi?” Gai ne kii muna a denga daane o Judah i de mmahi i muna a denga daane o Israel.

2 Samuel 19:43 Referans Kwoze

Galatians 5:20

ma de daumaha ange gi denga diinonga, ma de hai huuhuaa mee, ma de hagadau kino, ma de hagadau hebagi, ma de lodo gaiaa, ma de lili, ma tee anga ange gi dangada, ma tee buni, ma de hagadau hai baasi,

2 Samuel 5:1

Gai aamuli alodahi o Israel ne hagabuni mai gi daho David i Hebron, ga hai ange, “Tilo, gimaadeu ni dangada donu niiou.

James 1:20

go hiidinga de lili o tangada e dee hagahai hegau de heohi o de Maadua.

Philippians 2:3

Goodou gi dee haia donu huu oodou mee e llodo ai aabe go de llodo maolunga, aagai goodou gi lodo maolalo ma de tala bolo de gau ange laa e danuaa ange i goodou.

Galatians 5:26

Gidaadeu gi dee pasa hagassoenga, ga hagadau hagallili ai goodou, aama de hagadau llodo gaiaa i oodou magavaa.

Galatians 5:15

Aagai noo goodou e hagadau hebagi ma de hagadau vaivai hai goodou, gai goodou kana ange gi dee hagadau daia donu huu goodou gi maakau.

Romans 12:21

Goodou gi dee dugua ange gi kii de baubau i goodou, aagai goodou haia gi kii tanuaa i de baubau.

Proverbs 18:19

Tangada gu lili laa e makaga ange ono lodo i de aduhale buibui makaga, gai de hagadaumee e bei baalanga hagamakaga o de hale buibui makaga.

Proverbs 17:14

Taamada o de hagadaumee e bei de maoha o dahi bae e daohia vai, deelaa ai, duudia de hagadaumee i mua de daamada.

Proverbs 15:1

De muna maamaane e tuu de bole, aagai muna pada e hai ga lili tangada.

Proverbs 13:10

De hagamaolunga e hidi mai ai de hagadaumee, aagai de heiangi e gidee i daho dangada e gaavee muna bale.

1 Kings 12:16

De masavaa huu a de gau Israel alodahi ne gidee ai bolo de hodooligi tee hai gi bei alaadeu muna, gai gilaadeu ga hai ange gi de hodooligi, “E aha, e dahi amaadeu diba i daho David? E dahi amaadeu diba i daho tama a Jesse? De gau Israel, goodou aahe gi oodou mommee! David, diiloo ange donu huu doo huaabodu!” Gai de gau Israel alodahi ga aahe gi olaadeu mommee.

2 Samuel 20:6

Gai David ne hai ange gi Abishai, “Sheba, tama daane a Bicri e kii ange naa de baubau ana mee e hai mai gi gidaadeu i Absalom. Gaavee ogu dangada hai hegau, goodou hulo dolohia Sheba, kana hano ia ga dae gi hanu aduhale buibui ga noho ai, gai ia gu ola mai i gidaadeu.”

2 Samuel 20:1

Gai e dahi daane baubau i kilaa, dono ingoo go Sheba, tama daane a Bicri, gai se daane de aamuli o Benjamin. Ia ne ili de hanga manu, ga hagadaba, “Gidaadeu e dee dau ange gi David, gai e deai sedaadeu diba i daho tama a Jesse! Dangada alodahi o Israel, goodou aahe gi oodou hale!”

2 Samuel 19:14

Gai David ne hagabasa dangada alodahi o Judah, gai gilaadeu gu buni ange gi de ia. Gai gilaadeu ne aalu ga hai ange gi de hodooligi, “Goodou ma oo dangada hai hegau alodahi aahe mai.”

2 Samuel 19:9

Gai de gau Israel alodahi e hagadaumee i olaadeu magavaa ma e hagataba, “De hodooligi ne hagaola gidaadeu mai i odaadeu hagadaumee, ma de hagaola gidaadeu mai i de gau Philistia. Gai iainei ia gu savini ma gu hano gee i de henua i hiidinga o Absalom.

Judges 9:23

gai de Maadua ne hai gi humai dahi hagasaalunga baubau, gi haia gi dee heloongoi magavaa o Abimelek ma de gau Shechem, gai denga daane Shechem ne hai baasi ange gi Abimelek.

Judges 8:1

Gai denga daane o Ephraim ga hai ange gi Gideon, “Se hegau bee hee aau ne hai mai nei gi gimaadeu? Koe tee hagahi mai gimaadeu i de masavaa oodou ne hulo ai e hebagi ange gi de gau Midian.” Gai gu kona donu delaadeu hagadaumee ange gi de ia.