27 Dogu dangada aamua go de hodooligi, ia gu hagabaubau adu au gi de goe. Gai au e iloo bolo koe e bei dagodo o tangada de langi o de Maadua; deenei ai, haia be se aha aau e maanadu bolo e danuaa.
Doo dangada hai hegau go Joab ne hai de mee nei gi maua i de sui dagodo o mee e hai iainei. Aagai koe, dogu dangada aamua, e heiangi bei de heiangi o tangada de langi o de Maadua, koe e donu ange gi dagodo o mee alodahi e hai i honga de henua!”
Gai au ne maanadu, bolo muna a de hodooligi e hai naa ga baba ogu lodo; go hiidinga koe, dogu dangada aamua go de hodooligi, e maua i de vvae tanuaa mai i de baubau, bei dagodo o tangada de langi o de Maadua. Tagi Maolunga doo Maadua gi noho i oo daha!”
Gai de hodooligi ne ssili ange, “Gai i hee iai de mogobuna o doo dangada aamua?” Ziba ne hai ange gi de hodooligi, “Tilo, ia e noho i Jerusalem, go hiidinga ia e hagadaba, ‘Ailaa nei, gai de gau Israel e hagaahe mai naa gi de au de nohoanga hodooligi o dogu dubuna.’ ”
Gai Achish ga basa ange gi David, ga hai ange, “Au e iloo bolo koe tigi haisala mai donu gi de au, koe e bei dagodo o dahi dangada de langi o de Maadua. Aagai dagi o de gau Philistia ne hagataba, ‘Ia e dee hano donu madali gidaadeu gi de hebagi.’
Tangada gi kana gi dagidiiloo dangada e paa ange gi de ia, aude hagadonusia dahi oo daina. Go hiidinga dangada alodahi ni dangada hadu muna, gai tangada e baa adu se dangada adi longo.
Au e daa naa gi magau tangada e hagabaubau ina dahi dangada; au e dee golomagi naa donu ogu lodo ange gi tangada e galo hagamaolunga ma de lodo maolunga.
Gai de hodooligi ne hai ange gi Ziba, “Ailaa nei, gai au e gaavadu gi de goe mee alodahi a Mephibosheth.” Ziba ne hai ange, “Au e ino adu gi de goe, dogu dangada aamua, go de hodooligi, koe gu abodonu mai gi de au.”
Gai e mano daane o Benjamin madali ia, aama Ziba, taane hai hegau o de huaabodu o Saul, ma ana dama daane e dinoangahulu ma dogolima aama ono dangada hai hegau e dinolua. Gilaadeu ne hagamoolau ga loomai gi Jordan, gi mada i mua o de hodooligi.
Gai de hodooligi ga ssili ange, “E dahi nei huu dangada de huaabodu o Saul goi mouli, gai au ga abodonu ange gi de ia i de abodonu o de Maadua?” Ziba ne hai ange, “E dahi dama daane a Jonathan e mouli, gai luoono vae e balagelage.”