2 Samuel 19:21 - De Beebaa Dabu

²¹ Gai Abishai, tama daane a Zeruiah, ne hai ange, “E danuaa donu de daa Shimei gi magau, go hiidinga ia ne hagamalaia taane a Tagi Maolunga gu hagadabu.”

2 Samuel 19:21 Referans Kwoze

Exodus 22:28

Aude basa hagamalaia i de Maadua aabe go dahi dagi o doo huaadangada.

1 Samuel 26:9

Aagai David ga hai ange gi Abishai, “Koe e dee daa donu ia gi magau. Goai e maua i de poo ange gi tangada a Tagi Maolunga gu hagadabu, gai e dee haisala?”

2 Samuel 16:13

Gai David ma ono daane ne seesee ai loo ga hulo i honga de haiava, gai Shimei e seesee adu i de hiihii o tuuduu i de baasi gee o de haiava ma e tala ai ana muna hagamalaia laa, ma de hai denga hadu ma gelegele ma e magamaga ai David.

2 Samuel 16:5

De masavaa o de hodooligi ne dae ai gi Bahurim, gai tilo, dahi daane mai i de huaabodu o Saul, dono ingoo go Shimei, tama daane a Gera, ne humai ga hagamalaia David.

1 Samuel 24:6

Gai ia ga hai ange gi ono daane, “Tagi Maolunga e dee dugu mai au gi haia ange de hegau bee nei gi dogu dangada aamua, go de ia a Tagi Maolunga gu hagadabu i de lolo. Au e dee maua hogi i de poo ange gi de ia, i hiidinga go ia a Tagi Maolunga ne hagadabu.”

2 Samuel 16:9

Gai Abishai, tama daane a Zeruiah, ne hai ange gi de hodooligi, “Dogu dangada aamua go de hodooligi, gu aha gu dugu ange ai naa goe de gaaduu magau naa gi hagamalaia ina goe? Dugua mai gai au ga hano e tuu dono ua!”

Psalm 84:9

De Maadua, galo iho diiloo demaadeu mee hungihungi; gai abodonu ange de ia aau gu hagadabu i de lolo.

Lamentations 4:20

De ia a Tagi Maolunga gu hagadabu i de lolo, go de ia omaadeu e mouli ai, gu too ange gi lodo geelonga. Gai gimaadeu ne maanadu bolo gimaadeu e nnoho i lalo dono malu, i demaadeu nnoho i magavaa o denga huaahenua.