2 Samuel 18:9 - De Beebaa Dabu

⁹ Gai denga daane o David ne gidee e gilaadeu Absalom. Ia ne gage i honga dahi donkey ma gu savini ai; gai de manu laa ne savini laa lalo dahi oak laumalie ma de laalaa ina, gai ono ngaangaaulu ne llave ange gi dahi laa o de manu laa. Gai ia gu daudau i lo te moana i kilaa, gai dana donkey gu savini ma gu hano.

2 Samuel 18:9 Referans Kwoze

2 Samuel 14:26

Gai de masavaa naa huu aana e tuu ai dono biho — gai de hagaodi o denga ngadau alodahi gai ia e tuu dono biho, go hiidinga gu kona taemaha — gai ia ga hagahidi, gai taemaha o ono ngaangaaulu se lualau shekel, bei de hagabaaunga o shekel a de hodooligi.

Proverbs 30:17

Tangada e hakadanga i dono damana ma de kino i de hagallongo ange gi dono dinana e naonao ina naa luoono hadu mada i denga raven o de geelonga, ma de gaina i denga vulture.

De Beebaa go Job 31:3

E aha, de hai ngadaa e dee duu ange laa gi de gau baubau, gai de mmala ange gi gilaadeu e haia de baubau?

Galatians 3:13

Klisdo ne hagao gidaadeu ga hagaola mai i de hagamalaia o de hainga, ia ne hagamalaia i odaadeu hiidinga — go hiidinga gu sisi e hai ange, “E hagamalaia tangada e daudau i honga dahi manu somo”  —

Mark 7:10

Go hiidinga Moses ne hagadaba, ‘Hagadubu ina doo damana ma doo dinana,’ gai ‘Tangada e hagangadi mee ina dono damana aabe go dono dinana e daa donu gi magau.’

Jeremiah 48:44

Tangada e savini ga hano gee i de mee hagamaatagu, e doo ange naa gi lo te geelinga gelo, gai tangada e gage age i lo te geelinga gelo laa, e doo ange naa gi lo te sele. Go hiidinga au e gaamai naa gi honga o Moab dahi ngadau e hagaduasala ai ia, go Tagi Maolunga e hagadaba.

Proverbs 20:20

Tangada e basa baubau i dono damana aabe go dono dinana, dono mouli e bei naa de laama e diinei laa i lo te gohu boo dangodango.

2 Samuel 18:14

Joab ne hai ange, “Au e dee lodo e moumou ogu masavaa e hagallongo ai au muna.” Gai a Joab ga poo e dolu dao podo ga velo ai de hadu manava o Absalom, i de masavaa oona e mouli ai ma e daudau i lalo de oak.

2 Samuel 17:23

De masavaa huu a Ahithophel ne gidee ai bolo dangada tee daudali i ana muna, gai ia ga gage i honga dana donkey ga hano ai gi dono hale i dono aduhale. Gai ia ga hagadabena mee alodahi i dono hale, gai ia ne hano ga gabaea. Deelaa ai, ia ne magau ga danu i lo te daanunga a dono huaabodu.

Deuteronomy 27:20

“E malaia tangada e dagodo haisala ma de bodu o dono damana, go hiidinga ia tee hagadubu dono damana.” Gai dangada alodahi gi hai ange, “Amen!”

Deuteronomy 27:16

“E malaia tangada e dee hagadubu ina dono damana ma dono dinana.” Gai dangada alodahi gi hai ange, “Amen!”

Deuteronomy 21:23

gai goodou gi dee dugua dono angaanga gi daudau i de manu laa i de boo laa alodahi. Aagai danumia dono angaanga i de laangi laa donu huu, go hiidinga tangada e daudau i de manu somo gu hagamalaia i daho de Maadua. Deelaa ai, goodou gi dee haia gi hakino gee de henua a Tagi Maolunga doodou Maadua e gaavadu gi goodou gi henua ai.

Matthew 27:5

Aagai Judas ne tili denga dibaa selevaa laa i lo te temple, gai ia ga hano ga hagagabaea.

2 Samuel 13:29

Gai de gau hai hegau o Absalom ne daa Amnon ga magau, bei de hai a Absalom gu tala ange ai. Gai dama alodahi a de hodooligi ne kage i honga alaadeu donkey ga saavini ga hulo gee mai i kilaa.

2 Samuel 18:8

Gai de hebagi ne hai i de henua laa alodahi; gai dangada ne maakau i lodo henua e soa ange i dangada ne daia ga maakau i de gadilaasa.

2 Samuel 18:10

Gai dahi daane ne gidee e ia mee nei, gai ia ga hano ga hai ange gi a Joab, “Au ne gidee Absalom e daudau i lalo dahi oak.”