2 Samuel 18:4 - De Beebaa Dabu

⁴ De hodooligi ne hai ange gi gilaadeu, “Be se aha naa huu oodou e maanadu bolo e danuaa, gai au ga hai.” Gai de hodooligi ne duu i gaogao de haitoga o de aduhale, i de masavaa o de hagabuulinga hebagi alodahi ne daga ai i olaadeu hagabuulinga ma e hulo, hanu e dagillau, gai hanu e dagimano.

2 Samuel 18:4 Referans Kwoze

2 Samuel 18:24

De masavaa laa gai David e noho i magavaa de haitoga i lodo ma de haitoga i daha i de buibui o de aduhale; gai taane dagidiiloo ne gage ga noho i honga de haitoga i gaogao de buibui. Gai ia ne gidee adu dahi daane e savini mai donu huu i de ia.

Isaiah 28:6

Ia e gaavange naa gi de ia hagamodu muna de hagasaalunga o de hagamodu heohi, ma de hagammahi gilaadeu e aahe mai i de hebagi gi de haitoga o de aduhale.

2 Samuel 18:1

Gai David ga hagabuni denga daane madali ia, ga hili denga dagi o de mano ma dagi o de lau gi dagina gilaadeu.

1 Samuel 29:2

Gai dagi o de gau Philistia ne daga mai madali olaadeu hagabuulinga; hanu e dagillau, gai hanu e dagimano, aagai David ma ono daane e daga adu i muli madali Achish.

2 Samuel 18:5

Gai de hodooligi ne hai ange gi Joab, ma Abishai aama Ittai, “Goodou haia maalie dagu dama go Absalom i ogu hiidinga.” Gai denga daane alodahi ne langona e gilaadeu muna a de hodooligi ne tala ange gi denga dagi i dagodo o Absalom.