2 Samuel 18:24 - De Beebaa Dabu

²⁴ De masavaa laa gai David e noho i magavaa de haitoga i lodo ma de haitoga i daha i de buibui o de aduhale; gai taane dagidiiloo ne gage ga noho i honga de haitoga i gaogao de buibui. Gai ia ne gidee adu dahi daane e savini mai donu huu i de ia.

2 Samuel 18:24 Referans Kwoze

2 Samuel 19:8

Gai de hodooligi ga hidi age ga hano ga noho i honga dono duulanga i gaogao de haitoga o de aduhale. Gai dangada alodahi gu langona bolo de hodooligi gu noho i gaogao de haitoga o de aduhale, gai dangada alodahi ga hagabuni mai gi daho de hodooligi. De masavaa laa gai de gau Israel alodahi gu saavini ma gu aahe gi olaadeu hale.

2 Samuel 18:4

De hodooligi ne hai ange gi gilaadeu, “Be se aha naa huu oodou e maanadu bolo e danuaa, gai au ga hai.” Gai de hodooligi ne duu i gaogao de haitoga o de aduhale, i de masavaa o de hagabuulinga hebagi alodahi ne daga ai i olaadeu hagabuulinga ma e hulo, hanu e dagillau, gai hanu e dagimano.

2 Samuel 13:34

De masavaa laa gai Absalom gu savini ma gu hano. Gai taane dagitilo ne gidee adu hanu dangada soa e loomai i honga de haiava i ono dua, gai e loiho i de madadaagodo i gaogao de mounga. [Gai ia ne hano ga hai ange gi de hodooligi, “Au e gidee adu hanu dangada e loomai i Horonaim, i gaogao de mounga.”]

1 Samuel 4:13

De masavaa oona ne dae mai ai gi kilaa, gai Eli e noho i honga dono seaa i gaogao de haiava ma e tilo adu ai, go hiidinga ia gu manavasaa i de ngavesi a de Maadua. Gai de masavaa huu o taane laa ne dae mai ai gi lo te aduhale, ga tala ange ai longo o de hebagi, gai dangada alodahi i de aduhale ga hevaalogi ga tangi.

2 Samuel 18:23

Gai tama daane laa ne hai ange, “E dee hilihili donu be ni aha e hai, gai au e lodo e savini.” Gai a Joab ga hai ange gi de ia, “Savini.” Gai Ahimaaz ga savini i de haiava e hano laa i de mommee soe, gai ia ne savini ga ui i taane Ethiopia.

2 Samuel 18:25

Gai ia ga oo iho ga tala ange gi de hodooligi. Gai de hodooligi ga hai ange, “Noo go ia donu huu, gai ia e gaamai dahi longo danuaa.” Gai ga dai baa mai huu taane laa,