2 Samuel 18:21 - De Beebaa Dabu

²¹ Gai a Joab ne hai ange gi dahi daane Ethiopia, “Hannoo daalaa ange gi de hodooligi au mee gu gidee.” Gai taane Ethiopia laa ne ino ange gi Joab, gai ia ga savini ga hano.

2 Samuel 18:21 Referans Kwoze

2 Samuel 18:20

Joab ne hai ange gi de ia, “E dee go koe e gaavee de longo ailaa nei; dahi laangi ange gai koe ga kave ai de longo, aagai koe e dee kave donu de longo ailaa nei, go hiidinga tama daane a de hodooligi gu magau.”

2 Samuel 18:22

Gai Ahimaaz, tama daane a Zadok, ne hai ange hogi gi Joab, “E dee hilihili donu be ni aha e hai, gai dugua mai au gi savini i dua taane Ethiopia.” Aagai Joab ne hai ange, “Dagu dama, gu aha gu lodo ai goe e hano? E deai donu se hagaoanga aau e mau i dau kave de longo nei.”

2 Samuel 18:23

Gai tama daane laa ne hai ange, “E dee hilihili donu be ni aha e hai, gai au e lodo e savini.” Gai a Joab ga hai ange gi de ia, “Savini.” Gai Ahimaaz ga savini i de haiava e hano laa i de mommee soe, gai ia ne savini ga ui i taane Ethiopia.

2 Samuel 18:31

Gai tilo, taane Ethiopia gu dae mai hogi, ga hai ange, “Au gu gaamai hogi dahi longo danuaa ange gi dogu dangada aamua, go de hodooligi! Anailaa nei gai Tagi Maolunga gu hagaola goe mai i gilaadeu alodahi e hai baasi adu gi de goe.”